مشكلة عند الدوراه والعربية باردة صباحاً .... دخنة سوداء

**fadynabil** · 25-12-2008 11:46 AM

يا شباب أنا من كام يوم بيحصل معايا الصبح أول ما أدور العربية دخنه سوداء من الشكمان بتفضل موجوده حوالي ٥ دقائق
وبعدين تروح

المهم رحت للميكانيكي عشان يظبطلي الكهرباء المهم العربيه مبقيتش بتعمل الدخنه ... بس السخان فصل والعربيه بتقعد تطفي كذا مره طبعاً عشان السخان مش شغال وهيه بارده

.. المهم رحت للميكانيكي تاني عشان يظبطلي السخان وبعدين السخان رجع إشتغل ورجع تاني الشكمان يعمل دخنه سوداء عند الدواره والعربية بارده ( رجعة ريمه لعادتها القديمة)

السؤال دلوقتي إيه إيه سبب الدخنة السوداء دي؟؟؟ وإيه حلها؟؟ ... ولو كبرت دماغي إيه الضرر اللي ممكن يحصل ؟؟؟

مع العلم إن عربيتي إبيزا ٩٤ ١٣٠٠ Cc كربراتير

**ahmedsrs** · 25-12-2008 01:36 PM

الكربيراتير عندك بيشرق العربية فبيطلع كمية كبيرة من الوقود الى بتعمل الدخنة السودة روح لحد متخصص كربيراتير يضبطه

**SAMER_ENGINES** · 25-12-2008 01:46 PM

الدخان الأسود علي حد علمي عدم احتراق البنزين بالكامل يعني العربية بتطلع بنزين ني زي ما بيقولوا و ننتظربقية الردود من الزملاء.

**fadynabil** · 25-12-2008 03:26 PM

شكرا يا جماعة بس إيه الحل .. أنا لما ظبت الكهرباء السخان مشتغلش زي ما قولت

وفعلا بيبقي في نقط صغيرة بتنزل من الشكمان مع الدخنه

بس إيه الحل هي لعبة ظبط كهرباء ولا إيه .. ولو كبرت دماغي هيحصل مشاكل ؟؟

**ahmedsrs** · 25-12-2008 09:11 PM

اضبط الكهرباء احسن لتقليل استهلاك البنزين ومش مشكلة السخان ممكن الأستغناء عنه بتسخين العربية كويس قبل الطلوع بيها

**Ossamaaly** · 25-12-2008 09:27 PM

بص يا باشا، أنا عانيت من اللي عندك ده كتير وإللي جاب معايا من الآخر ظبط الكربرتير، وتغيير البكات. جرب تروح لصنايعي كربرتير كويس وهو هيفهم المشكلة علطول. بس صحصح معاه عشان ميعملش شغل غالي و مالوش لازمة، لان الموضوع ممكن ينتهي بغسلة كويسة للكربرتير بس.

**fadynabil** · 28-12-2008 10:09 AM

يعني الموضوع ملهوش علاقة بالبوچيهات .. كله من الكربراتير

**samirayad** · 28-12-2008 10:46 PM

[QUOTE=ahmedsrs;563096]الكربيراتير عندك بيشرق العربية فبيطلع كمية كبيرة من الوقود الى بتعمل الدخنة السودة روح لحد متخصص كربيراتير يضبطه[/Q................+11111111111111111111

**ahmed1981** · 29-12-2008 09:59 PM

بتقول إن الدخنة بتنتهي بعد خمس دقائق
ولا توجد أي أعراض أخرى
والسحب كويس والعربية كويسة

المشكلة في الكربيراتير
لكن تقدر تطنش طالما الدخنة بتنتهي بعد خمس دقائق

أنا عندي الجولف نفس موتور عربيتك تقريباً
وعندب السخان فاصل من حوالي شهر وبتتعبني في التسخين