playboy علامة على سيارة بدون اخلاق

**Abo_Lina** · 23-12-2008 02:02 AM

المشاركة الأصلية كتبت بواسطة Rafraf

مش شرط يكون سافل

ولا شرط يكون مش فاهم

ممكن يكون الشكل نفسو عجبو!

او بيحب الملوخية بالارانب

**دموع الثلج** · 23-12-2008 02:03 AM

المشاركة الأصلية كتبت بواسطة جمال

يا دموع !!!!
امرأة
و المرأة

هههههههه عروستى
والله مااعرف انهى واحده فيهم صح اصل مشكله الهمزه دى مخدنهاش فى ابتدائى

بس ما علينا صوره ست مش محترمه

تعرف يا محموووووود كان نفسى عمل ككده فى وش الوادد

بس مش بلبانه طبعا

الواد شكله لوحده سافل سافل يعنى

**dr.nemo** · 23-12-2008 02:12 AM

لا مش كده وبس ده انا لقيت واحد صحبي فيونكة الحزام عليها العلامة دي ومكنش يعرف معناها
وبعد كده مشفتهوش عليه تاني
احنا نقول للي عامل كده معنى الشعار ده ايه واللي عنده دم اكيد حيستجيب وحيعرف زمايله

**Ahmed REDA** · 23-12-2008 02:25 AM

المشاركة الأصلية كتبت بواسطة MoToRiZeR

و متنساش علامة الماريجوانا يا دكتور :)
ده جت فترة و بقي أكتر من ستيكر موبيل وان عالعربيات .
.

دية بقي بتستفذني جدا , و احد ماشي بيقول للناس انا بشرب مخدرات يا جماعة ؟!!!
لا و كمان في منها تيشيرتات!!!!
طب بينزل قدام السيد الوالد ازاي ؟!!!
ولا الوالد مش فاهم ولا اية ؟!!

لو كان في رقابة من الاسرة في البلد دية مكنش دة بقي حال البنات و الشباب ,للاسف ابهات و امهات كتير كل مفهومهم عن اولادهم انهم يجيبلهم فلوس و بس عشان يدخلهم احسن المدارس و الجامعات و يصرفوا انما التربية لا وجود لها في حياتهم !!!

**Terrible_DaRsH** · 23-12-2008 02:53 AM

احلى حاجة انى لسه ماشفتش الناس السلبية اللى بتحرق دم الواحد فى مشاركتها دى ....
تلاقى الناس بتتناقش على ظاهرة جديدة سيئة ويدخل واحد يقولك كل واحد حر فى عبيته وكل واحد حر فى نفسه ولما تخلص مشاكلك ابقي حل مشاكل الناس ....
قــــــــمـــــة الســــــلـــــبــــيــــ ـة بعينها ...
دى ظاهرة سيئة والواحد مش ناقص بلاوى اكتر من الى بيشوفها ويمكن اللى الناس بتعمله دى جزء من مشكلة الواحد اصلا ....
اعذرونى لو خرجت بره الموضوع ...
بس اللى بيدايقنى انا اكتر بقي اللى بيحطوا صور بوب مارلى ...
الناس دى بتحسسنى انه زعيم او قائد اسطورى ..
والمصيبة ان 90% من الشباب دى عمرهم ما سمعوا اغنية واحدة لبوب مارلى ده اساسا ولا يعرفوا مين هو ولكن الجملة المصرية الشهيرة اللى بنسمعها ...
خـــلـــيـــك كووووووول ..

**شاهين - بنز** · 23-12-2008 03:14 AM

والله يا د.أحمد إنت دست على الجرح فعلا الموضوع ده حارق دمي قوي تلاقي شاب تافه سايق ومعلق البلاي وبوي ولابس النضارة الشمس إللي من على الرصيف وخلاص قال يعني مقطع السمك وذيلها من الروشنة دنا مرة شفت حاج بعمة كان حتططها واضح إن كان عنده مزرعة أرانب وحاطط اللوجو ده ومش واخد باله
وفي بقى دمية سافلة جدا جدا جدا جدا على شكل إيد واحد ورافع صبعه وبيحطوها خلف العربية يعني بتبقى موجهة للعربية إللي وراها وبجد شفتها كذا مرة منهم سواق تاكسي وكان نفسي أضربهم الواطيين دول

**dr.nemo** · 23-12-2008 03:27 AM

النهارده شوفت واحد حاطط استيكر لواحد عامل حركة وحشة بصباعه على تنك البنزين ..... هو الناس دي مش بتتكسف على دمها ولا ايه فعلا كما قال الرسول صلى الله عليه وسلم:
ان مما ادرك الناس من النبوة الاولى ..إذا لم تستح فافعل ما شئت.
وغير كده تلاقي ناس كاتبة كلام سافل جدا على العربية
مهوه ده التحضر مش كله عنجليزي وخلاص

**Hosam_Optrawy** · 23-12-2008 03:35 AM

الشباب بتعملها من باب الروشنه
واد بقى مقطع السمكه وديلها
بس انا لاحظت ان اغلب العربيات اللى حطاها عامله حوادث
الظاهر بتجيب الفقر

**mada121977** · 23-12-2008 05:04 AM

طيب هيا جت على دى ما فيه بنات واولاد بيلبسوا تشيرتات عليها 69 من غير مايفهموا هيا بتدل على ايه .. او ممكن يكونوا عارفين وبيستهبلوا .... الحكايه من اساسها تقليد اعمى وخلاص

الموضوع: playboy علامة على سيارة بدون اخلاق

LinkBack

أدوات الموضوع

عرض

-

-

-

-

-

-

المواضيع المتشابهه

تغيير علامة سيارة لاسيتي الي كروز ؟

أول سيارة تساق بدون سائق فى مصر

سيارة بدون لوحات مرور!!!

حكومة playboy الإباحية ....!!!! ( صورة تعبر عن الشارع المصري )

الكلمات الدلالية لهذا الموضوع

المفضلات

المفضلات

ضوابط المشاركة