كيا بيكانتو \ رينو لوجان \ لانوس

**antisimsim** · 24-12-2008 03:20 AM

السلام عليكم ورحمة الله وبركاته

أولا جزاكم الله كل خير على القسم الجميل ده ومساعدتكم الهايله :k49:

ان شاء الله قررت اني اجيب عربيه جديده ..

ومحتار جدااا ومش عارف اجيب ايه ؟؟

المواصافاث المطلوبة

السعر: 70

الأستعمال: 5km يوميا + 100 km اسبوعيا

فئه السياره :عائليه - هاتش باك - سيدان

استهلاك الوقود: يا ريت ما تكونش بتحرق بنزين كتير

قطع الغيار: تبقي متوفره ومش غاليه أوي

ولا أفكر في البيع مستقبلا

محتار ما بين:

-كيا بيكانتو (عربية جميلة ومحدش قال عنها كلمة وحشة )

2-رينو لوجان (عاجبانى جدا بس ما عرفش حد جربها)

3- لانوس (مرطرطة فى الشوارع وما بحبش شكلها)

أرجوا المساعدة والأهتمام.

وجزاكم الله خيرا.

**SharpArrow** · 24-12-2008 09:26 AM

بصراحة انا محتار زيك في الموضوع
انا كنت بفكر في الجراند بونتو من شكلها و امكانياتها الرهيبة بس بعدت اويييييييي عني لانها بـ 96000
انا كمان عايز حاجة في حدود الـ 70000 لغاية 80000 بالكتير اوي
و فكرت فعلا في اللوجان ناس كتير قالو عليها حلوة جدا و عمليه و فيه ناس محتقرينها مش عارف ليه, بس اللى اجتمعو فيه عليها انها مش بياعة لو حبيت تقلبها مع انها عجبتني جدا بس كلام الناس هزني من ناحيتها.

بالنسبة للبيكانتو عربية حلوة فعلا و محدش اتكلم عليها نهائي و بياعة اوي كمان بس موتورها صغير اوي 1100 سي سي بس, بس لو انت مش فارق معاك امكانيات الموتور هاتها كل الناس حباها و مرشحاها, بس رأي احسن منها بونتو كلاسيك 1300 ايطالي و انضف في التقفيل و موتور اكبر نسبيا هي بـ 73000 جنيه يعني مش فرق كبير اوي عن الـ 70000 اللى انت حاططهم.

انما اللانوس عربية الجماهير اللى خايف يغامر بعربية مش معروف امكانياتها و صيانتها بيجيب يا لانوس يا فيرنا و انا كمان مبحبش العربيتين دول

فا رأي فكر في البونتو 1300 احسن من كل دول.

و ربنا يوفقك للي فيه الخير ان شاء الله