حد غيري مخنوق من اعلان ممدوح فرج؟؟

**SAMER_ENGINES** · 28-12-2008 06:46 PM

انا مش بكره ممدوح فرج بس الإعلان سئ و مستفز و دمه تقيل جدا.

**khaledazizeg** · 05-01-2009 12:28 PM

انا شفتلة ماتشاط مصارعة كان تقريبا بيتفق معاهم انه هيضربهم قصاد الناس

**Dr Ahmed** · 05-01-2009 02:37 PM

المشاركة الأصلية كتبت بواسطة AHMEDCAR

يا جماعه حد بيشوف قناه مزيكا و الواد الاهبل بتاع برنامج المسابقات اللى بيفضل يتنطط زى القرود حاجه مستفزه جدا جدا

هههههههههههه
أوع تكون تقصد الواد اللى بيبقى لابس بالطو أبيض وشعره مربى فيه كتاكيت

هو ده؟
طب ما زيه القنوات بتاعة إتصل بالرقم وجاوب على السؤال واللى لغيتها تماما من عندى قبل ما ربع من نافوخى يضرب وأنا بأسمعهم

**احمد عز** · 05-01-2009 03:14 PM

فعلا اعلان مستفز جدا

**tamohsen** · 05-01-2009 04:13 PM

الحمد لله لسه مشفتش الإعلان

بس كل اللي اعرفه عن ممدوح فرج انه اساسا شخصيه خنيقه حبتين
انا فاكر في 95 كان فاتح جيم في الدقي واشتركت فيه فتره
وسبب من اسباب انقطاعي كان خفه دمه

**mokhtar** · 05-01-2009 07:56 PM

المشاركة الأصلية كتبت بواسطة AHMEDCAR

يا جماعه حد بيشوف قناه مزيكا و الواد الاهبل بتاع برنامج المسابقات اللى بيفضل يتنطط زى القرود حاجه مستفزه جدا جدا

انا شاكك ان الواد ده راجل اساسا مش عارف كده حاسس انه حاجه غريبه

..mokhtar..

**m7nsh** · 05-01-2009 11:39 PM

هىىىىىىىىى بقولك انتااا

طريق النجوميه صعب جداااا بس سهل جدا

طب ادونى عقلكو ازاى يعنى ؟؟ هو اى بقسماط و خلاص ؟

ههههه

والله الراجل ده عددى

حد خد باله وهو بيقول نمره التلفون بيبص تحت ازاى ؟؟ مش عارف خلاص يعنى مش قادر يحفظ ال8 ارقام ؟ طب ابعدو الكاميرا عن وشه عشان متبانش انه بيبص مش لازم تتحفونا بوسامته اللامحدوده و جاذبيته الطاغيه اللى بتدمر خيال بناتنا فى عمر الزهور !

واااااااه متنسوش

وهنتكلم فى كللللل حاجه هههههههههههههههه

ماله بيقولها بخباثه كده ؟؟ حسيتو بيقولها ازاى بجد ؟ هتتكلم فى ايه يعنى ؟؟ ههههه

و البرنامج بتاعه لما حد يتصل معندوش غير كلمتين ,, سعداء بيك والله يخليك
والتانى يقوله اخبارك ايه ياكابتن ؟
- الله يخليك
طب هنشوف متش ليك امتى ؟
-سعداء بيك
ولما بيجيلو تلفون بيهنج تهنيج 100% و يقطع كلامه و يحط صباعه فى ودنه و يحشر السماعه ع الطبله ,, وبعدها
اه اه تلفون

ومعانا الحجه (بخاطرها ) ع التلفون ,, تلاقى صوت محشرج متقطع " إحنا بنحبك اووى يا كابتشن منفوخ و عاوزين متش (للحنوتى ) لما دبح اخوه اخوه ياكابتن (شقيقه ) و فتحله قرنه بالجنزير والنبى "
وبعدها ييجى رده طبعا و ابتسامه الثقه مالياه " حاضر هجيبلك متش للأندرتكه " مهو راجل متنور بقى و مش معقول يقول الحنوتى !!

والله انا لما بكون خلاص وصلت لمراحل اليأس و القنوط و الأحباط و الفشل انى اقعد قدام اللعنه اللى اسمه تلفزيون ده و الاقى الأخ بيطل علينا من الشاشه بطلعته البهيه و خلقته البشوشه ,, بتفرج من منطلق التلذذ بتعذيب النفس بس بضحك ضحك هستيرى لما بنمسكه انا و اصحابى بتبقى مشكله

خلاصه : اسخف مافى الوجود الراجل ده ,, هو يمكن عمل انجازات كرياضى وشرف مصر على عينى وراسى ,, بس هو اعلاميا فاااااااااااااااااشل ميه الميه

معلش طولت عليكو بس انا مبءوء فعلا من الجدع ده

مع تحيات :: شمروخ خرج

**AHMEDCAR** · 06-01-2009 11:20 AM

المشاركة الأصلية كتبت بواسطة Dr Ahmed

هههههههههههه
أوع تكون تقصد الواد اللى بيبقى لابس بالطو أبيض وشعره مربى فيه كتاكيت

هو ده؟
طب ما زيه القنوات بتاعة إتصل بالرقم وجاوب على السؤال واللى لغيتها تماما من عندى قبل ما ربع من نافوخى يضرب وأنا بأسمعهم

الله ينور عليك يا دكتور احمد بجد الواد ده فظيع هو و البنات الهبله دى كمان اللى بيطلعوا معاه فى البرنامج تلاقيها عامله شعرها بتوكه من الشارع و عامله ديل حمار (معلش فى اللفظ )

عموما ربنا يخليله شعره و الكتاكيت

**AHMEDCAR** · 06-01-2009 11:24 AM

المشاركة الأصلية كتبت بواسطة mokhtar

انا شاكك ان الواد ده راجل اساسا مش عارف كده حاسس انه حاجه غريبه

..mokhtar..

لو شوفت فيلم رامى الاعتصامى هتلاقى ان الواد ده صاحب المقوله المشهوره

(من حقنا من حقنا نلاقى حضن يضمنا )

-

الموضوع: حد غيري مخنوق من اعلان ممدوح فرج؟؟

LinkBack

أدوات الموضوع

عرض

-

-

-

-

-

المواضيع المتشابهه

مين غيري مخنوق من أحمد آدم الكوميدي الفظيع

خلاص..ماحدش بيلبس الحزام في مصر غيري انا

مفيش حد في مصر على المنتدى غيري

ان شاء الله مش هتروح لحد غيري

مين اللي ماستلمش جين 2009 غيري يا ترى؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة