السلام عليكم ياجماعه انا الحمدلله استلمت العربيه من التوكيل بعد ماخلصوا كل حاجه تقريبا غيرو الماتور بالكامل ناس محترمه بجد وطبعا ده كله في الضمان يعني مادفعتش ولا مليم بس النقطه اللي الواحد زعلان منها انا العربيه وهيه في التوكيل اتبهدلت شويه من حيث ايه
1-لقيت تحت الشبكه الاماميه زي مايكون كانو رافعين العربيه من قدام بحاجه. الكساحه اللي قدام اتعوجت اظاهر كان في تحميل من قدام
2- الجنط فيه تجاريح جامده جدا جدا جدا والكارتيره اللي فوقه فيها خبطه دي العجله اللي ورا شمال
3-لما تفتح الكابود الماتور شكله مايسرش عدو ولا حبيب زيوت وشحم ومتوسخ على الاخر طبعا قلت اغسله المهندس قاللي ماتعملش اي حاجه دلوقتي لما تخلص تليين العربيه الاول انا مش مقتنع بكلامه بس هنفذه
انا اسف اني بسرد العيوب الاول بس مع كده العربيه باذن الله احسن من الاول
على العموم الف الف الف شكر للباشمهندس امر اللي ماعرفتش اقبله بس بجد المعامله ممتازه ثانيا المهندس مصطفى راجل زوق جدا الف شكر للجميع
على فكره انا عرفت انا باب الصيانه بالحجز اتفتح يعني علشان تحجز لازم قبلها بيومين عن طريق التليفون
النقطه التانيه ان التوكيل ممكن يركبلك زينون انت تشتري الوحده وهما يركبو ب200 جنيه والعربيه ماتخرجش بره الضمان