أنا رحت لبتاع الزوايا فعلا وقاللي الزوايا مظبوطة وقولت له العومان ده من ايه فطلع وجرب ومشيت كويس ، ولما جيت أنا سوقت لقيت العومان رهيييييييييييييييب فرجعتله تاني وقاللي النهاردة الجو فيه هواء جامد ، ممكن يكون بسبب الهواء انت حاسس بعومان لكن لو بعد يومين تلاتة لو رجع العومان تعالى تاني
فاعتقدت إن أنا عندي مشكلة مثلا مشكلة نوم قلقل أو حاجة مخلياني مش عارف أسوق ، فمرة وأنا ماشي كان العومان رهيييييييييييييييييييييب لدرجة كنت هاخبط في العربيات اللي جنبي 3 مرات ومش عارف أسيطر على العربية وأعصابي باظت ، ولما رجعت قررت إني أوريها لحد من زمايلي يسوق ويجرب يمكن أكون أنا اللي مش عارف امشي ، ولما طلع جرب فضل ماشي لغاية 60 70 80 120 وكانت العربية ماشية كويس وقاللي العربية تمام ولما وصل 140 بصيت لقيته بيزعق وبيقول ايه اللي بيحصل ده والعربية بدأت تطير يمين في شمال وفضلت لغاية لما دمنا اتحرق وبصعوبة هديت تاني ، وقاللي العربية بتعوم فعلا عومان غبي فاتأكدت إن العومان ده مش معايا بس.
وأنا لاحظت حاجة غريبة إني باحس إن العربية كلها مايلة لليمين لما يكون فيها ناس والمساعد الأمامي بيطلع وبينزل على الفاضي . وحاجة تاني إني لما باحرك الدريكسيون يمين وشمال وهي طافية بألاقي القطع الجلد اللي رابطين الاسكترة اللي جنب فلتر البنزين واحدة فيهم زي ما تكون مش مربوطة كويس
أنا مش عارف اعمل ايه هل أشتري عفشة جديدة ؟ وهل هتتحل المشكلة بعد العفشة ؟ ولا أعمل ايه ؟ أنا تعبت نفسيا باحس إني باحارب وانا ماشي ، والغريبة إن كل اللي بيكشف عليها بيقول سليمة
المفضلات