نجحت اني اعمل عربيتي لونين

**aapaap855** · 22-12-2008 01:41 PM

السلام عليكم ورحمة الله وبركاته

امبارح بالليل الساعة 8 مساءً
يوم عادي زي كل الايام
بروح الصيدلية بتاعتنا بالليل الساعة 7 زي كل يوم
وكالعادة مبلاقيش مكان اركن في وش الصيدلية عشان في تصليح في الشارع زي كل يوم
فبركن في الشارع الرئيسي برة زي كل يوم
شارع أمان وحلو وكل الناس راكنة عادي
ولان امبارح مطلعش زي كل يوم
خرجت ورحت عالعربية الساعة 8 عشان كان ورايا مشوار
ببص عالعربية لقيت لونها مش زي كل يووم
انا كنت عارف ان لونها اسود (سادة)بس انها تبقى اسود منقط فوشيا دي كانت الصدمة
واحد ابن حلال نقاش (انا مشوفتوش بس دة اكيد) كان اظاهر بينضف الفرشة بتاعتو قدام العربية (نطر اللون عالعربية من اول الفانوس القدماني يمين لحد الفانوس الوراني شمال)
يعني الرفرف والكبوت والازاز القدماني والسقف والازاز الوراني والرفرف الوراني شمال والفانوس الوراني والاكصدام
يعني من الآخر روقهالي
الحمد لله على كدة
(الدهان كان بلاستك)اعدت امسح فيه مبيطلعش بسهولة
معرفش الناس حصلها ايه بتفرح في اذية الناس ولا ايه
لو حد يعرف الواد الي رش الدهان دة يار يت يقولي عليه
مهو يا اما يجرب اللون بتاعو مظبوط ولا لا على عربية تانية يا إما يخليها كلها لون واحد انما مينقطهاش ويمشي
لو حد يعرف اطلعها ازاي يا ريت يقولي:b4_039:

**M.Nabil** · 22-12-2008 02:01 PM

اوووووف وحشة اوي كده, معلش يا باشا هو الشعب المصري دايما شعب مؤذي من غير اي داعلي, انا كنت داخل فاكر انك عملتها فعلا لونين وكنت ناوي اسالك ثبتها عالرخصة ولا لا وفين الصور .
بس بعد ما قريت اكتئبت, هو كان حاصل عندي الموضوع ده بس كانت كام نقطة بس كده شيلتهم بضافري بس انت كده ربنا معاك, اهم حاجة بلاش الجاز واي حاجة فيها سبرتوا علشان بيطلع اللون او يغير درجته.
ممكن لو في حد بتاع دوكو اسالوا اكيد الناس دي خبره.
معلش ربنا يعوضك وتلاقيلها حل ان شاء الله, الواد ده كده خلاص بقى مسجل خطر يعني لو مسكه مش هيتاخر عليك هيبلغك في ساعتها, بس قول المنطقة فين علشان كل منطقة بيبقها ليها مجموعة مخربين.

**elmadawy** · 22-12-2008 02:04 PM

معلش في ناس ما بتحبش تشوف ناس عندها حاجه حلوه وتحب تاذي الناس
وإن شاء الله ترجع احسن من الاول

**smartman310** · 22-12-2008 02:16 PM

حصل خير الحمد لله على كل شىء

ممكن تتطله بقطنه وجاز بس حايطلع بسهوله

**ramy_150** · 22-12-2008 02:24 PM

جرب البنزين وان شاء الله ترجع زى الاول

**ahmedsiyam** · 22-12-2008 02:25 PM

النهاردة فى الاوتوستراد شايف واحد حاطط عربية مياجان مابين سلم كبير و بيدهن لوحة الاعلانات على عامو دود نور و بصراحة ماليقتش بوية على العربية بس يجوز كان لسه هايبتدى بجد حاجة تقرف فعلا بلد و ناس عايزين الحرق

**LONLY** · 22-12-2008 03:43 PM

يا نهار أبيض ربنا يكون فى عونك بس ها نقول إيه هى دى مصر يا عبلة
هى دى عبلة يا مصر

**abn7amido** · 22-12-2008 04:45 PM

معلش ربنا يعوضك

ممكن تطلع اللون بتنر. و التنر بيستخدم لمعرفى اذا كانت العربية رشة من برة او لا.
اذا طلع اجزاء من اللون بتبقى رشة برة
لو مطلعش بتبقى مش رشة.
الكلام ده من راجل بوهيجى.
وقال ان لو اللون أصلى بتاع المصنع يعنى التنر ميطلعش اللون بتاع العربية.

عموما جرب فى حتة صغيرة الاول عشان لو الجاز او البنزين او التنر ميبوظش لون العربية الاصلى و ربنا يسلم عربياتنا كلنا ان شاء الله.

**khpopo** · 22-12-2008 05:02 PM

المشاركة الأصلية كتبت بواسطة smartman310

حصل خير الحمد لله على كل شىء

ممكن تتطله بقطنه وجاز بس حايطلع بسهوله

+10000000000000
حصلت معايا وكانت بوية خضراء وكانت على الكابوت والفانوس والرفرف والباب يمين بس لما شوفتها كانت لسة حاصلة والبوية طرية بسرعة مروحتش لحد جبت فوطة وجاز ووقفت اعملها نقطة نقطة حسبنا الله ونعم الوكيل والحمد الله طلعت بعد م الجاز زهقنى

ربنا يوفق

**crazylambada** · 22-12-2008 05:06 PM

روح كار كير و هما حيعملوها

الموضوع: نجحت اني اعمل عربيتي لونين

LinkBack

أدوات الموضوع

عرض

نجحت اني اعمل عربيتي لونين - انشر الموضوع فى :

-

-

-

-

-

-

المواضيع المتشابهه

عربيتي اتشحورت..قولولي اعمل ايه!!!!

نجحت يا ناس ... نجحت يا عالم ... عديت مرحلة الطفولة بعد 22 سنة و نص

حد يعرف عند مين اقدر ارش لونين أو اعمل رسمه دوكو ؟؟

ياجماعة انا ناوى اعمل العربية لونين اختارولى لونين

رخصه عربيتي ضاعت .. اعمل ايه

الكلمات الدلالية لهذا الموضوع

المفضلات

المفضلات

ضوابط المشاركة