نظرا لطبيعة شغلي أول أمس كنت فمنصور اللي فشارع جامعه الدول فانتهزت الفرصة وسألت الولد بتاع المبيعات اللي كان واقف معانا عن الاوبل فيكترا وأخر التطورات وكانت المفاجأة بهذه الاسعار للكاش
أوبل فيكترا standard line 166
أوبل فيكترا Elegance line 180
أوبل فيكترا High line 205
وكده بقت الاوبل ارخص من الكورولا ومن التوكيل ...:Ta_clap[1]:
وطبعا اللي ب 166 دى اللي هي اول فئه فى الايزي ترونك وتقريبا فيها كل حاجة
ايه الكلام الجامد ده
دى كده تبقى احلى من الاوكتافيا A5 والجيتا
كرولا ايه بس يا ابنى احنا هنا فى قسم الالمانى :)
اول امس ركبت العربية هيه بتاعت والد واحد صاحبي واخدنا معاه فى العربية ....بصراحه اتصدمت لما قعدت فيها.....اولا كنت قاعد ورا ....العربية مش بالفخامه اللي كنت متخيلها ابدا....يعني قعدت فالباسات حاجه غير ....العربية تحس انها عادية من جوه التابلوه مش المبهر يعني لما تبصله هوه والكونسول الاوسط متحسش ان العربية موديل 2008 يعني متحسش ان في جديد في تكنولوجيا ...وكشكل جمالي مش وحش وبرضوا مش الملفت ...عاديه وبس...العربية من ورا مش واسعة يعني زى مشكلها من بره بيقول يعنى قعدت بعدها فعربية كورولا موديل 2006 فرق الوسع حاجة بسيطة كام سم طول وكام سم عرض مش اكتر .....ودي استغربتها اوي....يعني كنت قاعد فى الخلف لوحدي وباجي فالنص وبارجع ناحيه الباب مش عارف اتحرك وبقيت عمال اخبط في المقب اللي فى النص ده اللي في فتحات التكييف الخلفي ديت .......................فتحات التكييف الخلفي لما تبصلها شكلها حقير اوي تحس معموله من بلاستيك معاد تدويره مثلا عكس طبعا الفتحات اللي قدام بتاعت السواق والراكب الامامي شكلها نضيفة ومهتم بيها يعني حسيت كانها متجابه من وكاله البلح ومتركبه في العربية مثلا ...........العربية وانتا ماشي بيها صوت الكاوتش جامد اوي..العزل محستوش اوي عشان كنا دايما فاتحين الازاز بس لما بقفل اللي ناحيتي بحس كتم الصوت من ناحيتي لحد كبير بس مقدرش احكم برضه ....النظام الصوتي والسماعات جامده صوت محيطي مجسم زي مبيقولوا.....العربية تاني فئه في الايزي ترونك الل كانت ب 195 وبقت ب 180 ....الكراسي جلد بس مستريحتش عليها ابدا ....هو انا مقعدتش علي الكراسي الاماميه خالص طوال الوقت بس الكنبه بجد سيئه جدا ضهري اتخشب منها تخيلت لوا كنا مسافرين بيها كان ايه اللي حصل بجد مش مريحه انا مش بتكلم علي العفشة ولا النعومه لكن الكنبة ذات نفسها التنجيد ناشف جددددددددددددددا يعني ربنا يكون فعون اللي يقعد ورا .........باختصار العربية دي ممكن تكون استرا لكن مش فيكترا كبيره العيلة...
نسيت الموتور ملوش حس نهائى مخروص تماما بس برضه انا قاعد في الخلف فمقدرش احكم اوي
الفيكترا دى عربية ممتازة
وبسعرها دا تبقا احسن من عربيات كتير زى التويوتا او الشارك او السيفيك وال A5
بالنسبه للوسع جايز يكون الى ادام كان مرجع الكرسى ورا اوى لان فعليا المفروض انها اوسع من الاوكتافيا لان قاعده هجلاتها اطول منها .اقتباس:
المشاركة الأصلية كتبت بواسطة ahmedmohamedkamel
موضوع نشوفيه التنجيد فدى فى كل العربيات و خصوصا الالمانى عندنا الاوكتافيا كده تحس ان مفيش تنجيد اساسا .
موضوع التابلوه اذواق انا شايفه احسن من الجيتا و الاوكتافيا و شايفه كلاسيك شويه لان العربيه يغلب عليها الطابع الكلاسيكى .
طبعا الاسعار مش محتاجه تعلق يكفى انها ضربت عربيات كتير فى مقتل:44:
الاوكتافيا تظل ارخص منها
وفي الاول و الاخر مسالة اذواق
بس الاوكتافيا اوكتافيا
طبعا الاوكتافيا تظل و ستظل ارخص منها لييييييييييه؟ لان الاوبل المانى 100 % على عكس الاوكتافيا الى مش كلها المانى و ده لا يقلل منها فى شىء الا السعر .على فكره احنا معانا اوكتافيا بس لما ركبت الفيكترا حسيت انها افضل منها و حاولت اقنع والدى بيها و بالفعل اقتع بس مجبهاش لنها كانت وقتها التوب لاين حجز و تستلم بعد شهرين و هو كان محتاج العربيه ضرورى !!!! انما لو الزمن رجع ورا كان جابها و طبعا ده برده لا يقلل الاوكتافيا فى شىء و دى فعلا زى منت تكرمت و قولت اذواق و مش معقول الناس كلها تجيب فيكترا و محدش يجيب اوكتافيا امال شفيق جبر ياكل منين ههههههههه.و خلى بالك الفيكترا فيكترا بردهاقتباس:
المشاركة الأصلية كتبت بواسطة crazylambada
تمام يا مان
اقول ايه بعد اللي انتا قولته
اخوانى العزاء انا اشتريت اوبل فيكترا وهيا فعلا عربيه جامده جدا ومافيش اى عربيه فى فئتها
ممكن تقارن بها ولا اوكتافيا ولا غيره مع احترامى لكل العربيات وخصوصا الاوكتافيا
10000000000000 مبروك يا باشا ربنا يديك خيرها و يكفيك شرها .اقتباس:
المشاركة الأصلية كتبت بواسطة mimohs
قولنا بقى جبتها زيرو ولا استعمال و جبتها انهى فئه ... و على كام و منين و متنساش تقييم حلو كده للعربيه و رايك فى الفتيس ...
و طبعا الاهم من ده كله لفه لكل عضو لمسافه 20 كم .
اصحى بقى وراك شغل كتير اشى تقييم و اسعار و كماليات ...
اوعى تزعل انا بهظر ...........