حد عنده فكرة عن الرينو 17 ؟ شكلها أيه العربية دى؟
معروضة واحدة موديل 80 بــــ 10000 ج
هل السعر ده منطقى ولا فيه حاجة مش مظبوطة ؟
عرض للطباعة
حد عنده فكرة عن الرينو 17 ؟ شكلها أيه العربية دى؟
معروضة واحدة موديل 80 بــــ 10000 ج
هل السعر ده منطقى ولا فيه حاجة مش مظبوطة ؟
هيا عربيه كوبيه(2 باب و كانت مشهوره في السبعينات اوي و شفت منها كذا واحده في مصر و مرتورها 1600 و قوته مش فاكرها و عموما السعر دا مناسب علشان مش حتلاقي ليها قطع غيار في مصر
علي فكره موديل العربيه دي انتهي سنه 1979 و موديل 80 كان اسمه فيجو fuego
شكراً جزيلاً ياأستاذ حازم على المعلومات القيمة دى
أصل أنا عايز أشترى عربية فى حدود 14000 ج وماليش فى السواقة أصلاً ولاأفهم فى العربيات من أساسه ، ولو تكرمت تنصحنى أعمل أيه ؟ أشترى مستعمل ؟ وأى ماركة أفضل لواحد غشيم زى حالاتى ؟ ولا أعمل قرض من البنك وأشترى زيرو ؟ محتار جدا جداً
العفو علي ايه يا باا دا انا كنت حبعتلك صوره ليها كمان بس ما عرفتش احطها هنا
و عموما المبلغ اللي معاك قليل شويه بس اوعي تجيب العربيه دي انت تمشي مواصلات ارحم
انا ممكن اقولك تعمل ايه مممممم
مش حقولك 128 علشان م حتلاقي نضيف بالمبلغ دا و الزيرو برضه انت لسه جديد ف حرام انك تجيب عربيه و تبهدلها و قيمتها تقل قوي و بعدين تزعل عليها و تخسر كتير في اقساطها و تخسر اكتر و انت بتبيعها
ممكن عربيه 125 بس تكون نضيفه نضيفه نضيفه واخد بالك انا بقول ايه؟؟هيا عربيه شكلها مش حلو بس حتستحملك و تتعلم عليها كويس اوي و بعد سنه او اتنين تبيعها و تجيب عربيه زيرو تكون الماديات اتحسنت شويه تقدر تدفع النص مقدم علشان تقلل الفوايد علشان لو حسبت الفوايد من الاول و 20 % مقدم يبقي حتندم و تزعل
و بعدين ال 125 يوم ما حتبيعها حتخسر فيها كام الف او اتنين بالكتير ف وف 125 نضيفه و يا سلام لو كانت ايطالي(ام فانوس مربع) عربيه جامده و حلوه بس نضيفه علشان ما تدعيش عليا و انا تحت امرك في اي وقت تحب تسال عن اي حاجه
طيب أيه رأيك فى الرينو 5 موديل 1982 بـــ 15000 ج ؟ وممكن تنزل لــ 14000 ج
ولا 127 توب إيطالى 2 باب موديل 1973- 1976 ؟ بسعر من 11200 - 12500 ج
يا خالد انا بفكر في حاجه واحده بس علشان ما تدوخ و هيا قطع الغيار انت زي ما بتقول لسه جديد في السواقه يعني ممكن من في يوم الابلاتين مثلا يضرب منك من كتر ما بدور العربيه او اتعافيت عليها شويهاقتباس:
طيب أيه رأيك فى الرينو 5 موديل 1982 بـــ 15000 ج ؟ وممكن تنزل لــ 14000 ج
ولا 127 توب إيطالى 2 باب موديل 1973- 1976 ؟ بسعر من 11200 - 12500 ج
موقف تاني و كلنا معرضين له ان مثلا لوح زجاج يتكسر منك او ز فانوس يتكسر حتقعد بقي تدوخ عليه
موقف تالت الدينامو و لا المارش محتاج صيانه حتعمل ايه؟؟
الرينو 5 حلوه بس اسال الاول قطع غيارها متوفره في البلد اللي انت عايش فيها ولا لاء لو متوفره اتكل علي الله و برضه اسال انما توب 127 و موديل 73 قديمه قوي يبقي انت جايب عربيه تركنها عند ميكانيكي
معلهش ياأستاذ حازم اخر سؤال
ايه رأيك فى البيتلز موديل 1975 وشكلها من برة حلو وسألت عن الميكانيكية بتوعها قالولى كتير قوى وماتخافش فيه فى عين شمس والحرفيين والهرم
السلام عليكم ورحمة الله وبركاته
انا جبت لاستاذ خالد صورة العربيه الرينو 17
بس بصراحة انا منصحهوش بيها لانها شكلها مش حلو وكالعادة رينو يعنى قطع غيارها شبه منعدمة وغالية كما عرفت من الاخوة الخبراء بالمنتدى حيث اننى مثلك تماما يااستاذ خالد ونفسى فى عربية بمبلغ كويس بحد اقصى 15000 جنيه ولم اتعلم السواقة حتى الان وليس لدى اى فكرة عن العربيات ولكن شكلها فى الاخر هترسى على سيات 133 وخلاص بس اهم حاجة تكون معدلة كبالن وسخونه وشكرا
على فكرة الصورة السابقة رينو 17 و15 والموديلين شكل بعض تماما
البيتلز عربيه حلوه الصراحه بس ما اعرف التمن دا يجيب عربيه حلوه ولا لاء عموما وريها لسمكري و ميكانيكي يكشفو عليها انا ماليش خبره في البيتلز اوي بس متهيالي في القاهره حتلاقي قطع غيارها كتير و حتلاقي في وكاله البلح برضه حاجات ليا بس فرجها لميكانيكي الاول علشان الات الجر و الحاجات دي ممكن تكون بايظه و اعتقد انها غاليه م رخيصهاقتباس:
معلهش ياأستاذ حازم اخر سؤال
ايه رأيك فى البيتلز موديل 1975 وشكلها من برة حلو وسألت عن الميكانيكية بتوعها قالولى كتير قوى وماتخافش فيه فى عين شمس والحرفيين والهرم
على فكرة يااستاذ حازم فى عربيات بيتلز كتير بسعر 10000 جنيه بس انا عن نفسى معرفشى الحاله عموما فى موقع اسمع ان سمعته كويسه فى السيارات المستعمله وده الرابط بتاعه عشان خاطر استاذ خالد كمان
www.car100100.com
وفى فى الموقع ده بالتحديد عربيه بيتلز لونها اصفر ب10000 جنيه وده الرابط بتاعها على نفس الموقع
http://www.car100100.com/search.php?...ded%20desc&p=2
انا مش عارف كل ما اشوف بيتلز الاقيهم طالبين فيها عالي اوي و اللي يقول 20000 و كلام غريب كده هيا يعني العربيه دي حتعيش قد ما عاشت لا و كله كوم و ال131 كوم تاني بيطلبو حاجت غرييييييييييييييييبه مش عارف الناس دي ما بتتكسفش تطلب ارقام زي دي في العربيات القديمه دي !!!اقتباس:
على فكرة يااستاذ حازم فى عربيات بيتلز كتير بسعر 10000 جنيه بس انا عن نفسى معرفشى الحاله عموما فى موقع اسمع ان سمعته كويسه فى السيارات المستعمله وده الرابط بتاعه عشان خاطر استاذ خالد كمان
www.car100100.com
وفى فى الموقع ده بالتحديد عربيه بيتلز لونها اصفر ب10000 جنيه وده الرابط بتاعها على نفس الموقع
http://www.car100100.com/search.php?...ded%20desc&p=2
والله يااستاذ حازم اى حد عنده حته حديده ومسميها عربيه بيبقى عايز يجزر اللى هايشتريها وعايز كمان يكسب فيها لكن العيب مش على مالكى هذه السيارات ولكن العيب على سياسة الدوله اللى مشجعة الناس دول على التمادى فى رفع الاسعار وكل ده بسبب الجمارك ولو الدوله قامت بازاله جمارك السيارات لاختلفت الصورة تماما ومش هتشوف الخردة دى تانى اللى هما مسمينها عربيات ونبقى زى دول الخليج عربيات اشكال والوان وكل مالذ وطاب
وشكرا
منصحكش بالبيتلز لان مش اى ميكانيكى يفهم فيها وموتورها فى غاية التعقيد.
رينو 17 من اجمل السيارات السبور الموجودة في العالم . انا عندي واحدة موديل 1978 كشف لون ابيض وشغالة زي الفل وانشا الله في المرة الجاي بفرجيك صورتها