معايا 45 ألف.. عربية قسط ولا عربية مستعملة، وامتى؟

**esam** · 23-12-2008 01:19 PM

السلام عليكم ورحمة الله
يا أخوانا أنا معايا بعد السلف من الحاج والحاجة حوالي 45 ألف فكرت إني أدفعهم مقدم لعربية فيرنا مثلا واقسط الباقي على سنة او اتنين، ولا رأيكم اجيب عربية مستعملة بالمبلغ ومحدش غريب يبقي ليه عندي فلوس، ولا استنى أحسن وما اشتريش دلوقتي لحد الدنيا ما يبان شكلها ايه، مع العلم أني أسكن بمنطقة جديدة مواصلتها كويسة صحيح لكني حاجتي للعربية اعتقد فوق المتوسط، أفيدوني ولا تبخلوا عليّ برايكم.

**analyzer** · 23-12-2008 02:48 PM

رئى الشخصى خليك فى عربية مستعملة بالمبلغ الى معاك خاصه ان المبلغ الى معاك يجيب عربية كويسه
وابعد عن البنوك والفؤائد افضل
اما وقت الشراء تقدر تدور على عربية من الان وتشترى لان المستعمل سعرة اصل نزل كتير جدا
وفى المقام الاول صلى استخارة

**dode2002** · 23-12-2008 02:55 PM

توكل علي الله واشتري واوعه تشتري تقسيط

**m_elsabah** · 23-12-2008 03:38 PM

تصبر شويه واشتري مستعمل احسن بس يكون بعد سنه 2000
و زي مابقولك اصبر شويه عشان تجيب أحسن حاجه بأقل سعر ممكن .
وعلي فكرة كل ما صبرت أكتر كل ما وفرت فلوس أكتر

**Amrrr** · 23-12-2008 03:39 PM

انا من رأيي بلاش المستعمل والزيرو هيبقى راحة بال في آخر الأسبوع بدل القعدة في الحرفيين والتعامل مع الميكانيكية تطلع تسافرلك اي حتة وانت مريح دماغك
بس هتدفع اكتر
هيبقى في حظر بيع على عربيتك
هتحس بتأييد القسط كل شهر ( لو قسط عالي)
ممكن تشوف مستعمل بس ماتستعجلشي خالص وخليك كوووووول وطبعا هتفلي العربية اللي هتجيبها وتكشف عليها كويس ( دا الطبيعي ) وأهم حاجة ماتستعجلشي
ولو من حد تعرفه كويس ( وااحدة قريبتك ولا جارتك )يبقى أحسن وابعد عن المعارض حتى لو متربيين مع بعض

**hesham_shousha** · 23-12-2008 10:34 PM

راىى أن السيارات الجديده غير مناسبه للمواطن المصرى من الفئه العاديه للأسباب الاتيه :
التكنولوجيا المستخدمه فى السيارات المستعمله بسيطه غير معقده ويمكن لاى ميكانيكى بسيط مساعدتك فى صيانتها بعكس معظم السيارات الحديثه التى ستعتاد معها فى الزهاب للتوكيل بأسعاره المعروفه
أسعار قطع غيار السيارات القديمه ارخص بكثير من السيارات الحديثه مثال على ذلك فانوس امامى لسياره حديثه لا يقل عن 1000 جنيه بينما بالسيارات القديمه من 100 جنيه الى 400 جنيه حسب نوع السياره
مشكله اخرى عامه بالسيارات الجديده وهو الاكصدام الفبر الغالى جدا فوق الالف جنيه ولا يتحمل خدش بسيط ويتبهدل اما السيارات القديمه اكصدامها حديد غالبا ويستحمل كذا خبطه وممكن يستعدل
الميزه اللى تكسبها من السياره الحديثه هى ( الشياكه + تكييف حلو ) وهى حاجات لا يبحث عنها المواطن العادى الذى يبحث عن سياره تستره ومايصرفشى عليها كتير
فى النهايه اقوللك ان معايا بيجو 305 من 84 ولا افكر ابيعها أبدا ان شاء الله

**esam** · 24-12-2008 12:06 PM

السلام عليكم ورحمة الله
الف شكر يا جماعة على نصحكم، بس انا ما كنتش ناوي اقسط عن طريق بنك ولكن عن طريق معرض مباشرة، ودلوقتي الحمد لله كملت المبلغ تقريبا 65 الف يعني ممكن اجيب عربية كاش والقسط اللي كنت هادفعه هاسدد بيه ديوني، وعايز نصحكم اشتري فيرنا أو Byd ودول اللي في دماغي حاليا، واشتري عربية مستمعلة احسن خاصة مع حركة السوق الحالية والانخفاض او الازدياد المتوقع للسيارات، مع العلم ان ميزة التكييف بالنسبة لي هامة جدا وكذلك انا مليش خلق للمكانيكية وخايف احط مبلغ كبير في عربية مستعملة انا مش عارف حصل فيها ايه قبلي، فافيدوني افادكم الله

**Amrrr** · 24-12-2008 01:01 PM

يبقى هات فيرنا طبعاً - مضمونة ومتجربة من ناس كتير
الbyd شكلها باين عليها عربية حلوة بس ماعرفشي عنها اي حاجة

**Osama_soliman** · 24-12-2008 04:11 PM

خليك فى عربية مستعملة بالمبلغ الى معاك خاصه ان المبلغ الى معاك يجيب عربية كويسه
وابعد عن البنوك والفؤائد افضل

طبعاً الرأى للى بيقول زيرو وريح نفسك

انا معاه برضه

بس الـ 45000 يجيبوا مستعمل محترم

ولو ده اول عربية ليك

ييبقى المستعمل افضل الف مرة

ولا بنوك ولا قرف

وفى الاخر "كله ربا"

ولو نيته تبعد عن البنوك والربا بتاعها ، إن شاء الله هتلاقى حاجة مستعمل كويسة

خصوصاً ان سوق المستعمل الفترة ده نازل

وعليك بالاستخارة طبعاً