طب حد يعرف يجيب احصائيات بيع العربيات عن اشهر نوفمبر - ديسمبر - يناير من "اميك"
انا بحاول اوصل لاى موقع ليهم على النت
طب حد يعرف يجيب احصائيات بيع العربيات عن اشهر نوفمبر - ديسمبر - يناير من "اميك"
انا بحاول اوصل لاى موقع ليهم على النت
الاحصاءات ينشرها ملحق اهرام الجمعة اولا بأول، واحصاءات نوفمبر و ديسمبر سجلت بالفعل تراجع فى المبيعات قيل انه يصل الى 17% على ما اتذكر.
نرجو من الاداره تثبيت هذا الموضوع لانه اهم موضوع مطروح حاليا فى المنتدى وكفايه الردود الكتيره
كلنا يا جماعة عارفين حملة خلوها تصدى وسعرها يعدي.... وأن الحملة دلى غراضها محاولة صد عجرفة بائعى السيارات فى مصر وتماديهم في غلو أسعار السيارات علي مدا الخمسة أعوام السابقة.. والأستمرار علي هذا الغلاء حتي الان رغم الركود في سوق السيارات العالمي وتخفيض(اسعار السيارت عموما-انخفاض اسعار اليورو والدولار نتيجة للكساد العالمى-ويقال ايضا ان الجمارك هتيتدى تنزل)
قصاد كده شفنا ظهور هذه الحملة لمحاربة هذا الغلاء فى الاسعار... والأن يأتى وقت الاسألة الاتيه:-
1- هل انت مشترك في هذه الحملة او من انصارها؟ وهل امتنعت بالفعل وتراجعت عن شراء السيارات؟ وان كنت لست من انصارها,فلماذا؟
2- هل تجد اثر لهذه الحملة؟ وهل تتوقع لها اثر مستقبلا؟
3- هل تحاول الترويج للحملة ونصح من حولك بلامناع عن الشراء؟
قد يتعجب البعض من هذه الاسئلة لأن الحملة معروفة لأغلب الناس أن لم يكن جميعهم.....(بس) للاسف في احدي موضوعات المنتدي وجدت الناس بتتراجع و (بيقولوا العربيات ولا هترخص ولا حاجة ودا كلام في كلام وهجص وحورات . احنا مهما حصل في العالم ركود ولا لأ الأسعار مش هتنزل عندنا .. هما البيعين جشعين ومش هيرخصوا)
وانا احب أرد لهؤلاء الغير متفاقلين-طبقا لوجهة نظري المتواضعة- ان الاجابة تتلخص في السؤال دا (هو انت اللي بتشترى والا هما؟)
يعني من الاخر احنا اللي بنتحكم فيهم وفيء الاسعار بس مشكلتنا ان احنا مش متحدين وكل واحد يقول اشمعنا انا؟ هو انا يعني اللي هفرق؟ ..... طب بص بقى يا سيدى .. تخيل بمثال بسيط .. توكيل عربيات بيبيع سيارة ازيد من تمنها الضعف ولنفرض 50 الف .. يعني انت لما تشتري هو بيكسب منهم حوالي 20 الف بس (دا فرض).. والتوكيل دت بيبيع 10 عربيات في اليوم لعشر عملاء.. ةمكسبو كدا في اليوم 200 الف جنية... تخيل بقى سيادتك انت عميل وامتنعت عن الشراء (كدا خسرت الشركة 20 الف من 200 الف بتوع اليوم) وتخيل اللي قرأ غيرك الموضوع دا عمل زيك ومشتراش (ادي كمان 20 الف طاروا علي التوكيل ) وعندك دا يقول لدا وهكذا محدش يشتري.. تبص علي التوكيل تلاقي مكسبوه في اليوم بقى (صفر) خد عندك 200 الف طارو في يوم في شهر بقي يبقوا(6 مليون) وحط عندك انوا بيدفع عمالة ونقل ومصاريف شحن... واتفرج بقي طب دا هينزل ولا هيروح يبيع ترمس هو والعمال اللي عندوا .. مش هرد قول انت ؟
_نيجي للنحية التانية هتقلي بقي طب دا التوكيل يا عم دا في مشكلة اكبر ان الاسعار غالية في الجمارك.. هقولك بسيطة .. لما التوكيل ينزل السعر والناس مش بتشتري اصلا .. رجال الاعمال اللي هما اصحاب التوكيل دول و هما اللي بيعملوا اقتصاد البلد وبيتحكموا فيه.. دا كل اسم منهم يلوح يا عم .. تفتكر لما يلاقوا نفسهم هيفلسوا مش هيعرفوا يضغطوا علس الحكومة عشان تنزل الجمارك ... مش هرد رد انت...!!
ولو قلتلي مثلا مش هيعرفوا ودا ايييييييه مستحيل طبعا..... تفتكر لو وعرفوش شركات السيارات نفسها هتسيب الحال علي كدا ومش هتدخل ...دا طبعا استحالة .. هتلاقيها كلها بتضغط علي الحكومة عشان ينزلوا الجمارك والضرايب وكل دا.. احنا اه مش جمدين في العربيات علي المستوي العالمي .. بس احنا شوف كام عربية بنستوردها في السنة .. يعني نأثر علي مبيعات شركات عالمية (تويوتا مثلا دي اعلي مبيعات ليها في الشرق الاوسط مصر) تفتكر شركة تويوتا مش هتضغط علي حكوتنا .. دا بيزنس ياجماعة .. والمشتر هو اللي بيتحكم في السوق ياجماعة مش البائع ..دى قاعدة معروفة علي مستوي العالم .. ودا اللي بيحصل في اوربا (السلعة اللي تغلى بدون سبب الناس تضرب عنها )
بعد كل دا تفتكر هتأخذ موقف ولا هتيأس؟ يا حماعة هو لسا مجاش الوقت اللي نقول فيه لأ؟
تعالوا نجرب نخلي لينا رأي مرة.. وهنخصر ايه ..ولنتوكل علي الله وليكن الله في عوننا...
كلام حضرتك جميل جدا، و انا متفق معاك في كل حرف فيه، لكن انا عاوز أؤكد على حاجة مهمة جدا.اقتباس:
المشاركة الأصلية كتبت بواسطة samoevil911
الموضوع يا جماعة موش موضوع جمارك. لازم بقى ننسى حكاية الجمارك دي خالص، الجمارك ما هياش أمنا الغولة. الموضوع بيتلخص في جشع و طمع زي الطوفان عند الوكلاء و اصحاب ورش التجميع. كل واحد عاوز المكسب يعدي 100% في تصرف بيخالف أي منطق تجاري او اقتصادي سليم و يتفق بس مع الطمع و الجشع اللي من غير حدود.
العربية اللي بتتباع ب 100 الف جنيه، لازم تكون واثق و متأكد إن تمنها على الوكيل اللي بيبعها بعد شحنها و جماركها ما بيعديش في اي حال من الأحوال عن 50 الف جنيه و موش عاوز اقول اقل من كدة. ودي حاجة ما لهاش دعوة بأزمة اقتصادية و لا اسعار صرف و لا جمارك.
يا جماعة الجمارك قيمة على تمن حاجة موش على نوعها، و علشان كدة يمكن تسمعوا عن قضايا الاغراق و اللي فيها بيكون تمن السلعة من منشأها قليل جدا يعني يمكن تكون محروقة، و عليه فالحكومة بتفرض رسوم إغراق على السلع دي علشان تعوض نقص الجمرك عليها.
http://contactcars.com
/News_ViewStory.asp?NewsID=2569
تويوتا تكافح لـ"خفض" الإنتاج لمجاراة "انهيار" المبيعات
الت شركة "تويوتا" اليابانية أكبر شركة لصناعة السيارات في العالم إنها تتوقع أن تمنى بخسائر سنوية تعادل ثلاثة أمثال الخسائر التي توقعتها قبل ستة أسابيع فحسب في الوقت الذي تكافح فيه لخفض الإنتاج بالسرعة الكافية لمجاراة هبوط المبيعات.
وتتوقع الشركة اليابانية العملاقة أن تسجل في السنة المالية التي تنتهي في مارس المقبل خسارة تشغيل تبلغ 450 مليار ين (4.95 مليار دولار).
وفي أواخر ديسمبر الماضي كانت الشركة توقعت خسارة تبلغ 150 مليار ين وهو أيضا المبلغ الذي يمثل متوسط توقعات 18 سمسارا في استطلاع أجرته وكالة "رويترز" للأنباء مؤخراً.
وفوجئت شركات صناعة السيارات في مختلف أنحاء العالم بهبوط مفاجيء في الطلب في أواخر العام الماضي لكن المشكلة كانت أوضح بصفة خاصة لشركة "تويوتا" التي ظلت على مدى سنوات تعمل على رفع طاقتها الإنتاجية لمجاراة الطلب.
وستكون هذه أول خسارة سنوية تلحق بالشركة في تاريخها على مدى 70 عاما ، وكانت قد عدلت "تويوتا" صافي نتائج أعمالها السنوية إلى خسارة تبلغ 350 مليار ين بدلا من ربح قدره 50 مليارا.
وفي الربع الأخير من العام الماضي الثالث من السنة المالية سجلت "تويوتا" خسائر تشغيل تبلغ 360.5 مليار ين (3.97 مليار دولار) بالمقارنة مع أرباح قدرها 601.6 مليار ين قبل عام.
http://contactcars.com/News_ViewStory.asp?NewsID=2567
انخفاض مبيعات "فولكس فاجن" 20%
علنت مجموعة "فولكس فاجن" الألمانية كبرى شركات إنتاج السيارات في أوروبا عن انخفاض مبيعاتها خلال شهر يناير الماضي في أنحاء العالم بنحو 20% مقارنة بنفس الشهر من العام الماضي 2008.
وتوقعت المجموعة أن تبلغ نسبة التراجع في مبيعات خلال العام الجاري 2009 بأكمله 10% ، مشيرة إلى إمكانية تراجع المبيعات والأرباح خلال الربع الأول من العام الجاري 2009.
وأضافت "فولكس فاجن" أنها باعت في أنحاء العالم خلال العام الماضي 2008 نحو 6.23 مليون سيارة تحمل العملات التجارية المختلفة بزيادة قدرها 0.6% عن المبيعات في 2007 وذلك رغم الأزمة الكبيرة التي تواجه صناعة السيارات في أنحاء العالم.
وكانت شركة "أودي" الألمانية المملوكة لمجموعة "فولكس فاجن" قد أعلنت أيضا عن تراجع مبيعاتها خلال يناير الماضي بنسبة 28% لتصل إلى 56 ألف مقارنة بنفس الشهر من العام الماضي.
وكانت "أودي" قد زادت مبيعاتها السنوية العام الماضي لتخترق حاجز المليون سيارة سنويا وتعتزم الشركة طرح ست طرازات جديدة في النصف الأول من العام الجاري.
يذكر أن مجموعة فولكس فاجن تملك العديد من العلامات التجارية الشهيرة وفي مقدمتها "أودي" و "سيات" و "سكودا" و "فولكس فاجن
http://contactcars.com/News_ViewStory.asp?NewsID=2568
فت وزارة التجارة والصناعة تلقيها أي إخطارات من شركات تجميع السيارات العاملة في مصر بتوقف خطوط إنتاج بها أو تعليقها لفترات زمنية على غرار ما حدث في الخارج.
وقال المهندس عمرو عسل، رئيس هيئة التنمية الصناعية، في تصريح خاص لصحيفة "المصري اليوم" إن شركات السيارات العاملة محلياً ماتزال تعمل بطاقاتها الإنتاجية.
ولفت عسل إلى أن تداعيات الأزمة العالمية قد تؤثر على معدلات التجميع والتصنيع التي توقعت الشركات مسبقاً الوصول إليها قبل الأزمة العالمية.
ويتم تجميع وتصنيع العديد من الماركات العالمية الشهيرة في في عدد من المصانع المصرية ، فيما يلجأ عدد آخر من الشركات للاستيراد مباشرة.
ويشهد قطاع صناعة السيارات من الولايات المتحدة إلى آسيا مرورا بأوروبا أزمة حادة تسببت فيها عوامل عديدة منها ارتفاع أسعار الوقود في الصيف الماضي وصعوبة الحصول على قروض مصرفية وفقدان ثقة المستهلكين وارتفاع قيمة المواد الأولية كما ارتفاع تكاليف الإنتاج بسبب المعايير البيئية الجديدة.
الاخوة الافاضل
لا يخددعكم أحد و يقول لكم ان الاسعار لن تنزل , لا حياة مع اليأس و لا داعي للأستعجال
طبعا نفهم من كدة ان جميع المصانع متوقفةاقتباس:
المشاركة الأصلية كتبت بواسطة abdelmessih67