الموضوع: اخيرا استلمت عربييه سيراتو

السلام عليكم
انا استلمت امبارح عربيه كيا سيراتو بعد عناء دام ما لا يقل عن سنه بتمرجح بين كل العربيات من لانسؤ لالنترا المهم رحت جبت السياتو في اقل من نص ساعه واخدتها ومشيت علشان اخلص من الموضوع ده وما كنتش مقتنع بصراحه بيها لحاد لما سوقتها بجد النهارده بصراحه عربيه فوق الممتازه وجميله بجد وفيها اوبشن فوق الجميل علي فكره انا جبتها الكامله بدون فتحت سقف ومن الاخر علشان ما كنتش سائل صاحب المعرض قاللي ما فيش منها فتحت سقف كامله وربنا يسامح لان الفلوس الفرق ما كنتش فارقه بالنسبالي المهم باركت واستلمت ومشيت

فيه مشكله يا شباب مش عارف فيه ايه اول واحده الولاعه مش شغاله ولا الشاحن اللي في المسند وانا متاكد اني جربتهم امبارح وكانو شغالين بصراحه والله ما فاكر لاني كنت بستلم وانا نعسان وما نمتش من يومين غريب انا صح هو ده الي حصل حاجه تاني
بسمع صوت ونها بتعلي وبتهدي غريبه كدا ومش فاهم جيه منين وصوتها علي هي من التابلوه او من وراه عند الموتور والله ما فاهم
يا ريت لو حد فاهم حاجه يقوللي الله يكرمكم عادي ده ولا ايه
علي فكره انا ركبت انواع كتيره جدا من العربيات من اول السيات ال 133 طبعا عارفنها ده اول عربيه اشترتها وكنت والله برده نعسان وما نمتش مش مهم لحاد التويوتا البرادو المفيد ان السيراتو الكيا عربيه حلوه وجميله ما شاء الله واجمل حاجخ بجد التبترونيك انا جربته فعلا عربيه مانيوال بجد بكل المفهوم بتاع المانيوال لاني بحب اسمع صوت الموتور والار بي ام كدا وهو بيرتفع اخر حلاوه والاوتوماتيك بتعها مظبوط اوي بصراحه المفيد لسه التقيم الفعلي ما جاش
ومتشكرين يا شباب ارجو الافاده والصيانه بتاعتها الف ولا خمسه الاف علشان نسيت اسال المعرض والله شكلي ولا فاهم اي حاجه في موضوع شرا العربيات ده
سلام

والله العظيم متشكر جدا اخونا احمد علي الشرح الغير معقول وفعلا هجرب الموضوع ده وشكلي هفتح اللاب توب واشتغل زي اللي في الرسم التوضيحي
اما عن الصوت العجيب ده وكان بيعلي كل ما السرعه تزيد بشكل يوجع القلب والله ولميت كل الناس اللي اعرفها وامشي بيهم بسرعه ويسمعموا الصوت وكانت نظراتهم فيها نوع من التعزيه علي حال العربيه الزيرو اللي عامله 120 كم ولكن كانو طبعا بيطمنوني وانا كنت صعبان عليهم
العجب العجاب ان الموضوع طلع صوت البلاستيك اللي بيكون ملزوق علي العربيات الزيرو اللي فوق السقف كانت مش ملزوقه سنه صغيره وكان الهوا مع السرعه بيدخل جواها ويعمل الصوت اللي كان بيوقف قلبي كل ما بسمعه ههههههههههههههه المهم لما حسيت كدا رحت راكن العربيه وها يا تقطيع فيه زي ما قطع قلبي ورحت جاري بالكتكوته وايه الحلاوه ده لا انعم ولا اهدي من كدا وربنا يدوم المعروف هههههههههه