الموضوع: اليابانى احسن من الكورى

يا جماعة مفيش عربية ملهاش مشاكل و الدايو مشاكلها معروفة زي المقصات في النوبيرا و حاجات و الفرامل في الانوس و مكانتش في كل العربيات كمان انا ركبت لانوسات فراملها كانت كويسه مش وحشه و في لانوسات تانية فراملها تعبانة و حاجات كده و الاستاذ ممدوح اقر بالمشاكل دي قبل كده لم ينكرها نهائيا بس ده ميمنعش ان العربيات دي عملت شغل في مصر و لولا العربيات دي المصريين مكانوش لقوا عربيات يركبوها لان اسعارها حنينة حتي لو ليها مشاكل مشهورة بيها بس اهي خلص اتعرفت و اتحفظت و انا تقديري ليها انها سيارة متوسطة الاعتمادية مهياش جبارة و مهياش واقعه تماما

اسمحولي بكلمه عن الكوري عامه سواء دايو او هيونداي او كيا
الكوري انا اراه الافضل في مصر الان للاسباب الاتيه
1- المبالغه في اسعار الياباني لان المصريين بقو ماشين ورا مبدا لو فاتك الياباني مش هيرجع تاني لدرجه انه قرب للاماني و الاوروربي و تجاوزه احيانا
ده الياريس وصلت ل 120 الف هي و السيتي في حين ان البرافو و الجراند بونتو و الابيزا و الفابيا و غيرها من السيارات الالماني و الاوروبي في نفس التمن بل و اقل
فبالتالي استبعد الياباني للمبالغه في سعره

2- طرقنا في مصر تبهدل اي عربيه كلها 5 6 سنين و تتبهدل ميفرقش في كده الماني من كوري من ياباني لان اتجاه كبار مصنعين السيارات لجعل السياره سلعه - راجع الموضوع المميز للعضو سيات لافر في قسم البيع و الشرا -

3 و حتي لو الالماني استحمل و دي حقيقه انه بيستحمل احنا شعب بيزهق بسرعه و فيه كتير بيحب المظاهر اديكو شايفين الموبايلات الحديثه الي ماليه البلد يعني كده كده هتزهق و تغير عربيتك علي 5 سنين

4 سعر الكوري كزيرو معقول و يضعه في مرتبه معقوله
فمثلا لو معايا 100 جنيه و عاوز عربيه هلاقي ادامي عربيه صيني كبيره ممكن تكون 4*4 و مجهوله و فيها كل اوبشنز الدنيا

و عربيه الماني صغيره فاضيه من غير اوبشنز لانها الماني
و عربيه ياباني بيها حبه اوبشنز ة بنفس السعر فقط لانها ياباني مع احترامي لليابان
و عربيه كوري متوسطه مابين هذا و ذاك حجم موسط كماليات معقوله

بالتالي الكوري الي ماسك العصايه من النص حاليا

4 الكوري اه فيه مشاكل بسيطه و اقل في الاحتمال للكن مش بالدرجه الكبيره بس حلوله معروفه و الف مين يفهم فيه و قطع غياره ماليه الدنيا و سعر اعاده بيع ممتاز
لهذا اري ان االكوري هو الانسب في تلك الظروف
وشكرا