اقتصادنا زي الفل و هيفضل زي الفل !!!!!!!!!

**أبو كنوز** · 23-12-2008 07:20 AM

احنا ملناش دعوه بالركود الاقتصادي العالمي لان احنا اقتصادنا زي الفل و هيفضل زي الفل ده اللي قاله رئيس الوزراء بتاعنا والله كلام زي الفل ده علي أساس إن اقتصادنا أجمد من الدول الصناعيه الكبري و الدول الفقيره زي فرنسا عارفين عملت إيه شركة رينو و بيجو اللي يشتري من عندهم عربيه فان ياخذ عليها عربيه ملاكي .رينو مثلا تشتري من عندها عربيه فان زي(الكنجو أو ماستير) يدولك كمان عربيه كليو و موديل لسه منزلش مصر و بيجو نفس الحكايه بس في أنوعها.أما في أمريكا تشتري بيت في مدينه مصنعه للسيارات تاخذ عربيه هديه مع إن العقارات كمان هناك نزلت

**ibrahimsaad** · 23-12-2008 07:33 AM

بس ياباشا فعلا احنا اقتصادنا زى الفل زى ماقال السيد رئيس الوزراء عارف ليه ببساطه لان احنا دوله خايبه ومتنيله بستين الف نيله لاعندنا مصانع سيارات علشان تفلس ولا عندنا شركات رابحه خايفين عليها من الافلاس ولاعندنا اقتصاد جامد خايفين عليه من الانهيار ولاعندنا جنيه عالى القيمه خايفين عليه من الهبوط ولاعندنا سيوله خايفين عليها من عدم وجودها

من الاخر كده احنا اصلا فى الركود من زمان قوى فمش خايفين منه لاننا اصلا عايشينه من زمان

فمن هنا جائت تصريخات السيد رئيس الحكومه علشان الناس ماتخافش يعنى

وعلى رأى المثل قالوا للقرد هيسخطوط مش عارف ايه (نسيت) قال لهم وايه يعنى

**Terrible_DaRsH** · 23-12-2008 08:02 AM

المشاركة الأصلية كتبت بواسطة ibrahimsaad

وعلى رأى المثل قالوا للقرد هيسخطوط مش عارف ايه (نسيت) قال لهم وايه يعنى

هههههههههههه اخدتها من على لسانى ..

فعلا احنا ملناش دعوة بالعالم الخارجى ده ..
دول ناس فاشلة واقتصادهم واقع ملناش دعوة بيهم خالص ..
وبرده افتكرت النكتة بتاعت الصعيدى دى ..
((قالوا لواحد صعيدى اخوك جاتله جلطة فى المخ قالهم وجالوا المخ ده جاله منين ))

فافتكرت اقتصاد مصر هيتاثر بالازمة .. طب هى مصر كان فيها اقتصاد اساسا ..

**ahmed76** · 23-12-2008 08:13 AM

انا رأيى ان احنا نستغنا عن المعونة الامريكيه السنه دى
علشان هما فى وقت محتاجين فيه كل دولار

**tmz9111** · 23-12-2008 02:51 PM

المشاركة الأصلية كتبت بواسطة ahmed76

انا رأيى ان احنا نستغنا عن المعونة الامريكيه السنه دى
علشان هما فى وقت محتاجين فيه كل دولار

احنا جماد قوى

**elassar2010** · 23-12-2008 02:58 PM

المشاركة الأصلية كتبت بواسطة tmz9111

احنا جماد قوى

المشاركة الأصلية كتبت بواسطة Terrible_DaRsH

هههههههههههه اخدتها من على لسانى ..

فعلا احنا ملناش دعوة بالعالم الخارجى ده ..
دول ناس فاشلة واقتصادهم واقع ملناش دعوة بيهم خالص ..
وبرده افتكرت النكتة بتاعت الصعيدى دى ..
((قالوا لواحد صعيدى اخوك جاتله جلطة فى المخ قالهم وجالوا المخ ده جاله منين ))

فافتكرت اقتصاد مصر هيتاثر بالازمة .. طب هى مصر كان فيها اقتصاد اساسا ..

فعلا احنا معندناش اقتصاد اقتصاد البلد من الضرايب فقط

**احمد عز** · 23-12-2008 03:34 PM

انتو عرفين امبارح فى برنامج الطبعه الاولى الى بيجى على دريم قال صادرات تايوان وتايلاند فى يومين مقدار ما تصدره مصر فى عام كامل

**wesam_salom** · 23-12-2008 03:37 PM

طبعا كلامه صح

احنا مش هنتأثر بالازمه

مش هنحس اساسا بيها

يعنى لو واحد اعمى والنور انطفى هيحس

لو واحد عاطل والحكومه فرضت ضريبه جديده هتفرق معاه

واحد راكب عجله والحكومه رفعت سعر البنزين ايه المشكله

يعنى ممكن البلاد الغنيه يتخرب بيتها ونبقى متساويين وبعدين ربنا يكرمنا احنا ونبقى احسن منهم

**احمد عز** · 23-12-2008 03:55 PM

انتو عرفين امبارح فى برنامج الطبعه الاولى الى بيجى على دريم قال صادرات تايوان وتايلاند فى يومين مقدار ما تصدره مصر فى عام كامل

**أبو كنوز** · 23-12-2008 11:49 PM

يمكن يا رجاله

الموضوع: اقتصادنا زي الفل و هيفضل زي الفل !!!!!!!!!

LinkBack

أدوات الموضوع

عرض

-

-

-

-

-

-

المواضيع المتشابهه

صباح الفل:(

مساء الفل

صباح الفل علي احسن ناس

الكلمات الدلالية لهذا الموضوع

المفضلات

المفضلات

ضوابط المشاركة