منين اقدر اشترى الاكياس البلاستك الى التوكيل بيحطها على الكراسى وقت الصيانه

**MohabSaeed** · 22-12-2008 09:27 PM

هو سؤال غريب شويه .

بس انا عاوز اعمل صيانه لعربيتى بره التوكيل عند ميكانيكى و عاوز احافظ على صالون العربيه من البهدله و الشحم و الذى منه .

علاشان كده عاوز اشترى الاكياس البلاستك االى بتتحط على الكراسى و السلوفان الى بيتلف على الفتيس و الدركسيون .
حد عنده فكره الحاجات ديه الاقيها فين ؟

**EslaM_NagY** · 23-12-2008 10:24 AM

الكيس الى بيتحط على الدريكسيون دا زى الى بيتلف بيه الاكل ممكن تجيبه من السوبر ماركت.

وممكن تبقى تلف بيه الفتيس بالمرة

الكرسى معتقدش حتلاقى زى الى فى التوكيل فتشغل الفهلاوة وتحط كيس قمامة الاسود بس حياخد الظهر بس.

وتحط كيس تانى على قاعدة الكرسى وتزنقه فى حزام الامان مثلا او فى اختراع تانى بالنسبة للقاعدة
ترجع ظهر الكرسى للأخر وتحط الكيس وتفقل الظهر تانى يقوم الظهر نازل على الكيس ماسكه.

بس كدة
اتمنى انى اكون قدرت افيدك

**Goodle** · 23-12-2008 01:41 PM

فكرة جميلة وهايلة

**wesam_salom** · 23-12-2008 02:33 PM

هتلاقيه عند الناس اللى بتبيع الفرش
بتوع الجلد والدواسات ومشمع الارضيات

انا شفته تقريبا كان طقم ب 15 جنيه بس الكلام ده فى طنطا

**wesam_salom** · 23-12-2008 02:43 PM

هتلاقيه عند الناس اللى بتبيع الفرش
بتوع الجلد والدواسات ومشمع الارضيات

انا شفته تقريبا كان طقم ب 15 جنيه بس الكلام ده فى طنطا

**MohabSaeed** · 23-12-2008 05:52 PM

شكرا ليكم جميعا على الردود
انا تقريبا حعمل زى ما استاذ اسلام قال
على الله بقى الميكانيكى مايبصليش من فوق لتحت و يحسسنى انى جاى من المريخ علاشان موضوع الاكياس ده .

لو لسه حد عنده معلومه بخصوص الموضوع ياريت مايبخلش بيها علينا .