الوضع مش بالبساطه يا جماعه ...
تعالو بس نوضح نقطه في اسعار العملات و اللي منها نحاول نعرف ايه اللي المفروض يحصل :
بالنسبه للدولار :
فهو بدأ يصحى ويرتفع تاني بعد موجه طويييييييييله من الهبوط بسبب سلوكيات اللي ما يتسمى بوش الابن و ارتفاع الدولار ده يعني ارتفاع كل العملات المرافقه له كليا او جزئيا
العمله المصريه مرتبطه بنسبه 19ّ-22% بالدولار ... وبالتالي الهبوط والصعود بيكون بمقدار قريب من ده ولكن في نفس الوقت البنك المركزي عنده سله من العملات اللي هوا معتمد عليها بشكل اضافي زي اليورو و الاسترليني و الين وده هوا اللي معلق الجنيه .. لاهو طايل سما ولا ارض ... لان اليورو والاسترليني بينزلوا و الدولار و الين بيطلعوا بقوه
http://img243.imageshack.us/img243/3103/usdchfjg4.gif
=========
بعد كدا لليورو و الاسترليني هتلاقي موجه من الهبوط بعد مرحله صعود طوييييييله
ومعاهم طبعا الذهب (اللي بدأ في الهبوط )
http://img296.imageshack.us/img296/7311/goldxk7.gif http://img512.imageshack.us/img512/1846/eurchfhv1.gif
في الشارت ده واضح ان الين ماسح بالاسترليني الارض وواخده في موجه هبوط رهيبه
http://img208.imageshack.us/img208/2751/gbpjpypo0.gif
لاحظ بقا في الشارت اللي جاي ده ان الين و الدولار متوازنين في الارتفاع و الهبوط ما بين كر و فر وده يدل على ان اقتصادات العالم كلو دلوقتي متوجهة للدولار (سابقا) و الين (حاليا)
http://img201.imageshack.us/img201/2563/usdjpyej8.gif
=======================
من الكلام اللي فوق دا عايز اوضح مجموعه نقاط
1 - السيارات الياباني و الصيني (((لن))) تنخفض ... واعتقد اللي متابع سوقها شايف كل يوم والتاني رفع في الاسعار
2- السيارات الاوروبيه دخلت مع الاقتصاد الاوروبي في مرحله من الكساد ... بس ده مش معناه ان الشركات دي هتبيع بخساره ... ولكن اللي هيحصل انها هتقلل من سرعه الانتاج في سبيل تقليل المعروض امام المطلوب و بالتالي يتم رفع الاسعار (وطبعا ده لن ينطبق على سوق المستعمل في اوروبا ... وايضا ليس على كل الشركات اللي ليها اكتر من مصنع حول العالم -الانتاج موزع- ... في الحاله دي احتمال الاسعار تثبت او تنزل )
3- بالنسبه للامريكي فده اسعاره هتكون ثابته نسبيا ليا علشان ارتباط الجنيه
--
4- من ناحيه تانيه مصريه ... قيمه الجنيه ثابته وده للاسباب اللي ذكرتها في اول الرد ... و بما ان قيمه الين بترتفع بقوه مع سله عملات شرق آسيا ... فده ممكن نقول عليه بمنظور تاني الجنيه بيقع امام العملات دي ... يعني بدل ما كنت بتدفع 1000 علشان تاخد عربيه ياباني .. هتدفع 2000 علشان نفس العربيه بنفس الامكانيات لان قيمه الجينه نفسها نزلت و الين ارتفعت
5- على نفس الخطوات ... الجنيه مع اليورو و الاسترليني ... المفروض ان بدل ما تدفع 1000 علشان العربيه ... لأ .. انتا هتدفع 500 .... بس علشان هما بيقللوا الانتاج ... انتا هتدفع نفس ال 1000 لان مفيش عربيات كتير في السوق ... و لان الطلب برضو مستمر ممكن تدفع 1500 او اكتر علشان هما بيخنقوا الانتاج اكتر فاكتر
--
6- كلمه اخيره على النفط ... حاليا هوا وصل 59 دولار بعد زياره سريعه لـ 149 دولار ... بس الاوبك ودول الخليج برضو هيقللوا الانتاج (وده بدأ فعليا) .. وبالتالي السعر هيفضل متشعلق شوية شوية محدش عارف هوا رايح فين ولا جاي منين
اخيرا ... الوضع الحالي ملخبط جدا ... مش مجرد انك قرأت في مجله او على الانترنت ان والله اسعار العربيات هبطت في المانيا 25 ولا 30% انها لازم تبقا كدا في كل انحاء العالم ..
كل دوله وليها اسلوب اداره و احتياطي ازمه و اقتصاد خاص ....مشكله مصر انو معندناش احتياطي للازمات ... بمجرد ما تحصل اي مصيبه بنبقا في مهب الريح و ده سوء اداره من السيد الوزير بتاع الماليه
على فكره دول الخليج كلها الاسعار فيها متزحزحتش بتاع العربيات ومش هتنزل و خاااااااصه الياباني المتوقع لها الارتفاع في وسط الفرح ده كلو