حسبى الله و نعم الوكيل

**mada121977** · 10-08-2007 12:40 AM

النهارده كنت راكن العربيه تحت البيت نزلت لقيت المرايه بتاعتى مفتوحه و الزجاج بتاعها مخلوع او مسروق بمعنى اصح :x :x مش عارف الحيوان اللى سرقها هايعمل بيها اييه العربيه لسه مكملتش اسبوعين بس الحمد لله على كل حال , السؤال باه اجيب الازازه دى منين و بكام و الاصلى بكام و هل الازازه دى بتركب بسهوله و لا لازم حد متخصص مع العلم ان ماكينه الكهرباء بتاعه المرايه زى ما هيه و شغاله ؟

**معاذ الشرباصى** · 10-08-2007 12:43 AM

لا حول و لا قوة الا بالله

هون على نفسك يا احمد

هو عندى فى البولو ممكن تشترى الزجاج عادى, و تركبه و الحمد لله ان الماكنة بتاعتها شغالة و اللى سرقها متعافاش عليها و بوظها

بتوع المتسوبيشى يفيدوك فين بتوع قطع الغيار, بس مبدئيا مظنش هتعدى 50-75 جنيه

**mada121977** · 10-08-2007 12:48 AM

اعمل اييه بس يا دكتور معاذ الواحد دمه بيغلى و مش عارف اييه الغل و حب التدمير و افساد حاجه الغير اللى بقى فى الناس ده

**معاذ الشرباصى** · 10-08-2007 12:52 AM

الحمد لله على كل شىء

و كويس انها جت على قد زجاج بتاع مرايا

مرسمش لوحة على العربية و لا حكهالك و لا حاجة

الواحد مجبر يتعامل مع الناس دى فى حياته اليومية :(

**boody2** · 10-08-2007 07:40 AM

المشاركة الأصلية كتبت بواسطة mada121977

النهارده كنت راكن العربيه تحت البيت نزلت لقيت المرايه بتاعتى مفتوحه و الزجاج بتاعها مخلوع او مسروق بمعنى اصح :x :x مش عارف الحيوان اللى سرقها هايعمل بيها اييه العربيه لسه مكملتش اسبوعين بس الحمد لله على كل حال , السؤال باه اجيب الازازه دى منين و بكام و الاصلى بكام و هل الازازه دى بتركب بسهوله و لا لازم حد متخصص مع العلم ان ماكينه الكهرباء بتاعه المرايه زى ما هيه و شغاله ؟

فداك و قدر الله و ماشاء فعل وانت لو رحت لاي واحد بتاع مرايات و زجاج حيعملك واحدة طبق الاصل من الاصلي و ب 10 جنيه و لا تزعل نفسك و تقول مراية جديدة و لا حاجة

**hazem_khidr** · 10-08-2007 08:13 AM

فداك و قدر الله و ماشاء فعل وانت لو رحت لاي واحد بتاع مرايات و زجاج حيعملك واحدة طبق الاصل من الاصلي و ب 10 جنيه و لا تزعل نفسك و تقول مراية جديدة و لا حاجة

هو حل كويس بس دا لو كان اللي سرق المرايات ساب قاعده المرايا لكن بالمنظر دا اعتقد انه سرق القاعده كمان غير كده المرايا اللي بتتعمل عند بتاع المرايات بتبقي مرايا مستويه مش مقعره بتصغر الاشياء و بالتالي مش بتبقي مظبوطه

**ibrahim** · 10-08-2007 11:10 AM

انا شفت عربيات كتير لانسر مفكوك واحدة من مراياتها و غالباً اليمين....اكيد عصابة زي اللي كانت بتسرق مرايات الاوبل و تبيعها في الوكالة او شارع عبد العزيز

**اسلام المصرى** · 10-08-2007 11:48 AM

معلش يا مادا ماتزعلش نفسك :( أنا عارف أنها حاجة تجيب الضغط !!! خدت الشر و راحت ربنا يعوض عليك , خلى بالك بعد كده و حاول ماتركنش العربية فى مكان مظلم و فى الأخر برده نصيبك هيصيبك :) أسئل عليها عند بتاع قطع الغيار أو فى شارع دمشق.

**memoo_1st** · 10-08-2007 11:58 AM

لا لو عملت المرايه الي ب 10 جنيه هتبقى مرايه مسطحه و مش حلوه و مش هتشوف منها كويس
الحل انك بتشتري المرايه الازاز فقط من شارع دمشق ب 75 جنيه او ممكن تجيب المرايه كلها ب 180 جنيه بس دي كوري الاصلي ب 450
و بالنسبه للزجاج في واحد بتاع ازاز في شارع دمشق كويس جدا لو عاوز الاسم و المكان قولي و انا اكتبوا

**مصراوي جدا** · 11-08-2007 09:11 AM

سعر وش المرايا في التوكيل 75 + 10 % يعني 82.5 جنيه وهي مش بتتلزق انما لها مجرى بتدخل فيها يعني تركيبها سهل انما طالما انت مش متأكد هل وش المرايا فقط اللي اتسرق ولا حصل تلف لأجزاء أخرى - فاقترح تروح مركز صيانة التوكيل فرع جسرالسويس لو قريب منك او فرع قليوب - وبعدين وانت واقف حد يبص لك عليه وتشتري وش المرايا (اصلي طبعا) من هناك

الموضوع: حسبى الله و نعم الوكيل

LinkBack

أدوات الموضوع

عرض

-

-

Re: حسبى الله و نعم الوكيل -

-

-

المواضيع المتشابهه

حسبى الله و نعم الوكيل

حسبى الله و نعم الوكيل

حسبى الله و نعم الوكيل

حسبى الله و نعم الوكيل

حسبى الله و نعم الوكيل

الكلمات الدلالية لهذا الموضوع

المفضلات

المفضلات

ضوابط المشاركة