حبس المدرس المتهم بقتل التلميذ اسلام لمدة 6 سنوات

**elassar2010** · 25-12-2008 05:14 PM

قضت محكمة جنايات الإسكندرية فى جلستها التى عقدتها الخميس بمعاقبة المدرس المتهم بضرب تلميذ داخل الفصل مما أدي لوفاته بالسجن المشدد لمدة 6 سنوات وإحالة الدعوي المدينة للمحكمة المدينة المختصة.

كانت النيابة العامة قد أمرت بإحالة هيثم نبيل عبد الحميد "33 سنة" مدرس رياضيات بمدرسة سعد عثمان الكائنة بمنطقة أول المنتزة شرق الإسكندرية للمحاكمة بعد تعديه بالضرب علي التلميذ اسلام عمرو بدر "11 سنة " داخل الفصل مما أدى لوفاته عقب نقله لمستشفي شرق المدينة.

وتبين من تحقيقات النيابة أن المدرس المتهم تعدي بمسطرة علي الطالب وطلبة آخرين لعدم تأديتهم الواجبات المدرسية الا انه قام بركل التلميذ المتوفي في بطنه مما أدي لإصابته بإغماء وهبوط حاد بالدورة الدموية والقلب وفشل بوظائف التنفس والمخ ووفاته داخل المستشفي.

تم ضبط المدرس واعترف بارتكاب الجريمة وأمرت النيابة بحبسه وتقرر احالته لمحاكمته بعد استكمال التحقيقات بعد أن وجهت لهم تهمة ضرب أفضي إلى موت.

وإهابة المحكمة في حكمها وزارة التربية والتعليم باتخاذ الإجراءات اللازمة بحسن رعاية التلاميذ وعدم اتخاذ أسلوب الضرب وإرهابهم في تلقيهم العلم خاصة أنهم عماد المستقبل وأمل الأمة الذين سيحملون راية التقدم

**Abo_Lina** · 25-12-2008 11:55 PM

في ستين داهية

**dr.nemo** · 26-12-2008 12:22 AM

ست سنين بس
ده انا كونت متوقع مؤبد او اعدام

**amr22_00** · 26-12-2008 09:45 AM

يا ريت بقى غيره يتعلموا
اللي يشوف منظره وهو بيبكي وقت المحاكمة و بيقول مكنتش اقصد ميشفش الشراسة اللي بيبقوا عليها في المدارس
سبحان الله

**elmadawy** · 26-12-2008 11:05 AM

المشكله ان ظاهرة الضرب المدرسين للتلاميذ بعد ما حدث موجوده في جميع المدارس لاني كنت من يومين في احد المدارس الحكوميه في الاسكندريه وشاهدت مدرس وهو يحمل في يده عصا بطول متر ويقوم ايضا بضرب التلاميذ حتي بعد هذا الحكم عمليه الضرب في المدارس لا تنتهي والبذات في المدارس الحكوميه لان الطلاب هم اللذين يفعلون اشياء يخلي اي مدرس يضرب انا عارف ان الضرب خطاء
حقولكم مثل احد المدرسين الاصدقاء قالي ان في تلميذ قال للمدرسه هو في الصف الاول الاعداي انه بيمارس العاده السريه تخيل تلميذ في الصف الاول الاعداي يقول لمدرسه هذا الكلام فماذا تفعل معاه هذه المدرسه واشياء كثيرة موجوده في المدارس الحكوميه بالاخص وربنا يستر علي اولادنا وشكرا

**sab3aawy** · 26-12-2008 10:18 PM

والله العظيم انا لو ابو التلميذ ده لكنت ارتكب اى مصيبة ادخل بيها السجن وادور على اى واسطة تحطنى فى سجن واحد مع ابن **** ده ، وكنت هفضل مترصد له فى حوش السجن لحد ما اطوله، واهعذبه تعذيب فوق الوصف
وميهداش بالى غير وانا بشوفه بيصرخ بيلطب منى اموته علشان انهى آلامه ، وبعد كدة يعملوا فيا اللى هم عايزينه، قال ست سنوات قال، يانهار اسود

تم تعديل الوصف التفصيلي بواسطتي
ورجاء عدم شتم الاخرين
الادارة 1

**Busquets** · 26-12-2008 10:45 PM

يا بلاش

الواحد يروح يموت العيل و يعيط شوية يأخذ 6 سنين!!

يانهار ابيض!

**SAMER_ENGINES** · 04-01-2009 03:41 PM

يغور في ستين الف داهية و بصراحة ده كدة حكم بالبراءة انا كان نفسي ياخد اعدام او اقله تأبيدة بس كفاية انه مستقبله راح في التدريس و حتي برة التدريس كدة بقي عنده سابقة و محدش هيشغله عنده يعني ولا تدريس و لا غيره.