السلام عليكم

طبعا كل واحد فينا عندة عربية بيحب انة يخليها في احسن حال ويحافظ عليها علشان يا إما دفع فيها دم قلبة او دي وسيلة انتقال مهمة او وسيلة حماية للاسرة او لانه بيحب الترويش او لانه بيحب يحافظ على العربية!

المهم ان كل واحد بيكون عارف عربيته عاوزة اية علشان تتظبط! سواء في الشكل الخارجي (سمكرة ودوكو او شغل فيبر) او شغل داخلي (ميكانيكا او عفشة او كهرباء)!

كل واحد كدة يكتب list بالحاجات اللي عربيتة محتاجاها ويا إما معندوش وقت يعملها او الماديات لسة ما تسمحش! واهو لما الواحد يكتبهم حيكونوا زي هدف نسعى بإذن الله لتحقيقة حبة حبة. وكمان ممكن نساعد بعض الحاجة دي تتعمل فين وازاي واو امكن بكام.

هي list ممكن تكون صغيرة او كبيرة ونراجعها من حين لاخر وكل ما ربنا يكرمنا نخلص حاجة ونقول عليها!

بسم الله:

Goodwave - Polo 99

-1 رش مراية الجنب الشمال
2- تصليح رشاشات المياة الامامية
3- غسيل الريداتير
4- تظبيط فيبر الاكصدام الامامي ورشة بالكامل
5- رد خبطة في الاكصدام الخلفي (على البارد)
6- غسيل العربية من تحت بالجاز
7- غسيل الموتور بالفوم
8- تركيب قاعدة سوليتكس للشنطة
9- تنجيد كرسي السائق
10-تلميع العربية
11-تركيب Center Lock

12- تغيير كاوتش الباب بتاع السائق
13- ترصيص و ضبط زوايا

وبكدة تبقى العربية رجعت عروسة