دي المشاركة الاولى لي بالمنتدى وانا املك سيارة اسبرانزا 516 موديل 2009 وانا اشتريتها زيرو في نهاية 2008
لاقيت في مشكلة في الفرامل ان العربية بتحدف شمال لما اضغط فرامل بالاضافة ان الدواسة لازم اضغط عليها في بعض الاحيان بقوة عن المعتاد علشان تبدأ تمسك
الخلاصة اني حت لاحد مراكز الصيانة طلب مني تغيير سيرفو و تيل خلفي ولكن لسه المشكلة موجوده بالاضافة الى صوت خبط غريب في عند الدوران جهة اليمين
رحت لعفشجي ... غير لي كوبلن داخلي
رحت لعفشجي تاني غير لي مسمار الميزان و جلب المقص
المهم من خلال المنتديات سمعت عن مركز احمد مهران في السيدة زينب خلف مسجد الطيبي .. كلمته على الموبايل اللي على المنتديات ورتبت معاه موعد الزيارة
اول ما وصلت قالي حطلع اجرب معاك علشان اقولك حتاخد وقت اد ايه
المهم خرجنا نجرب وسمعنا الاصوات والعربية حدفت شمال بالضغط على الفرملة وهي ماشية بسرعه اقل من 40 وده معناه انها لة على سرعه اعلى الموضوع حيبقى صعب لانها حتلف وربنا ستر
رفعنا العربية على جهاز الرافعه ولاقينا كبالن عاوزة تتغير واجهزة الفرامل عاوزة تتظبط و تيل الفرامل الامامي محتاج تعيير واتضح ان العفشجي الاخير اللي غير لي جلب المقص كان مركب المقص غللط
وفر لي قطع الغيارالمطلوبة و تم تركيب الكبالن و اصلاح الاجهزة الامامية للفرامل واتضح انهم كانوا الاثنين مش شغالين

ولاقيت عربية مختلفة تماما عن اللي كنت راكبها - الفرامل ظبطت و الاصوات كلها اختفت
تحية مني له -