تجربة في الشكمان...و النتيجة جميلة...
من يومين كنت عند واحد في صقر قريش (المعادي) اسمه أحمد شكمان...
كانت مشكلتي الأساسية أن فيه حرارة بتدخل عليا في الكابينة و مصدرها قريب من الكونصولة الوسطانية...
فك علبة الشكمان ... لقينا أن الفيبر جلاس اللي فيها محجر... طبعا كسرة و نضف العلبة و بعدين جاب ماسورة و خرمها على هيئة صفوف على دايرتها كلها...
بحيث أنها تكون كلها مخرمة...
بعدين دقها من النص على هيئة نجمة (عشان تكتم الصوت) و تم تركيبها في العلبة عن طريق لحامها بلحام كهرباء...
بعدها تم تركيب العلبة و تجربة العربية...
النتيجة... العربية بتسحب أحسن من الأول بكتيييييييييير و بتجمع سرعة في وقت أقل...
مشكلة الفيبر جلاس أنه بيكون زي القطن كدا في الأول بس بعد فترة بيحجر و ممكن يكتم الشكمان ...
و ده بيعلي سخونة الموتور و بيخلي العربية مكتومة...
حاجة تاني مشتركة في كل الشيروكي الxj...
و هي أن ماسورة الشكمان لازقة في المصفحة بتاعت تانك البنزين... و ديه حاجة مش مستحبة أوي عشان السخونة... فبيتم تني الماسورة و لويها بعيد عن المصفحة عالسخن...(أو رجلشة مسمار الأفيز)
حبيت أنقلكو التجربة عشان كل اللي معاه Xj يستفيد
و بالمناسبة... أحمد متخصص دايو أصلا :) بس في واحد بعتني ليه بالاسم و قاللي دا أستاذ في كله...