صباح الخير
حد يا جماعة عندو فكرة اية الاوراق او اللي مفروض يتعمل لما واحد يعير موتور عربيتو
عرض للطباعة
صباح الخير
حد يا جماعة عندو فكرة اية الاوراق او اللي مفروض يتعمل لما واحد يعير موتور عربيتو
بتاخد الورق من الشخص اللي انت شاري منه الموتور و بيبقي عباره عن مخالصه من الجمارك او ما شابه ذلك بتفيد انك دفت الجمرك علي الموتور دا و بيبقي مكتوب فيه رقم الموتور و بتروح المرور التابع ليك و تقدم طلب و يطلعو ملف عربيتك و بيحطو الورق دا فيه بعد الفحص و بعد ما ياخدو بصمه الموتور الجديد و بصمه الشاسيه كمان و بياخدو منك الرخصه القديمه و يدوك رخصه جديده بالفتره اللي بقيالك في الضريبه.
الموضوع دا عملته من كام سنه ما اخدش نص ساعه الله اعلم دلوقتي بياخد اد ايه علي حسب المرور بتاعك بس للاحتياط لازم تروح من بدري علشان تخش في الفحص.
و ابقي طمنا علي الموتور الجديد و عملت فيه ايه :wink:
ربنا يخليك يا حازم باشا
بص انا وعدتكم ان شاء الله اني حقولكم علي كل حاجة
ان شاء الله
بس ربنا يخليك علي الرد
هشوف الورق اللي قولت عليه و هحكيلك عملت اية
العفو علي ايه .
علي فكره ممكن تاخد الورق و مش شرط انك ترخص تاني يوم علي طول ممكن تقعد شهر ولا حاجه ولو الضريبه بتاعك انتهت او علي وشك جدد رخصتك بالمره و بكده تبقي عملت مشوارين في مشوار.
ما تنساش بقي في الموضوع تحط صور الموتور اول ما تشتريه و بعد ما تنضفه قبل ما تركبه و صوره سدر العربيه بالموتور القديم و بعد ما اتحط الموتور الجديد علشان يبقي حاجه حلوه كده :)
حاضر