ايه مدى استخدامك للـ facebook ؟؟

**JD_Cairo** · 26-12-2008 07:58 AM

يا شباب الفيس بوك ده ممكن يبقى أي حاجة إنت عايزها ... عايزه بديل لل-email ممكن ... بديل للشات ممكن .... موقع ديني ممكن .... موقع اباحي ممكن .... موقع لالعاب الكمبيوتر ممكن ... موقع للرياضة ممكن ...أي حاجة و كل حاجة

فيه حاجة اسمها applications على البتاع ده .... اللي عايزه حتلاقيه أنا شخصيا منزل application قران كريم بتلاوات مختلفة ... و واحدة بحث عن الأحاديث الشريفة ... واحدة لمشجعي مان يونايتد و متابعة أخبار الفريق ...واحدة رباعيات صلاح جاهين ... واحدة لاخبار السيارات العالمية

فيه حاجة تانية اسمها groups لو اشتركت فيها ممكن تتابع حاجات زاي أخبار الشخصيات السياسية العالمية ... نجوم الفن و الرياضة .... وصفات آكل ... أخبار البورصة ... تقريبا أي حاجة إنت عايزها ...و طبعا أخبار أصحاب المدرسة القدام و أصحاب الكلية و مكان العمل و البلد اللي إنت عايش فيه

إل privacy settings ممكن تتظبط زاي ما أنت عايز لو عايز ممكن ما حدش يعرف أصلا انك موجود على الفيس بوك و لا يوصل لاي معلومات عنك و لا يشوف صورك

**theking2690** · 26-12-2008 08:13 AM

المشاركة الأصلية كتبت بواسطة Busquets

انا عن نفسى شايف انو ممتاز

لانو بيخليك تلاقى ناس عمرك ما تتخيل انك كنت هتشوفهم تانى

ودا لوحدو كفاية

هى ديه فعلا يا جماعه فايدة احلى ميزه فى الfacebook يا جماعه انو خلانى الاقى عمرى ما كان يخطر فى دماغى انى هشوفها تانى

**Mido80** · 26-12-2008 09:31 AM

انا شايف اننا بنستعملة بطريقة غير ما الناس برة سواء في اوروبا او امريكا بيستعملوة. لاحظت ان فية ناس بتدخل علي Facebook بحثا عن الصداقات والتشات وناس داخلة عشان تنشر اراء وافكار احيانا بتكون غريبة وناس داخلة عشان تعمل جروبات للنقد لكل شئ وناس بتدخل علية عشان يورينا صورة وهو بيرقص ويغني مع بنات

فالموضوع فعلا غريب بس انا باستخدمة بشكل خفيف لاني ماليش تقل علية

**elassar2010** · 26-12-2008 11:10 AM

بصراحة انا معرفش اتعامل معاة خالص

**elassar2010** · 26-12-2008 11:13 AM

بما ان فيى ناس هنا مش عارفة عنة حاجة وناس تانية فاهمة الموقع والتعامل معاة
ممكن الناس الى بتتعامل معاة تشرح مبادى التعامل معاة او توضع لنا لينك شرح كيفية التعامل مع الفيس بوك
وشكرررررررررررررررا

**enas75** · 26-12-2008 11:17 AM

انا بستعملة بس للتواصل مع الاصدقاء اللي عايشين برة مصر وبدخلة كده كل 10 ايام تقريبا علشان اطمن عليهم

**OlaOsman** · 26-12-2008 11:34 AM

بالنسبة لي هو تقريبا حياتي اليومية.. باعرف أخبار ناس عمري ما كنت هاعرف عنهم حاجة لو الصلة اللي بينا مكالمات و بس.. الفريندز ليست بتاعتي حاليا مقربة على ال 400، انما مش باضيف حد معرفوش.. يعني كل دول ناس أعرفهم؟ أيوه، انما مش كلهم اعرفهم عن قرب.. فيه اللي من أيام الكلية و دورنا على بعض و لقينا بعض.. فيه اللي من شغل سبته من زمان بس فيه ناس محددين حابة اني أعرف أخبارهم و فين أراضيهم و عاملين ايه.. فيه اللي اديتهم كورس مرة واحدة بس، انما همه حابين يفضلوا على صلة.. فيه اللي اشتغلنا مع بعض في عمل خيري و عايزين نعرف بعض أول بأول بالأعمال الخيرية اللي ممكن نتعاون فيها تاني.. فيه كتيييييير اعرفهم عن طريق المنتديات و جمعنا نقاشات كتير و موضوعات كتيرانما صعب نتقابل في الواقع فبنتواصل عن طريق الفيس بوك.. فيه الأقارب اللي برة مصر و مافيش طريقة تخليني أشوف صور ولادهم أول بأول غير الفيس بوك.. طبعا ده غير الأصدقاء اللي برضه صعب أشوفهم بصفة مستمرة بس الفيس بوك بيخليني أشوفهم من خلال صورهم زي صحباتي اللي اتجوزوا و خلفوا و خروجهم ما بقاش سهل زي الأول. و فيه كمان زمايلي في الفرق التنموية زي زدني و الأكاديمية الإسلامية و بيان و روح و غيرهم اللي بتواصل معاهم عن طريق الفيس بوك برضه.

كل ده فيما يخص الناس، اما فيما يخص الأنشطة المختلفة فحدث و لاحرج.. كل حاجة تقدر تعلن عنها من خلال الفيس بوك و تلم الناس، زي الكورسات و المحاضرات و الزيارات الخيرية. كل ده من خلال اختراع جميل اسمه الفيس بوك

طبعا كل حاجة في النت سلاح ذو حدين.. كل حاجة حتى المواقع الدينية.. ممكن تاخد منها كلام يخدم الدين و ممكن يوصلك منها كلام لا يخدم الدين في أي شئ، بل و يطلع منها أفكار هدامة بإسم الدين و لكنها لا تمت للدين بصلة. المهم اننا احنا اللي يبقى في إيدنا الريموت.

**ibrahimsaad** · 26-12-2008 01:23 PM

المشاركة الأصلية كتبت بواسطة دموع الثلج

مش عارررررررفه حاااسه انى ااجهل مخلوق بالفيس بوك ده

صحيح عندى اشتراك بالفيس بووك لكن علاقتى بالمدعو الفيس بوك تماما مثل علاقتى باللغه الصينيه

هههههههههههههههه

يعنى مش انا لوحدى

الحمد لله

**essam_virus** · 26-12-2008 06:36 PM

[quote=Bossy_Fadl;563853]

انا بقي مبستخدموش خالص

و لا اعرف عنه اي حاجة

لا هو و لا اي موقع تاني من مواقع التعارف دي

مع اني كل الناس اللي اعرفها ليها اكاونت علي الفيس بوك

بس بصراحة انا مبقتنعش بيه

اختي بتيجي تقولي انها ممكن تشوف واحده في الكلية و تعرفها من صورها علي الفيس بوك

و ناس تسال بعضها

مش انتي اللي الاكاونت بتاعك كذا

مش انتي اللي متصورة مع كذا

لانه للاسف برضه مش مقفول و محكوم بما فيه الكفايه و اي عضو ممكن يوصل لصور عضو تاني عن طريق الكومنتس

و ده طبعا شيء مش لطيف علي الاطلاق

مينفعش ابقي بنت و الناس تشوف صوري عيانا بيانا و يعرفوني كمان كأني الهام شاهين مثلا

بالنسبة للشباب يمكن الموضوع عادي لاننا في مجتمع شرقي

و بغض النظر عن الصور او لا

برضه ايه الفايده من اني ادخل اشيت مع صحابي او غيرهم

ما الايميل موجود و بيديني مساحتي من الخصوصية ان محدش غريب يكلمني

هو بس الكويس فيه انه احيانا فعلا بيوحد الناس في أرائهم و افكارهم

و اغلب الحملات اللي اتنشنت في الوقت الاخير كانت عن طريقه

فعشان كده بعتبره mixed blessing

عندك حق انا برده مش بحبه خالص انا صحيح عندي اكونت عليه بس مش بخش عليه خالص

**pro_samir** · 26-12-2008 08:13 PM

انا مدخلتوش غير مرات معدودة وبرضو حاسس انة لية طريقة استخدام انا مش عارفها
يعنى زيكم برضو حاسس انى مبعرفش استخدمة

مش مستظرفة خالص الموقع دة

الموضوع: ايه مدى استخدامك للـ facebook ؟؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

هام لمالكي السيارة f3 : ما هو تقيمك الفعلي للسيارة من خلال استخدامك

هام لوحوش اللوجان : ما هو تقيمك الفعلي للسيارة من خلال استخدامك

no more facebook

Old FaceBoOk

best groups on Facebook

الكلمات الدلالية لهذا الموضوع

المفضلات

المفضلات

ضوابط المشاركة