شراء سيارة جديدة و كيفية التأمين عليها

**mostafabakry** · 24-12-2008 02:33 PM

السلام عليكم و رحمة الله و بركاتة

انا حجزت عربية جديدة و ان شاء الله هستلمها خلال ايام و عاوز اعرف ايه هي اجراءات التأمين علي العربية اللي بيطلبها البنك و ايه هي افضل شركة تأمين خصوصا ان انا من الصعيد و هرخص العربية في البحر الأحمر
يا ريت يا جماعة اي حد عنده معلومات عن التأمين يقولها لي و يفيدني من خبراته

**mostafabakry** · 24-12-2008 04:26 PM

يا جماعة يا ريت حد يرد عليا
انا عارف ان موضوع خليها تصدي و المقاطعة عكس اللي انا طالبه بس احيانا الضرورات تبيح المحظورات
انا يمكن قلقان جدا من موضوع نزول الأسعار في العربيات و خايف انه يحصل بعد ما اشتري و اتحسر و لكن مجبر اخاك لا بطل
انا للأسف بعت عربيتي و حاليا انا من غير عربية و محتاس جدا ومش عارف اقضي اي مصلحة من غير العربية

و الله انا لو ساكن في القاهرة مامنتش اشتريت دلوقتي لكن انا ظروفي مختلفة شوية و شغلي كمان مربوط جدا بالعربية و دا اللي مضايقني و بيضغط عليا انا انا اشتري العربية في اسرع وقت

انا يا جماعة متفق مع الحملة بتاعتكم و لكن انا وضعي الحالي بيحتم عليا شراء العربية في اسرع وقت

اتمني انكم تكونوا فهمتوا مشكلتي

**analyzer** · 24-12-2008 08:04 PM

انا زيك فى نفس الموقف مع اختلاف ان انا مش بشترى انا بجدد تامين
وانا كنت مامن مع الجمعيه بس بعد ما وقعت هغير لانهم مش بيجددو تامين
المهم لا اطيل عليك بعد السؤال والتحرى والتفحيص والتقصيص وجدت الاتى
افضل الشركات هى :
1- كونتاكت ودى غنية عن التعريف
2- قناه السويس للتامين شركه قوية جدا
3- الليانز كتير شكرو فيها
4- الوثاق ودى لسه جديده واعرف ناسس مامنين معاهم وسمعتها كويسه لانهم لسه جداد وبيحاولوا يكونو صورة كويسه

اعتقد ان انسب واحده ليك هى قناة السويس لان دى لها فروع فى كل الجمهورية
وبالتوفيق