عرض للطباعة
مش عارف والله الفيس بوك خد الشهره الرهييييبه دى ليه كده مع انى على حد معرفتى يعنى انه موقع الناس بتاخد ايميلات بعض ويشيتو بعد كده يا اما عليه برضه او على ياهو ..... مع ان نفس الفكره وكل حاجه على ال hi 5 وفى ناس كتييير اوى مش عارفاه
انت بقى بتستخدمه ازاى؟؟؟؟:majd(4):
تصدق كان نفسى أسأل السؤال ده
بس خوفت لأكون أنا الوحيد اللى مش عارف أن له استخدامات أكتر من كده
ياريت لو حد يعرف استخدامات تانية يقولنا
مفيش .. الـfacebook ده ذو حدين اكيد
و انا عن نفسي بستخدمه قليل .. يعنى افتح اغير الـstatus بتاعتى ... اعمل comment على wall اى حد من صحابى او اي صورة مثلا من صور صحابي ...
عملت جروب تبع الكلية ... معظم زمايلى موجودين عالجروب ده حوالى 20 عضو .. افضل شئ اننا بنكون على تواصل على طول من خلال الجروب .. ( قسم إدارة اعمال - تجارة انجلش المنصورة :D .. )
ممكن عن طريق الـface book اتواصل مع صحابى الأناتييم اللى كانوا معايا فى المدرسة .. وكدا بقى :)
انا برضو بستعمل ال hi5 ومش عاجبني face book
انا عن نفسى شايف انو ممتاز
لانو بيخليك تلاقى ناس عمرك ما تتخيل انك كنت هتشوفهم تانى
ودا لوحدو كفاية
مش عارررررررفه حاااسه انى ااجهل مخلوق بالفيس بوك ده
صحيح عندى اشتراك بالفيس بووك لكن علاقتى بالمدعو الفيس بوك تماما مثل علاقتى باللغه الصينيه
وانا كمان للاسف عندى اشتراك بس عشان يبقى اسمى عندى اكونت عليه بس
يعنى هو دا سبب انتشاره للدرجه دى؟؟؟اقتباس:
لانو بيخليك تلاقى ناس عمرك ما تتخيل انك كنت هتشوفهم تانى
عن نفسى انا شايف انه مالوش اى لازمه بجد الفيس بوك دا وانه واااااخد اكبر من حقه اوى ( لحد دلوقتى معلوماتى عنه انه للشات والتلاقى بالصحاب بتوع زمان ) وانا كنت قولت كده فعلا زمان بس صحابى كانو بيقولولى عشان انت مش داخل فيه اوى حاولت اتعمق زهقنى وحسيت انى تاااااااااايه
وانا فعلا سمعت كده اكتر من مره زى مثلا انه بيشجع الاباحيه (( ازاااااااااى برضه معرفش )) بس معتقدش انى اضيف ايميل واحده بنت واشيت معاها انها توصل للاباحيه واعرف برضه انه مش من المواقهع اللى بتنزل افلام اباحيه او.....الخاقتباس:
الـfacebook ده ذو حدين اكيد
يا ريت يا جدعان اللى فاهم الفيس بوك اوى وعنده وقت يشرحه للغلابه اللى زيى:shyy::shyy:
الفيس بوك اذا احسن استخدامه بيبقي شيء ممتع للغاية ومفيد بدرجه كبيرة جداااا....
ولو كان استخدامه سيء بيبقي شيء ممل ومكروه جدا ...
اقتباس:
المشاركة الأصلية كتبت بواسطة tottiti
انا بقي مبستخدموش خالص:C_laugh[1]:
و لا اعرف عنه اي حاجة
لا هو و لا اي موقع تاني من مواقع التعارف دي
مع اني كل الناس اللي اعرفها ليها اكاونت علي الفيس بوك
بس بصراحة انا مبقتنعش بيه
اختي بتيجي تقولي انها ممكن تشوف واحده في الكلية و تعرفها من صورها علي الفيس بوك
و ناس تسال بعضها
مش انتي اللي الاكاونت بتاعك كذا
مش انتي اللي متصورة مع كذا
لانه للاسف برضه مش مقفول و محكوم بما فيه الكفايه و اي عضو ممكن يوصل لصور عضو تاني عن طريق الكومنتس
و ده طبعا شيء مش لطيف علي الاطلاق
مينفعش ابقي بنت و الناس تشوف صوري عيانا بيانا و يعرفوني كمان كأني الهام شاهين مثلا
بالنسبة للشباب يمكن الموضوع عادي لاننا في مجتمع شرقي
و بغض النظر عن الصور او لا
برضه ايه الفايده من اني ادخل اشيت مع صحابي او غيرهم
ما الايميل موجود و بيديني مساحتي من الخصوصية ان محدش غريب يكلمني
هو بس الكويس فيه انه احيانا فعلا بيوحد الناس في أرائهم و افكارهم
و اغلب الحملات اللي اتنشنت في الوقت الاخير كانت عن طريقه
فعشان كده بعتبره mixed blessing
بالنسبة لحوار الصوراقتباس:
المشاركة الأصلية كتبت بواسطة Bossy_Fadl
مش متأكد بس فى حاجة فى الـ privacy overview من خلالها بتمنعى حد يشوف الصور حتى ولو عن طريق الـ comments! انا مش متأكد بس بتهيألى لما كنت بقلب فيه شفت حاجة زى كدا
يا شباب الفيس بوك ده ممكن يبقى أي حاجة إنت عايزها ... عايزه بديل لل-email ممكن ... بديل للشات ممكن .... موقع ديني ممكن .... موقع اباحي ممكن .... موقع لالعاب الكمبيوتر ممكن ... موقع للرياضة ممكن ...أي حاجة و كل حاجة
فيه حاجة اسمها applications على البتاع ده .... اللي عايزه حتلاقيه أنا شخصيا منزل application قران كريم بتلاوات مختلفة ... و واحدة بحث عن الأحاديث الشريفة ... واحدة لمشجعي مان يونايتد و متابعة أخبار الفريق ...واحدة رباعيات صلاح جاهين ... واحدة لاخبار السيارات العالمية
فيه حاجة تانية اسمها groups لو اشتركت فيها ممكن تتابع حاجات زاي أخبار الشخصيات السياسية العالمية ... نجوم الفن و الرياضة .... وصفات آكل ... أخبار البورصة ... تقريبا أي حاجة إنت عايزها ...و طبعا أخبار أصحاب المدرسة القدام و أصحاب الكلية و مكان العمل و البلد اللي إنت عايش فيه
إل privacy settings ممكن تتظبط زاي ما أنت عايز لو عايز ممكن ما حدش يعرف أصلا انك موجود على الفيس بوك و لا يوصل لاي معلومات عنك و لا يشوف صورك
هى ديه فعلا يا جماعه فايدة احلى ميزه فى الfacebook يا جماعه انو خلانى الاقى عمرى ما كان يخطر فى دماغى انى هشوفها تانىاقتباس:
المشاركة الأصلية كتبت بواسطة Busquets
انا شايف اننا بنستعملة بطريقة غير ما الناس برة سواء في اوروبا او امريكا بيستعملوة. لاحظت ان فية ناس بتدخل علي Facebook بحثا عن الصداقات والتشات وناس داخلة عشان تنشر اراء وافكار احيانا بتكون غريبة وناس داخلة عشان تعمل جروبات للنقد لكل شئ وناس بتدخل علية عشان يورينا صورة وهو بيرقص ويغني مع بنات
فالموضوع فعلا غريب بس انا باستخدمة بشكل خفيف لاني ماليش تقل علية
بصراحة انا معرفش اتعامل معاة خالص
بما ان فيى ناس هنا مش عارفة عنة حاجة وناس تانية فاهمة الموقع والتعامل معاة
ممكن الناس الى بتتعامل معاة تشرح مبادى التعامل معاة او توضع لنا لينك شرح كيفية التعامل مع الفيس بوك
وشكرررررررررررررررا
انا بستعملة بس للتواصل مع الاصدقاء اللي عايشين برة مصر وبدخلة كده كل 10 ايام تقريبا علشان اطمن عليهم:ma(36):
بالنسبة لي هو تقريبا حياتي اليومية.. باعرف أخبار ناس عمري ما كنت هاعرف عنهم حاجة لو الصلة اللي بينا مكالمات و بس.. الفريندز ليست بتاعتي حاليا مقربة على ال 400، انما مش باضيف حد معرفوش.. يعني كل دول ناس أعرفهم؟ أيوه، انما مش كلهم اعرفهم عن قرب.. فيه اللي من أيام الكلية و دورنا على بعض و لقينا بعض.. فيه اللي من شغل سبته من زمان بس فيه ناس محددين حابة اني أعرف أخبارهم و فين أراضيهم و عاملين ايه.. فيه اللي اديتهم كورس مرة واحدة بس، انما همه حابين يفضلوا على صلة.. فيه اللي اشتغلنا مع بعض في عمل خيري و عايزين نعرف بعض أول بأول بالأعمال الخيرية اللي ممكن نتعاون فيها تاني.. فيه كتيييييير اعرفهم عن طريق المنتديات و جمعنا نقاشات كتير و موضوعات كتيرانما صعب نتقابل في الواقع فبنتواصل عن طريق الفيس بوك.. فيه الأقارب اللي برة مصر و مافيش طريقة تخليني أشوف صور ولادهم أول بأول غير الفيس بوك.. طبعا ده غير الأصدقاء اللي برضه صعب أشوفهم بصفة مستمرة بس الفيس بوك بيخليني أشوفهم من خلال صورهم زي صحباتي اللي اتجوزوا و خلفوا و خروجهم ما بقاش سهل زي الأول. و فيه كمان زمايلي في الفرق التنموية زي زدني و الأكاديمية الإسلامية و بيان و روح و غيرهم اللي بتواصل معاهم عن طريق الفيس بوك برضه.
كل ده فيما يخص الناس، اما فيما يخص الأنشطة المختلفة فحدث و لاحرج.. كل حاجة تقدر تعلن عنها من خلال الفيس بوك و تلم الناس، زي الكورسات و المحاضرات و الزيارات الخيرية. كل ده من خلال اختراع جميل اسمه الفيس بوك :Ta_clap[1]:
طبعا كل حاجة في النت سلاح ذو حدين.. كل حاجة حتى المواقع الدينية.. ممكن تاخد منها كلام يخدم الدين و ممكن يوصلك منها كلام لا يخدم الدين في أي شئ، بل و يطلع منها أفكار هدامة بإسم الدين و لكنها لا تمت للدين بصلة. المهم اننا احنا اللي يبقى في إيدنا الريموت.
ههههههههههههههههاقتباس:
المشاركة الأصلية كتبت بواسطة دموع الثلج
يعنى مش انا لوحدى
الحمد لله
[quote=Bossy_Fadl;563853]
انا بقي مبستخدموش خالص:C_laugh[1]:
و لا اعرف عنه اي حاجة
لا هو و لا اي موقع تاني من مواقع التعارف دي
مع اني كل الناس اللي اعرفها ليها اكاونت علي الفيس بوك
بس بصراحة انا مبقتنعش بيهاختي بتيجي تقولي انها ممكن تشوف واحده في الكلية و تعرفها من صورها علي الفيس بوك
و ناس تسال بعضها
مش انتي اللي الاكاونت بتاعك كذا
مش انتي اللي متصورة مع كذا
لانه للاسف برضه مش مقفول و محكوم بما فيه الكفايه و اي عضو ممكن يوصل لصور عضو تاني عن طريق الكومنتس
و ده طبعا شيء مش لطيف علي الاطلاق
مينفعش ابقي بنت و الناس تشوف صوري عيانا بيانا و يعرفوني كمان كأني الهام شاهين مثلا
بالنسبة للشباب يمكن الموضوع عادي لاننا في مجتمع شرقي
و بغض النظر عن الصور او لا
برضه ايه الفايده من اني ادخل اشيت مع صحابي او غيرهم
ما الايميل موجود و بيديني مساحتي من الخصوصية ان محدش غريب يكلمني
هو بس الكويس فيه انه احيانا فعلا بيوحد الناس في أرائهم و افكارهم
و اغلب الحملات اللي اتنشنت في الوقت الاخير كانت عن طريقه
فعشان كده بعتبره mixed blessing
عندك حق انا برده مش بحبه خالص انا صحيح عندي اكونت عليه بس مش بخش عليه خالص:w6266d
انا مدخلتوش غير مرات معدودة وبرضو حاسس انة لية طريقة استخدام انا مش عارفها
يعنى زيكم برضو حاسس انى مبعرفش استخدمة
مش مستظرفة خالص الموقع دة
+11111111111اقتباس:
بما ان فيى ناس هنا مش عارفة عنة حاجة وناس تانية فاهمة الموقع والتعامل معاة
ممكن الناس الى بتتعامل معاة تشرح مبادى التعامل معاة او توضع لنا لينك شرح كيفية التعامل مع الفيس بوك
وخصوصا بعد الحاجات الى ذكرها dj_cairo بجد زاد اهتمامى انى اعرف الحاجات دى بتبقى ازاى
اول حاجة بفتحها هي
nilemotors
filgoal
تقريبا الفيسبوك زي متقولوا كدة قرب البعيد
ناس ولا عمري كنت اتخيل اني حسمع عنهم تاني لقيتهم و كلمتهم و عرفت اخبارهم و عرفوا اخباري و رجعنا نتواصل تاني
لقيت جروب باسم المدرسة بتاعتي دخلت و بصيت علي الاعضاء لقيت صحابي بتوع زمان و الجروب دة تتطور قوي و عمل تجمع و حفلة كدة في المدرسة و الناس كلها كانت موجودة و شوفنا بعض تاني و استعدنا ذكريات زمان و حتي احمد السقا كان موجود و اتصورنا معاة, اعتقد من غير الفيسبوك مكانش اي حاجة من دية حتخرج للنور سيبك كنا حنلاقي بعض ازاي اصلا
صحابي بقي اللي كانوا معايا في الجيش و شغلي القديم و الكلية بقدر اتابع اخبارهم اول باول عن طريق الصور اللي بيتعملها بوست منهم
مين اتجوز و مين سافر و مين حتي لاقدر الله توفي
دة حتي ممكن من جوة الفيس بوك تعمل بوست لحدث و تبعتة لعدد معين من الاصدقاء بتوعك او حتي ليهم كلهم زي خطوبتك او كتب كتابك او حتي رحلة
و كذا مرة تجيلي دعوة زي دية و هي بتوفر وقت و مجهود جامد
اهم ما يميزة عن غيرة من المواقع بقي (زي HI5 مثلا) ال privacy settings
و دية عن طريقها ممكن تتحكم في اي حاجة انت عاوزها
مين ممكن يشوفك في عملية بحث و حتي الطريقة التي سوف يستطيع ان يراك بيها و مثلا هل يستطيع ان يري صورتك ام لا و هل يستطيع ان يري بياناتك ام لا و حتي الكومينتس اللي ممكن تفتح صورك لحد لا تعرفة ممكن التحكم فيها
اي حاجة ممكن تتخيلها ممكن التحكم بيها و الخاصية دية بالذات في راي الشخصي هي اللي ساعدت علي الانتشار الرهيب لهذا الموقع
بجد اللي فكر ان الموقع غير مجدي و لم يحاول سبر اغوارة يا ريت بفكر ثانيا و ميش حيندم:shine[1]::w6266d
شوف ديه كده و لو عايز أي سؤال اتفضلاقتباس:
المشاركة الأصلية كتبت بواسطة tottiti
http://www.new.facebook.com/profile....1481200&ref=mf