محتار اجيب ايه من 70000 الى 80000

انا بعت عربيتي اللانوس موديل 1999 و عايز اشتري زيرو و معايا لغاية 80000 بالكتير اوي اوي
فا اقتراحكو اشتري ايه
بس نستبعد تماما تماما اللانوس و الفيرنا
غير كده عايز عربية وسعها كويس و تقفيلها حلو و نضيف و توكيلها ميتعبنيش و ميكلفنيش في الصيانة
استهلاك البنزين يكون معقول.
مش مهم سيدان او هاتش باك مش فارقه معايا اوي
انا مش عايز ادي اختيارات خالص لاني عايز اسمعها منكم و يا ريت اللى تختاروها يكون معاها سبب اختيارها لانه يهمني جدا

في واحد صاحبي جاب افيو موديل 2003 بس بيقول تعبانة شوية لانه نزل مطب الجنط اتنى و بعدها بكام يوم نزل مطب تاني جنط تاني اتنى برضه فا يا ريت نخلي الافيو اخر احتمالات.

و ياريت نبعد تمام البعد عن الصيني الا ممكن الـ Brilliance FRV يا ريت تدوني رأيكو فيها كعربية هل تستحمل و تقفيل نضيف فعلا زي ما بسمع ولا تعبانة كأي عربية صيني, و اللى يعرف تقفيلها ايه يا ريت يقولي ان كانت صيني ولا الشركة البافارية.
شكرا جزيلا مقدما
واسف على التطويل و مستني ردكو يا شباب المنتدى:satelite:

ممكن النيو اكسنت
2- بروتون برسونا
3- او تزود شوايه وتاخد gen2


.

جين 2 افضل
او برسونا
او نيو واجا

هات جين 2 احسن

شكرا يا شباب على الردود الجميلة.
انا يا ريت اجيب جين 2 او واجا او حتى بيرسونا بس المشكلة في قطع الغيار و صيانتهم مولعين نار و دخلت قريت عن الجين 2 خصوصا لقيتها جبارة و جامدة موت و اقتنعت بيها جدا لغاية لما غيرت راي بسبب القطع غيار و الصيانة في التوكيل

انا عايز اسأل عن السيتروين C3 ايه اخبار توكيلها و صيانتها و اسعار قطع غيارها حد عنده فكره؟ و هي ولا فيات بونتو 1300 الافضل من حيث التقفيل و الثبات و الوكيل و الاسعار

اذا طلعو غاليين زي البروتون انا ممكن اجيب واحدة منهم يبقى احسن فعلا انما لو فيه فرق سعر كبير هبعد عن الغالي لاني مش هقدر اصين عربية بالاسعار دي
هتكون صعبة عليا شوية

و يا ريت اشوف اقتراحات تانية لاني المفروض اشتري خلال اسبوعين ان شاء الله

و شكرا تاني على اهتمامكو

لو زيرو يبقى
جين 2
بريليانس frv
و ممكن تفكر تجيب ميجان مستعمله

نيو اكسنت طبعا
ومش عارف ليه الناس متحمسه للجين 2 مع انها بتستهلك بنزين كتير شويا
وعندك كمان الرينو لوجان انا بحب العربيه دي بس هي مش الافضل

لو هتستحمل عيوب تقفيل الجين تو

هاتها لانها الافضل فى هذه الفئة

هات نيو اكسنت

السلام عليكم
هما بيقولو عيوب تقفيل الجين 2 بسيطة مش رهيبة
بس زي ما قلت انها غالية في الصيانة و قطع الغيار غير ان استهلاك البنزين رهيب زي ما بتقولو و انا مش عايز استهلاك كبير
و النيو اكسنت برضه استهلاكها كتير يمكن اقل شوية بس كتير و لو هفكر اجيبها يبقى اجيب الجين 2 احسن منها بكتير و تستحمل عنها لان موتور الاكسنت خفيف عن الجين 2.
انما انا بسأل على حاجة موتورها اصغير شوية يعني 1300 او 1400 زي البونتو و الـ C3 و دول عربيات نضيفة اوي و تقفيلهم نضيف و شداني اوي الـ C3 بس عايز اسأل على توكيلها و اسعار قطع غيارها و هل موتورها يستحمل ولا لا
و هي ولا الافيو (باستثناء سعر بيعها مستعملة و انتشار قطع الغيار)
انهي فيهم موتور يستحمل اكتر و تقفيل انضف.
انا مش عارف الناس هنا مش بيحبو الفرنساوي ليه رغم انه نضيف جدا
و بالنسبة لللوجان انا بحبها جدا و رغم ان موتورها 1600 بس كاربراتير يعني ممكن احط بنزين 80 و اي نوع من زيت الموتور فا حجم الموتور هنا مش هيأثر في الفلوس حتى لو كان كبير. فا دي ممكن جدا بس برضه انا شايف ان الستروين انضف لو هنقارن.
فا انا عايز حاجة تكون استهلاكها للبنزين معقول و تقفيل نضيف و توكيل محترم و اسعار معقولة و موتور مش كبير اوي بس نضيف.
انا تعبتكو معايا بس انا نفسي ارسى بجد لاني حيران جدا جدا.
و شكرا على تعبكو :)

خللي في بالك في المقارنة النيو أكسنت والكيا ريو