يا ريت يا جماعة تدوني رأيكو في Bmw X3 عشان أنا بفكر اجيبها و مش عارف إيه أخبارها
عرض للطباعة
يا ريت يا جماعة تدوني رأيكو في Bmw X3 عشان أنا بفكر اجيبها و مش عارف إيه أخبارها
يا ريت حد يقولي انهي أحسن ال BMW X3 or 523I or new 320I ???
x3 انا شخصيا بحبها موت و بعدين 523 و بعدين 320
بس اخبارx3 فى الضرايب ايه ؟
انا شخصيا افضل ال 523 عنها لأنى عمرى ما حستخدم ال 4x4 فا بالتالى اخد ال 523 عربية ممتازة جدا جدا جدا جدا و مفيهاش كلام
انا بفضل ال523 عشان اوسع واريح واحدة فيهم
وبعد كدة ال320
ثم الx3 عشان اقل واحدة في الراحة فيهم هما التلاتة لدرجة ان ال320 تعتبر عفشتها مريحة جدا بالنسبالها وكمان لو دورت علي تقييمات ليها علي النت هتلاقي بيقولوا عليها عاملة زي المراجيح :)
انا شابف الاتنين ممتازين فعلا
لو حضرتك بتحب السيدان يبقى ال523 هتبقى مناسبة اكتر اما لو بتحب ال4x4 يبقى الx3 مناسبة اكتر.
احنا عندننا x3 و انا شايفها ممتازة الصراحة.
امكانيتها كتير اوى على سعرها , فيها موتور الى موجود فى ال530 اللى بيجيب الى 100 فى 7.5 ثانية يعنى العربية قوية جدا , العربية فيها 8 airbags
من ناحية الامان
Anti-lock brake system (ABS)
Automatic Differential Brake (ADB-X)
Automatic stability control + Traction (ASC+T)
Brake Force Display
Dynamic stability control (DSC, DTC incl. DBC) with additional functions
مؤشر بتاع انخفاض الضغط فى الكاوتش
Fog lights with free form reflector
Hill Descent Control (HDC)
Rain sensor incl. automatic headlights
control
بطارية اضافية تحت شنطة العربية.
من ناحية الامكانيات
انوار زينون عالى و واطى (بيدى شياكة رهيبة)
روف panorama
كراسى كهرباء + ذاكرة للسائق
تكييف اوتوماتيك
تابلوه خشب فخم جدا و خصوصا لو الفرش بيج بيدى شياكة رهيبة برده
مجهزة بتليفون نوكيا , بتطلب من التليفون نفسه مش من الكاسيت بس بتستقبل من زرار فى الدركسيون.
فرش جلد طبعا
Radio/audio
- AUX-In connection
- BMW Business CD Radio, incl. MP3 decoder
- CD changer preparation
- DVD preparation at rear
مسند امامى و خلفى
جنوط 17
طبعا مع التغيير اللى عملوه فى الشكل و الفانوس الخلفى بقت رهيبة جدا فى الشكل من بره.
الحاجة الوحيدة اللى مش موجودة فيها هى الi-drive (يعنى مفيش شاشة فى التابلوه من فوق خالص) و مرايات تطوى عادى مش كهرباء.
طبعا العربية ممتازة للناس اللى متعودين على ال4x4 و لازم يكون عندهم 4x4 و بتبقى مريحة جدا ليهم , مش عارف حضرتك هتعجبك ال4x4 و لا لأ.
بالنسبة لل523
فيها 10 airbags
Active Headrests, front
Dynamic stability control (DSC, incl. ABS, CBC, Traction Mode DTC and Start-off and brake Assistant).
حساسات ركنة (مش عارف خلفية بس و لا خلفية + امامية ) , ممكن تركب فى الx3 ب 14000 و ورا بس ب 7000 جنيه فى التوكيل على ما افتكر , مش فاكر بالظبط السعر.
Start/Stop Button.
بتزيد عن ال x3 بان فيها شاشة 6.5 بوصة فى التابلوه + تحكم فى الكونسول اللى هو ال i-drive
Cruise control with break function (و دا مهم جدا , الx3 فيها cruise control عادى منغير فرملة لوحدها , بمعنى لو العربية اللى قدامك وقفت او بطأت العربية بتبطأ لوحدها)
8 سماعات (مش عارف الx3 فيها 6 و لا 8)
المرايات الداخلية بتعكس النور لو العربية اللى وراك ضاربة نور فى مرايتك.
جنوط 16 و مفيهاش xenon.
موتورها 2500cc و قوته 190 حصان و بتجيب ال100 فى 9.1 ثانية
الصراحة الاتنين ممتازين و اللى ممتاز اكتر الاسعار اللى حضرتك كتبتها انهردة.
http://www.bmw-eg.com/eg/en/newvehic...roduction.html
هنا فى مواصفات ال523 الكاملة
و هنا الx3
http://www.bmw-eg.com/eg/en/newvehic...roduction.html
نسيت الاتنين عليهم 2% من تمن العربية ضريبة ترخيص سنوية و كل سنة المبلغ اللى بيتدفع بيقل 5% , ال320 عليها 1000 جنيه سنويا بس
تأكد من معلوماتكاقتباس:
ال320 عليها 1000 جنيه سنويا بس
اعتقد صعب على عربيه سعتها 3000 سىسى و 1000 جنيه سنويا
الm3 معروف عنها انها heavy duty جدا عن كتير من عربيات ال 4*4
و احتياجها للصيانة و قطع الغيار قليل جدا
و هيه عربية ناعمه و سحبها كويس
بس بودي ضعيف (بالمقارنة بالعربيات ال 4*4 الياباني و الأمريكي) و قطع غيارها مولعه
و ضيقة شوية من جوة
بس ماتقارنش ال 320 و ال 523 بيها
دي حاجة و دول حاجة تانية
انت عاوز 4*4 و للا عاوز سيدان؟؟
بناء علية تحدد اية اللي تناسبك فيهم
و سعرها حوالي 460-470 زيرو دلوقتي
انا لو منك و عاوز 4*4 زود ل 650 و اشتري باجيرو
اكبر و اوسع و اقوى و 4*4 بجد
و لو عاوز اقتصادية اشتري برادو ديزل ارخص بكتير
بتتباع ترخيص اوتوبيس خاص ب 220 الف بس يكون معاك سجل تجاري
انا بتكلم على x3اقتباس:
ال 320i سعتها 2000 cc مش 3000cc
اعتقد ضريبة ال x3 حوالي 8400 جنية سنويا
تطبيقاً لقاعدة 2% من ثمن السيارة
دة طبعا لو موديل 2008 او 2009 زيرو
بس لو مستعملة 3 او 4 سنين الضريبة تقل كتير
اعتقد انها بتقل 10% سنوياً
فعلا انا بتكلم على ال 320 ضريبتها 1000 جنيه.
شكرا على الرد يا سعداوى باشا
انا معاك ان الpajero اكبر و اوسعاقتباس:
انا لو منك و عاوز 4*4 زود ل 650 و اشتري باجيرو
اكبر و اوسع و اقوى و 4*4 بجد
بس على فكرة هى ارخص من ال x3 بره مصر بكتير و سبب الفرق فى السعر فى مصر ان الx3 بتتجمع فى مصر و بيدفع عليها جمرك+ضرايب 55% اما الباجيرو مستوردة بالكامل و جمركها + الضريبة 188.5% و كمان التوكيل مزودها اوى فى مكسبه بدليل ان الخليجى ارخص بكتير , اذا كان السانتا فى و السورنتو التوكيل بيكسب فيهم فوق ال100 الف جنيه , تخيل دى الرواس بيكسب فيها كام.
بعدين الباجيرو مافيهاش عوامل الامان و الstability اللى موجود فى الx3 و اللى موجود فى الbmw عموما.
يعنى الشيروكى و الجراند شيروكى برده اقوى و اكبر و اوسع بس مفيهمش stability و امان و فخامة bmw.
بعدين هو اساسا بيسال عليها علشان سعر اليورو اللى نازل+ الازمة المالية فbmw عاملة تخفيضات.
الباجيرو تنفع فى الصحراء و الناس اللى بيروحوها كتير اكتر من جوه المدينة.
مظبوط كلامك يا som3aa باشا و انتا كده فاهمني تمام بس انا مش عارف ليه العربية دي واخدة تقييمات قليلة قوي بره مع اني لما ركبتها كانت حلوة و ثابتة و موتورها جامد قوي بس ال 523 شكلها تحفة و خصوصا الأسود فيها بيخلي شكلها مجرم و كانها عربية شبح و الواحد محتار قوي
واخدة تقييمات برة مش كويسة عشان فيه حاجات كتير في نفس الفئة برة
وغالبا الفئة دي جديدة علي العربيات الالماني فلسه مأثبتوش وجودهم
وعيوبها بالنسبالهم
انها مش مريحة
وغالية
وشكلها مش كويس
(ده مش رأيي , ده الي مكتوب في التقييمات كلها )
انا شايف انها مش مريحة فعلا وده عيبها الوحيد
لو انت هتتخطي كل ده تبقي كويسة بس ده لو انت عايز 4x4