تقييم شامل لسيارات هيونداى ... من تجارب الأعضاء

**amir** · 11-09-2007 07:36 PM

بدون ذكر اسماء لاكن الراجل عامل الموضوع للافاده العامه, اللي تحولت لساحه تباهي و استعراض ( حقيقي او وهمي ) ارجو من المشرف ازاله الموضيع الخارجه عن اساس الموضوع بما فيهم رساتي دي و اتمني موضوع تقييم العربيات المملوكه يبقي متبت و يتم في باقي الموديلات و شكرا

**MOH_EGYPT77** · 03-10-2007 09:33 AM

السلام عليكم

ربنا وفقني واشتريت عربية هيونداي اكسنت 2006 موتور 1300

قدرة الموتور 1300 مناسبة جدا مع حجم العربية والتكيييف مش بطال والعربية ثابتة علي الطريق في السرعات العالية

بس لما اشتريت العربية كان بها خدوش ودهان العربية اصلا ضعيف مع عوامل التعرية بيدمر والله

سؤال ؟؟؟؟؟؟؟

هو انا لو رشيت اجزاء من العربية لزوم النظافة هل ده يقل من ثمن العربية ؟؟؟؟؟؟؟؟؟؟؟؟؟؟؟؟؟؟؟؟؟؟؟

**Ahmed Anwer** · 03-10-2007 04:10 PM

سبحان الله ،،،
نفس العربية كل واحد بيقيهما بشكل ،،،
حكاية الدهان ضعيف و سهل الخدش في السيارات المحلي دي عندي برده
معتقدش ليه لازمه ترشها ،، وش نظافة ،، عشان تجاريح
لو في خبطات ماشي

**مدحت منيب** · 03-10-2007 11:16 PM

اتنين ماتريكس اوتو و عادة2007 و 2008 ولا اى حاجة غلط الا طبعا الريموت الهباب اللى مش عارف غبور مصمم يدى حق توريدة و تركيبة ل عشم نوارة لية ...يقرب لة اية ؟ موش عارف ...و مراكز الخدمة ماليش دعوة بيها نهاى من اول ما اشترى اى عربية لحد ما ابيعها ف ما بعيطش كتير ( مبداى هين قرشك ,ولا تهين نفسك ) اما موضوع الشد و التسارع و الثبات دى مشاكل ما اعرفهاش اساسا لانى اكرة الجرى جدا وكل سفرياتى من 80 ل 95

**islamkoo** · 08-10-2007 10:33 PM

العربية الهيونداى حلوة فى الشكل و الماكينة بس متهئالى كاهيكل ليس على المستوى المطلوب

**Ahmed Anwer** · 09-10-2007 12:19 AM

يا جماعة أنا عملت بنصيحة ا/بايووو
و بعت ميلات للعنواين التالية
Email:aamer@ghabbour.com
ده البريد الأكتروني الخاص بشركة إيتامكو (غبور)

http://ir.hyundai-motor.com/eng/index.html
وده لينك للتعليق المباشر لدى الشركه الأم

ودول صندوقين بريد للشركة الأم

yangsh@hyundai-motor.com
gizi@hyundai-motor.com

لازم تنقل شكوتك لهم ويبقى عملت إللي عليك

المزيد فى هذا اللينك
http://www.nilemotors.net/Forum/viewtopic.php?t=6413

و اديتهم من المنقي ، و إزاي و كيف خامس أكبر شركة في العالم تحط علامتها علي عربية زي الفيرنا و دي عربية كذا و كذا و شركتها خالص
المهم مفيش أربع ايام لقيت م/هاني مصطفي مدير مركز أبو رواش بيكلمني شخصيا ،، أنا كنت اعرفه قبل كده ،، و قالي انتا زعلان ليه تعاللي عشان أعملك اللي انتا عايزه وكان كمان شوية هيعيط في التليفون ،، بصراحة أنا أصلآ مفيش حاجة مضايقاني للدرجة في العربية ، حاجات بسيطة مكنتش حاططها في دماغي ، فمعرفتش أقله أيه ،، قلتله أنا مش فاضي هاجيلك بعد العيد ،، أقعد يتحايل عليا أجي قبل العيد ، قلتله مفيش وقت ، قاللي براحتك عموما الملف بتاعك عندي شخصيا ، و اداني نمرة موبايله و قاللي كلمني في أي وقت
بفكر أروح أقولهم خدوا الفيرنا و ادوني سوناتا :D :D :D :D
فيا جماعة موضوع بعت ميل للشركة الأم ده فعال جدا ، و الناس بتهتم و ترد عالطول
كان في إقتراح إننا نبعت ميل بإسم أعضاء نايل موتورز أكبر سايت مصري للمهتمين بالسيارات ،،شوفوا بقه هتبعتوا تشتكوا من غبور في إيه ؟؟؟ و أنا مستعد أساهم معاكم

**M_HaFeZ** · 17-10-2007 06:34 PM

المشاركة الأصلية كتبت بواسطة belal rashed

يا ريت يا جماعه لو حد إكسل يكتب عن تجربته معاها لأنى بفكر اشتريها,وشكرا مقدما

باضم صوتى لصوت الاستاذ بلال لانى برضه ناوى باذن الله على شراؤها وعايز راى ناس حريفه سواقه مع عربيه نزلت من اكتر من 10 سنين فاكيد شافوا كتير معاها

**M_HaFeZ** · 21-10-2007 03:22 PM

????????????????????????????????

**darkscorpion** · 11-11-2007 03:10 PM

السلام عليكم
انا عندى فرنا 2007 مانوال كامله سوداء عامل بيها 18000 كم و احب ااكد على موضوع السحب بتاع الفرنا
موتور ممتاز و تكييف تحفه و عفشه ناعمة و شكل خارجى جميل
تقفيل سيء و خامة بلاستيك رديئة فى التابلوه و اطارات سيئه (175/70-R13) و اتزان سيء و فرامل ضعيفة
العربية اختيار موفق جدا جدا و عبوبها ما بتبنش الا فى السرعات العاليه
العيب الوحيد اللى بيبان فى لى سرعه و اسواء عيب هو الحدفه اليمين و حاولت معاه زوايا و ترصيص مفيش فايده
انا جربت العربيه على كل الطرق و راض عن ادائها بالنسبه لسعرها .. اللا موضوع الحدفه ده مقرف جدا