كارثة فى الاوبترا - ارجوا من الجميع التفاعل

**ahmad--ezzat** · 22-12-2008 04:52 PM

صدق او لا تصدق

شيفرولية اوبترا هيتغيرلها وش سلندر فى اول 10 اللاف و كما هو موضح بامر الشغل صاحب السيارة ابلغ عن مشكلة الحرارة ولم يكن منهم الا تغيير الزيت والفلتر لحل المشكلة !!!

السيارة حاليا فى التوكيل وصاحب السيارة فى انتظار ما ستقررة شيفرولية لحل المشكلة لاكن حتى الان اقصى الامانى هيا تغيير وش السلندر باخر جديد بدون تكاليف طبعا

والسؤال هنا

هل يحق لصاحب السيارة المطالبة بتغيير السيارة كلياً ؟

هل يحق لصاحب السيارة المطالبة بتعويض عن الخسارة وضياع الوقت وحرقة الدم فى الزيارات المتكررة لمراكز الصيانة ؟

هل تغيير وش السلندر للسيارة يعيدها كما كانت ام انه من الممكن ان تكون هناك اجزاء اخرى بالمحرك تضررت ؟

هل تغيير وش السلندر للسيارة يعيبها فى حاله اعادة بيعها ؟

ارجو من الجميع التفاعل لان صاحب السيارة سيحدد موقفة من التوكيل بناء على اجابتكم

(منقول)

**essamr** · 22-12-2008 05:13 PM

هل صحيح تاريخ دخول السيارة هو 17/8/2008 يعنى بقالها 4شهور فى الصيانة دى فترة كبيرة جدا
اعتقد انهم هيغيرو الجوان فقط وهذا لا يعيب السيارة اذا لم يحدث تلف اخر فى المحرك
تحياتى لك وللجميع

**ahmad--ezzat** · 22-12-2008 05:15 PM

جوان وش السليندر دى مش حاجة هينة على عربية موديل السنة

**mido_919** · 22-12-2008 05:24 PM

اعتقد انه لازم يطلب تعويض انا لو مكانو اعمل كده انا جايب عربية زيرو يعني المفروض ماتقولش بم سنة او سنتين علي الاقل

**TICOXX** · 22-12-2008 05:25 PM

بص يا سيدي....

اولا كده الضمان ينص على : اصلاح او استبدال "حسب وجهة نظر التوكيل" الاجزاء المعيبة صناعيا طالما السيارة في فترة الضمان و مراعين لمواعيد الصيانة الدورية (و راجع الفقرة دي كويس في اي كتيب ضمان)

و طبعا الفقرة دي ممكن تخللي التوكيل يغيرلك حتى شاسيه و يركب عليه الاجزاء القديمة كلها بدون اي اعتراض من ناحية العميل ولا حق له في الاعتراض اصلا...

النقطة الثانية: حصلت مع واحد صاحبنا في فيرنا 1500 و عند 4000كم لخلل في دورة التبريد تم تغيير الجوان في الضمان برضه و العربية بقالها 50000كم و زي الفل و مفيش اي مشكلة
و الموضوع مش باين لأن الموتور كان لسة جديد ساعتها و بالتالي كان عمر الجوان من عمر الموتورخاصة ان الموضوع معمول في التوكيل

و الموضوع ميقلقش قوي كده

**mina_ramsis** · 22-12-2008 05:39 PM

خلى بالك من حاجة ان المكتوب ده مكتوب فى خانة شكوى العميل فى الاستقبال يعنى انا ممكن اروح التوكيل دلوقتى و اقولهم ان العربية مافيهاش موتور اصلا و اخد نفس الورقة اللى انت عاملها اسكان ديه

**hisham132** · 22-12-2008 05:45 PM

انا رائى انو على الاقل يغيروا المحرك بأخر جديد على نققة الوكيل

**احمد عز** · 22-12-2008 06:55 PM

على فكره مش ديما شكوا العملاء بتكون على حق يعنى ممكن يكون العميل متهياله مثلا ان العربيه بتحدف يمين ولاكن الارض الى ماشى عليها هى الى مش مظبوطه وكله يعنى

**shanodaa** · 23-12-2008 08:20 PM

حصلت مره مع صديق مع لادا وكان الماتور بيسخن جدا وكل ما يغيرو جوان وش السلندر تظل المشكله موجوده غيروله الماتور وطول ما كانت السياره عندهم كانو بيعطوه سياره بديله لغايه ما استلم سيارته

**lord23** · 24-12-2008 09:36 AM

المشاركة الأصلية كتبت بواسطة mina_ramsis

خلى بالك من حاجة ان المكتوب ده مكتوب فى خانة شكوى العميل فى الاستقبال يعنى انا ممكن اروح التوكيل دلوقتى و اقولهم ان العربية مافيهاش موتور اصلا و اخد نفس الورقة اللى انت عاملها اسكان ديه

صح يا باشا انا والدي بيروح التوكيل يقعد يقول كل اللي بيحصلوا مع العربية والراجل يقعد يكتب زي مل بيقول بالظبط وفي الاخر يطلع مفيش حاجة

الموضوع: كارثة فى الاوبترا - ارجوا من الجميع التفاعل

LinkBack

أدوات الموضوع

عرض

كارثة فى الاوبترا - ارجوا من الجميع التفاعل - انشر الموضوع فى :

-

-

-

-

-

-

-

المواضيع المتشابهه

ارجوا من الجميع مساعدتي في فلشيا مو 2000

سؤال هام ارجوا من الجميع الأستفادة

ارجو من الجميع التفاعل حتي نعلم رأي الاغلبية

استهبال البافارية فى تسعير سياراتMini Cooper ! ارجوا التفاعل

ارجوا من الجميع مساعدتي

الكلمات الدلالية لهذا الموضوع

المفضلات

المفضلات

ضوابط المشاركة