الموضوع: اخيرا استلمت عربييه سيراتو

المشاركة الأصلية كتبت بواسطة faisal_may

ايوه يا سيدي طلع الفيوز ورحت اشتريت واحد زيه بالظبط وركبيه وهبه :10D5C8~1107: راحة الولاعه والششاحن اشتغلوا
ممكن سؤال هي العربيه التانك بتاعها سعة كام لتر انا فولت مرتين وكل مره ادفع 80 جنيه طبعا بنزين 92
واخر مره دفعت 100 جنيه وهي نفس التفويله ومش فاهم البنزينه هم اللي حراميه ولا البنزينه اللي قبلها ما كانوش بيفوله صح اه الكاسيت صيحيح
واضح ان انا شغلانه بس مش مهم انتم كويسين برده هو من نوع كينود
هو الكاسيت دوة مش بيقفل باور خالص انا حاولت وفشلت ومش عارف اظبط الراديو ان يكون كل رقم من الارقام اللي تحت ده بقناة عملت كل اللي يخطر في بالك وبالي وبال الجيران وفي الاخر ما عرفتش لميت اصحابي عامله كل اللي في بالهم وبالي وبال الجيران وبرده ما عرفوش:K_crying[1]: شوف ازاي فا لو حد عنده خبره في الكاسيت الغلس ده يقولنا
وانا عاوز اركب شاشات دي في دي لاولادي والحاجات ده يعني اعمل ايه وبكام ومنين
ياه دنا بني ادم يزهق سلام

مبروك انه طلع فيوز ومبروك انك غيرته بنفسك

بالنسبة لاسئلتك

العربية رسميا وطيقا لكتالوج العربية التنك سعة 50 لتر وده يشمل الاحتياطى

العربية لما بتنور بتاخد من 42 الى 43 لتر يعنى تقريبا 80 جنيه ولو فرضنا جدلا ان العربية ماكنش فيها نقطة(وده مش ممكن طبعا ) بنزين وهتاخد ال50 لتر يبقى الحساب 92.5 جنيه يبقى الراجل غالطك فى الحساب.

بالنسبة للكاسيت
مفتاح الـSRC اللى بتغير منه وضعية الراديو /الـ CD / AUX والـ Standby لو ضغط عليه ضغط متواصل لمدة ثانيتين الكاسيت هيقفل باور

بالنسبة للراديو بعد متولف المحطة اللى انت عاوزها اضغط على الرقم اللى عاوز تحفظها عليه من 1 الى 6 لمدة ثانية حتى تسمع صوت (بيب) من السماعات وبكده تكون تمت عملية حفظ القناة.

بالنسبة للدي فى دى اعملك جولة فى قسم الصوتيات فى المنتدى وشوف اللى يناسبك

شوف ردود وافية اهى -ابقى رد وقول عملت ايه