سمعت في التلفزيون علي ان حرام شرعا
سلفني 3 جنيه اللي عملها فودافون ..لأن كده ربا
بأنك بتاخد 2.55 قرش و ترجعهم 3 جنيه...
المهم انها حرام و مش مستاهله الواحد يستلفهم و تتحسب عليه ربا
عرض للطباعة
سمعت في التلفزيون علي ان حرام شرعا
سلفني 3 جنيه اللي عملها فودافون ..لأن كده ربا
بأنك بتاخد 2.55 قرش و ترجعهم 3 جنيه...
المهم انها حرام و مش مستاهله الواحد يستلفهم و تتحسب عليه ربا
هي فعلا ربا بس ساعت الواحد بيبقي محتاجها لو مش معاه رصيد ومفيش عنده وقت يشحن وعايز يتكلم ضروري
انا مش شايف أي ربا في الموضوع
إنت بتشتري من الشركة خدمة إنك تتكلم و إنت معكش رصيد لأوقات الضرورة مقابل الخمسين قرش يعني ده سعر الخدمة مش فائدة علي الفلوس .
اوكي بس انتا بستلف منها رصيد وبترجعه بفايده وده يعتبر ربا
:36_1_58[1]:وهي ليها اراء كتير انا شايف الي هي ربا وفي ناس شايفه الي هي بشتري خدمه مش ربا كل واحد ليه راي معين في الموضوع ده انا مع صاحب الموضوع الي هي ربا
جزاك الله خير
المشكلة ان المعاملة بالفلوس
يعنى بتاخد 255 قرش وترجعهم 300 قرش
يعنى بترجعهم للشركة اكتر ما بتاخدهم
بتاخد فلوس ترجع فلوس
هوا الربا اية غير كدة ؟؟
مش مبرر معليش ان الواحد يكون مزنوق خالص علشان يعمل كدة ويدخل نفسة فى شبهة شرعية
اشترى كارت بعشرة جنية حطة فى شنطتك ولا فى المحفظة وخلاص ولما تتزنق اشحنة وابقى اشترى غيرة بدل ما ندخل نفسنا فى مشاكل
ربا ..............الله اعلم
بس أعتقد أن العمليه دي ممكن يكون فيها تشدد شويه ال45قرش دول
تمن الخدمه الي هوه بيدهاللك يعني مش هوه بيبعتلك رصيد ويرجع
يخصم فلوس وحوررررات كده ...... الشركه تدفع من جبها الحاجات دي
أكيد في ناس شغاله علشان الحوار ده بس أو أجهزه لكده والفلوس
الي بتتخصم منك بترحلهم ........ والله اعلم دي مش افته ده رأيي
والدين يسر ....
وممكن نبعد عن الشبهااات وبلاها ال3 جنيه
مش عارف يعني هي ال3 جنيه دي اللي هتفرق معاك
؟
فكك منها خالص يعني
يا عم انا كنت فاكر انك بتتكلم علي فيلم الكسار بتاع سلفني 3 جنيه
قال صلى الله عليه وسلم "كل قرضا جر نفعا فهو ربا"
والشركة بتقرض 2.55تاخدهم 3.00 دا هو الربا بعينه لأنها انتفعت ب.45قرش
مشكور ياغالى
احنا منستخدميش الخمدمه ديه خالص والي مكنش يعرف الي ديه ربا اديه عرف ومش مهم الي فات وعفا الله عما سلف ............
جزاك الله خيرا
انت لفت نظرى للموضوع دا و أنا للأسف ما كنتش أعرفه
ربنا يسامحنا فى اللى فات
شكرا
الكثير من الشيوخ المتشددين أباحوا فكرة بيع الرصيد بأعلى من ثمنه
و ذلك لأن الرصيد سلعة خدمية وليس مالا صرفا
شكرا على المعلومه وجزاك الله كل خير
سواء كانت ربا ولا مش ربا ..
الشركة لازم يكون ليها ربح برده ..
ودى خدمة للمضطرين فقط .. يعنى لو الواحد اتنزق فى موقف ومعهوش رصيد يستلف من الشركة وبعدين يرجعهم لها ويديها ربحها او نسبتها فى الخدمة ..
انت سألت الاول ولا ده رأي اجتهادي
على كده زمان لما كان الكارت 100 ب 115 جنيه و فيه رصيد ب 80 جنيه يبقى ده عين الربا على كلامك
الله اعلم بس دي" تعريفة " الشركة مش فلوس بتستلفها و بترجعها تاني
حاول تسأل تاني
فيه فرق بين إنك تشترى خدمة بمبلغ و إنك تستلف بمبلغ و ترد بملغ تانىاقتباس:
المشاركة الأصلية كتبت بواسطة ehabradwan
+1اقتباس:
الكثير من الشيوخ أباحوا فكرة بيع الرصيد بأعلى من ثمنه
و ذلك لأن الرصيد سلعة خدمية وليس مالا صرفا
الفتوى فرع من تصور المسألة
أنا قرأت الفتوى دى على النت فى موقع طريق الإسلام و قالوا مافيهاش ربا و لا حاجة لأن دى خدمة و الفرق أجر على الخدمة
يعنى بتشترى ب3 جنية دقائق تحدث (هذا التكييف الفقهى السليم) و الله أعلم
انا بصراحه بحس شويه انها ربا و حرام...
و في نفس الوقت لو حسبتها تلاقيها كأنها خدمه ....
ذي كارت الشحن....
بس انا قلت اريح دماغي و ما عملهاش تاني...
و ياريت الكل برضوا حتا لو مش مقتنع بيها 100%
الواحد مخدش باله من الموضوع ده قبل كده
لكن نتجنب الشبهات أفضل ، وبلاش نستخدم الخدمة دي إلا للضرورة القصوى
انا الحمد لله عمري ما استخمتها ولا بفكر استخدمها لاني بستحرمها وعلى العموم انا اصلا دايما بعمل حسابي ان رصيدي ميخلصش اصلا اول ما يقولي اوشك بروح اشحن على طول لاني بتكلم كتير واوشك دي يعني ممكن ميكفيش معايا مكالمه :)
انا الصراحه اي حد بيقولي انه بيستخدم الخدمه دي بقولو بلاش منها لاني مستحرمها واعمل حسابك احسن في الرصيد مش حاجه صعبه يعني بس اهو نتجنب اي شبهه على قد ما نقدر احسن
وربنا يغفر لنا ويرحمنا
انا سالت عالم وافاد ان المبلغ ده مقابل خدمة ولا يتم فيه تداول للنقود مقابل نقود اخرى
والله تعالى اعلى واعلم
+111111111111111111111اقتباس:
المشاركة الأصلية كتبت بواسطة classboy
تصدقوا ان الفكرة دي خطرت في بالي فعلا مرة قبل ماسمع موضوعكوا او موضوع الفتوى ده ، وقلت في نفسي طب مش كده حرام ويعتبر ربا بس جالي الرد برده انها خدمة بتقدمهالك الشركة اكيد مش هاتديهالك ببلاش لوجه الله يعني.
بصراحة مش عارفة هل هي فعلا حرام وتعتبر ربا ولا زي كلام الأستاذ أحمد سامي انك مش بتاخد فلوس انت بتاخد بيها دقائق اتصال (مع ان الرد ده فعلا يؤخذ في الإعتبار).
اعتقد لو كانو سموها سلفني 10 دقايق
مكنش حد اتكلم ولا ايه؟؟؟
المشكلة اللي عاملة قلق هي كلمة (سلفني) نفسهااقتباس:
المشاركة الأصلية كتبت بواسطة MomoMedo
بس الكلمة دعائية بشكل اكبر
و الله اعلم
يعنى نلبس الساعة في ايدينا اليمين ولا الشمال؟!!
ولا حول ولا قوة إلا بالله!!!!!!!!!
هي الخدمه اسمها ايه؟
سلفني
يعني بيسلفك 3 ج
وبتدفعهم 3 ونص
تبقى حرام
لأ مش بيقولو سلفني ديه...
بيبعتوا رساله يقولوا انهم زودوا رصيدك 2.55 قرش
و لما اشحن يخصموا 3 جنيه
اقتباس:
المشاركة الأصلية كتبت بواسطة 3mr Farrag
الفرق ده اساسا لأنه بيحاسبك على الرسالة اللي بتبعتها علشان تاخد التلاتة جنيه زي رسالة معرفة الرصيد كده
بس اللي يغيظ بقى انه بياخد ال45 قرش تاني
انا حد كان قاللي الحكاية دي بس مش فاكر هو مين
يمكنك إستخدام خاصية "كلمنى - شكرا" لتتصل بشخص تعرفه جيدا و تطلب منه تحويل رصيد لك على رقمك على أن تسدده له فيما بعد بدون شبهة الربااقتباس:
المشاركة الأصلية كتبت بواسطة Abdo_Eldesokey
انا بقى عشان ابعد عن الشبهات مجبتش خط فودافون او بمعنى اصح معايا و مش بشغله