افيهات معلقة معايا...!

**Mido80** · 25-12-2008 08:49 AM

موضوع طرأ علي بالي النهاردة وهو

ما هي الافيهات اللي بتطلع في افلامنا العربية واللي بتعلق معانا لفترة وكل ما يجي موقف مشابة نقولها. طبعا السينما المصرية ارض خصبة للافيهات اللي تودي في داهية لاننا زي ما بنقول دهنا الهوا دوكو. انا هابدأ بنفسي

الافية اللي معلق معايا جدا بتاع محمود عبد العزيز في فيلم الكيف (بالعكس دة انا بدهرزة وادهبزة عشان يبرعش ويحنكش ويطعطع اخر طعطعة)

في انتظار مشاركات الاعضاء

**mido777** · 25-12-2008 09:06 AM

كان فيه موضوع اتعمل زى ده

http://nilemotors.net/Nile/showthread.php?t=50025

**sab3aawy** · 25-12-2008 10:08 AM

متهيالى ان الموضوع ده فكرته مختلفة شوية عن الموضوع التاني
الموضوع التانى كان بيتكلم على المشاهد القوية فى الأفلام
لكن الموضوع ده بيتكلم على الأفيهات اللى معلقة معانا وبنقولها

فيه افيهات مميزة من افلام احنا بنستعملها على طول منها:

"لف وارجع تانى" علاء ولى الدين -فيلم الناظر
"هتقولهملى نيللى نيللى ، هقولهملك شيريهان شيريهان"محمد سعد-فيلم الناظر
"هو كله ضرب ضرب ضرب ، مافيش شتيمة" علاء ولىالدين-فيلم الناظر
"لما احب اكلم الشعب المصرى، اكلم مين" فيلم وا اسلاماه
"لو شفتوه فى المعركة اقتلوه" فيلم وا اسلاماه
"هيضربوهم وهم بيصلوا" فيلم وا اسلاماه
"اذن فهى الحرب"احمد مظهر فى فيلم الناصر صلاح الدين
"فى ليلة اقل جمالا من هذة ، سوف تأتين زاحفة الى خيمتى، فالى تلك الليلة" فيلم الناصر صلاح الدين
"خياااااااااااااااااااااا� �ااااااانة" فيلم الناصر صلاح الدين
"نشنت يا فالح؟" استيفان روستى فى فيلم لا اذكره الآن
"هو اللى بنعمله فى الناس هيطلع علينا وللا اييييييييييييه" سعيد صالح فى العيال كبرت
"آآآآآآآآآآآآه، دا جايلى انا بأه" عادل امام فى مسرحية شاهد مشافش حاجة
"ما هذة الرائحة يا رجل.ألا تستحم؟" فيلم فجر الاسلام
"وىىىىىىىىىىى، شلت يدىىىىىى....انها سليمة" فيلم فجر الاسلام
"لكن كنا رجالة ووقفنا وقفة رجالة" محمود المليجى فى فيلم الأرض
"ادينى فى الهايف وانا احبك يا فنانناس" محمود عبد العزيز فى فيلم الكيف
"من النهاردة مفيش حكومة، انا الحكومة" احمد السقا فى فيلم الجزيرة
"شالوا الدو، جابوا شاهين" ثلاثى اضواء المسرح فى احد سكتشاتهم الاستعراضية
"زاوية الارتفاع تسعة عشر-اضرب.....ضااااااااراااااااا� �بااا" عبد المنعم ابراهيم فى فيلم اسماعيا يس فى الأسطول
"محدش يضرب....محدش يضرب" صلاح قابيل فى فيلم بطل من ورق
"مبيعرفش يواجيفها مبيعرفش يواجيفها" ممدوح عبد العليم فى فيلم بطل من ورق
"عارف لما شغالة صحتها كويس تستفرد بسجادة فى بلاكونة بتعمل فيها ايه؟" صلاح قابيل من فيلم الراقصة والسياسى

**mido777** · 25-12-2008 10:25 AM

عفوا ... يبقى انا اختلط عليا الأمر

...

**محمد ابراهيم 1** · 25-12-2008 12:23 PM

تسمحيلى بالرقصه دى
مترقص يا أخويا هو حد حايشك
طيب بعد إذنك أتحزم وآجى استيفان روستى فى فيلم لا اذكره الآن

**osama** · 25-12-2008 12:42 PM

شغلتك علي المدفع بورروم
بعد 14 سنة خدمة فى ثانوى بتقولى اقف
بلد بتاعة شهادات صحيح
الساعة بخمسة جنيه والحسابة بتحسب
رقاصة و بترقص .. ومتعودة دايماً
أشد الأستيك يلسعنى شراب منه فيه
مرسى ابن المعلم الزناتى أتهزم يا رجالة
انجليزي ده يا مرسى
بلاها سوسو خد نادية
سيبيه يمسكها يا فوزية
أنا الصباع اللى يوجعنى ماعالجوش أقطعه
ادبح يا زكى قدرة يدبح زكى قدرة.
تعالى يا قطة
يا آه يا آه .. أحلى من الشرف مافيش
دى منبى منبى يا منعنمي

**أبو كنوز** · 25-12-2008 12:47 PM

المشاركة الأصلية كتبت بواسطة محمد ابراهيم 1

تسمحيلى بالرقصه دى
مترقص يا أخويا هو حد حايشك
طيب بعد إذنك أتحزم وآجى استيفان روستى فى فيلم لا اذكره الآن

أعتقد فيلم سيدة القصر بتاع فاتن حمامه و عمر الشريف

**Mido80** · 25-12-2008 12:52 PM

تسلموا يا رجالة علي التفاعل بس عاوزين تفاعل اكتر من باقي الاعضاء
فية افيهات كتيرة بحبها زي الحوار اللي دار بين عبد المنعم ابراهيم ورياض القصابجي في فيلم اسماعيل يس في الاسطول...
"يا شاويش عطية انت تعرف اني لا اعرف الا الحق ولا اقول غير الحق..فرجب عندما سمع صوت الصفارة فط ونط وقفز وحدثت الفاجعة التي لطخت وجهكم الكريم" فقالة " يا جدع انت اسكت انا مش فاهم منك ولا كلمة"
رد علية عبد المنعم ابراهيم قالة (يالك من شنقيط)