أسعار السمكرة والدوكو

**itsonlyme** · 23-12-2008 01:29 PM

أنا بعمل سمكرة ودوكو للعربيتي. العربية كبيرةstation wagon وقديمة.

العربية ماكانش فيها خبطات لأنها مهملتش ولا حادثة كبيرة (والحمد لله) في عمرها اللي يزيد عن أربعة وعشرين سنة.

السمكرة كلفتني 750 جنيه. هل ده كتير ولا معقول؟

بالنسبة للدوكو. العربية ح تترش كلها. وزي ما قلتلكم العربية كبيرة. البوهياجي عايز 1500 جنيه! هو بيقول أن التكلفة العالية دي عشان الخامات غالية (خصوصا البوية).

لما قلت له أجيب الخامات بنفسي قال لي "ح تكلفك أكتر عشان مش ح تعرف تجيب الأسعار بتاعتي وكمان كده أنت اللي ح تتدفع ايجار الكبينة 150 جنيه". طبعاً أنا لسة شايف في المنتدى ان ايجار الكبينة من 80 الى 100 جنيه.

ايه رأيكم في الكلام ده؟
أرجو الإفادة.

**nabaster** · 23-12-2008 06:24 PM

بص يا باشا 750 جنيه مصنعيه للسمكري ليه؟؟؟؟
لو جبت العربيه سمكره علي الصاج وعربيه كبيره زي ما بتقول وصنايعي شاطر اخره 450 او 500 ازاي بقي توصل لـ 750 مصنعيه؟؟
تاني حاجه ال 1500 دول يرش بيهم البوهيجي عربيتين مش عربيه واحده بص يا باشا من الاخر عربيتك مش هتفرق عمن اي عربيه تاني خير نص كيلو بويه وده اخره خمسين جنيه وشويه المعجون ويعملو برده ال 50 جنيه مش اكتر
بس في حاجه استني نسيتها انتا هترش ميتالك ولا عادي؟؟
لو ميتالك يبقي تمام 1500
لاكن لو عاده اتفضل خليه يعملك ورقه فيها تفصيل بالطلبات الي عايزها وشوف الناتج كام
مبدايا عربيتك اخرها اتنين كيلو بويه يعني (2*95) وده السعر للزيك والي زي يعني البويه 200 جنيه بالكتيييييييييير
نيجي بقي لايجار الكابينه لو عربيه نقل يا باشا بتدفع ال 70 جنيه الي انا دفعتهم في الكابينه وكده كده بتوصل لل 100 لانك من نفسك لازم تظبط الناس الي هناك
خلي دايما تعاملك مع الصناعيه وسيبك من صاحب الشغل لان دول الي بيشتغلو في العربيه ودول الي لازم تراضيهم افاصل مع صاحب الشغل والي تنزله راضي بيه الصنايعيه ده نظامي واخر الفرن 100
وياريت يا باشا اكون افادتك