السلام عليكم
وكل سنه وإنتم طيبين
وأنا بسأل عن سعر الفانوس الخلفى الزجاج (مش الباغ) بكام وأجيبه منين للسويفت موديل 93
وألف شكر ليكم
عرض للطباعة
السلام عليكم
وكل سنه وإنتم طيبين
وأنا بسأل عن سعر الفانوس الخلفى الزجاج (مش الباغ) بكام وأجيبه منين للسويفت موديل 93
وألف شكر ليكم
مخالفة للقاعدة رقم 6 بند"ب"
إدارة المنتدى2
تحذير لتكرار مخالفة للقاعدة رقم 6 بند"ب"
إدارة المنتدى2
بص يا اخي
الفانوس ده بيتراوح من 75 جنية إستيراد و95 جنية حسب بأه عايزه باغ ولا زجاج براحتك
بخصوص المكان في واحد عنوانه هنا في القسم في التوفيقية ورقم تليفونه بس أنا مرحتلوش قبل كده
في ناس برده عن مستشفى منشية البكري في جسر السويس بس برده معرفش مكانهم إيه بالتحديد عشان مرحتلهومش قبل كده
إلي أعرف مكانه عندي في شبرا صف محلات جمب بعضه في أول شارع أحمد حلمي كلهم بيبيعوا حاجة السويفت إستيراد وجديد دول أنا إتعاملت معاهم والأسعار دية من عندهم
لو محتاج مساعدة أكتر في العنوان أو حاجة قولي وأنا تحت أمرك
وبالتوفيق
شكرا يا أخ :satelite:mohamed adel
وألف شكر يا أستاذ Jato.33 :colsmil:
أنا هنزل التوفيقية إن شاء الله وهجيبه أصل أنا عاوزه علشان النور بتاع الإشاره هخليه أبيض بيبقى شكله جامد آخر حاجه :S_thum1[1]:ومينفعش أركبه فى الباغ علشان الباغ لونه أصفر فا كأنى معملتش حاجه
سلام عليكم
انا قدامي سوزوكي سويفت 92
مكيفية و فابريقة
مطلوب فيها 30000
رايكم ايه و ايه مشاكل السويفت
وهي كام سىسى
الف شكر على مجهودك
بص ياباشا السويفت جميله جدا وجرايه وشكلها بيعتبر من العربيات الجديده بالرغم إنها من أكتر من 15 سنه أنا كنت جايبها أيام ماكانت العربيات شده حلها فى الآسعار يعنى كانت الأسعار مولعه موديل 93 فبريكه دواخل كانت ماشيه 54ألف كيلو بس ومكيفه والحاله ممتازه ب31ألف جنيه بيتهيئلى دلوقتى الآسعار نزلت شويه لإنى كنت فى سوق السيارات كنت بسمع أرقام قليله وكمان محدش بيشترى بردوه بيتهيئلى إن السعر ده ممكن ينزل
عيوب العربيه ديه السقف البرومه بتسرح فيه لما بتغسلها كتير ولو ركبت 3 ورا العربيه بتنزل على الأرض بس ديه بتتعالج يعنى مش مشكله وأسف على الإطاله