ساعدونى لوسمحتو اشترى تيدا ام ليفينا ؟

**karaktar** · 24-12-2008 01:24 PM

السلام عليكم ورحمة الله
انا عضو جديد فى هذا المنتدى الرائع وهذا أول موضوع أعمله
وأحببت ان يكون اول موضوع ليه هو عند قربى لشراء سياره جديده
بصراحه انا محتار بين التيدا الرائعة التحفه
وبين ليفينا المبهره بشكلها الجذاب
أرجوكم لمن جرب السيارتين يقولى ايهما أفضل
فأنا خايف من ليفينا من التأفيل الصينى وجودة العفشه
لكن مطمن للتيدا 100%
وطلب آخر - أجيب العربيه من اى موزع
وخصوصاً ان اوتو ايجيبت عامل اوبشن زياده فى التيدا بلس وحاطتلها بلوتوث كاركيت.

وإن شاء الله عند شرائى أياً من السيارتين سوف أقوم بشرح تفصيلى لها إن شاء الله ده إذا سمحتولى
وجزاكم الله خيراً

**karaktar** · 24-12-2008 10:01 PM

محدش هايدينى رأيه؟

**Dr. Elsaadani** · 25-12-2008 08:32 AM

بص يا سيدى
وانا حنصحك بامانة

لو رجع بى الزمن للوراء وكانت الليفينا موجودة كنت جبتها

لكن انا اشتريت التيدا وتقييمى ليها اكثر من رائعة

لو عندك اى سؤال عن التيدا انا تحت امرك هى عاملة معايا دلوقتى 5000 كم وربنا يبارك لى فيها

**Dr. Elsaadani** · 25-12-2008 08:34 AM

بالمناسبة بلاش تقول ان الليفينا تقفيل صينى
روح اتفرج عليها وحتقول انها امريكى مفيش فرق بين الجودة بينها وبين التيدا خالص

**karaktar** · 25-12-2008 12:17 PM

اشكرك اخى محمد على توضيحك المطمئن

وعايز اسألك سؤال تانى ليه لو الزمن رجع بيك كنت جيبت ليفينا
هل من الشكل فقط ام ماذا؟

**M.Osman** · 26-12-2008 01:13 AM

انا ركبت تيدا فقط ...
عيب التيدا الهاتش باك صغر الشنطة شوية ...

لكن الليفينا ذات طابع عائلى اكتر ... و على فكرة العربيتين نفسس المحرك الجميل الهادئ ... 118 حصان 1600 سي سي ..و بصراحة انا لو خيرت هشترى تيدا ..مش عشان الليفينا تقفيل صينى لأ ( دى تقفيل مصنع نيسان فى الصين على فكرة ) لكن عشان انا لا افضل السيارات المرتفعة مثل ليفينا او افانزا او ماتركس او اللى فيها طابع عائلى ...:(

لكن الخيار لك و موفق إن شاء الله بعد ما حضرتك تشوف انت عايز اية من العربية :)

**tata12001** · 26-12-2008 03:14 AM

awalan enta 3ayz el 3arabeia la shabb wala la 3eela ?? lawo le shab yeb2a el Tiida afdalak wa 5asatan el Hatchbach, wa lawo la 3ela, yeb2a el livina afdall 3alshan el 7agmm.

**mahamedaraby** · 26-12-2008 04:21 AM

اولا بالنسبه للتيدا لو عايز تشتريها هتلاقيها عند كل الموزعين بنفس الكماليات عند السبع او مودرن موتور او ابو غالى او اى موزع معتمد هتلاقيها نفس الكماليات وبلس دى فئه وفى فئه عاديه تانيه

انا الصراحه مجربتش ليفينا

بس عن تجربه التيدا تعطيك اكتر مما توقع عربيه رائعه بمعنى الكلمه

وانت بس بتوجها او تلمسها وهى تقوم بالباقى

**saidbakr** · 26-12-2008 05:23 AM

انا موش هتكلم، عن مواصفات العربيتين لاني ما اعرفشي عنهم حاجة.

بس النصيحة: أوعى تشتري عربية دلوقتي. اصبر شوية كمان، لغاية ما نشوف الوكلاء هيستمروا في الضحك علينا لغاية امتى!!!

**MTAK** · 27-12-2008 12:56 AM

بصراحة لا يوجد لدى معلومات عن الليفينيا
انما ما اقوله لك
انظر الى اعتباراتك
و اعمل مقارنة بسيطة
و طبعا لا تنس الاستخارة
و بالنسبة للتيدا معايا و الحمد لله الذى رزقنى اياها
عربيه جميلة و عامله معايا 35 الف الى الان و الحمد لله كويسه و ناس كتير بعد ما كانت بتهاجمنى لشرائها غيرت وجهة نظرها تماما

و اى خدمة انا فى الخدمة :)

الموضوع: ساعدونى لوسمحتو اشترى تيدا ام ليفينا ؟

LinkBack

أدوات الموضوع

عرض

-

-

-

-

-

المواضيع المتشابهه

احنا كام واحد من ملاك نيسان(تيدا -ليفينا -بلوبيرد -اكس تريل)

مطلوب جنوط سبور اصليه لنيسان تيدا او نيسان ليفينا

تيدا او ليفينا او كارنز

أهم موضوعات نيسان (تيدا + ليفينا + بلوبيرد + قاشـقاى ) من تجارب الاعضاء

للنيسانية فقط: تيدا و لا ليفينا

الكلمات الدلالية لهذا الموضوع

المفضلات

المفضلات

ضوابط المشاركة