دعوها تصدي الجمارك سرقه كبرى

**memo_p910** · 26-12-2008 08:47 AM

ههههههههههه المصريين معظمهم مغفلين الحكومه هي السبب في اسعار السيارات بسبب الجمارك الرهيبه وليس التجار لازم تعرفوا ده ومقاطعة الشراء هايخرب بيت الحكومه وسنجبرها على النزول باسعار الجمارك التي لا يمكن تفسيرها سوى انها اغتصاب علني وسرقه كبرى لجيوب المصريين الطيبين ياعالم في دوله بتحط جمرك 135% ايه الافترى ده دا الدول التانيه بتنفق المليارات لدفع الاقتصاد مش تفرض جمارك 55% و 135% نا معا التغيير يكون يايدينا

((دعوها تصدي))

**yehia** · 26-12-2008 04:43 PM

عندك حق فى كل كلمة بتقولها... لما تبقى عربية ثمنها الأصلى فى حدود 30 ألف دولار زى فولفو اس 80 يبقى المفروض تمنها بالمصرى من غير جمارك فى حدود 165 ألف جنيه على أساس الدولار ب 5.5 جنيه.. وده كله قبل الأزمة الاقتصادية العالمية... أما العربية دى تتباع فى مصر بعد الجمارك والرسوم وجشع التجار والذى منه بحوالى 750 ألف جنيه..ده طبعا غير رسوم ترخيصها فى المرور ب 2% سنويا من ثمنها فى مصر...... بالذمة ده يبقى اسمه ايه ؟!!!!

**dr_abooody** · 26-12-2008 06:44 PM

الجمارك لازم تتشال

حرام يا جدعان دة الدول اللي بتشحت زي الصومال مش بتحط جمارك بالشكل الفظيع دة

و الحكومة تحجج ان الدنيا زحمة و لو شيلنا الجمارك الدنيا هتبقى زحمة
دة حجة باطلة طبعا
لأن اللي عايز يجيب عربية هيجيب
فبدل ما يجيب مستعملة 128 مثلا يجيبلة هيونداي فيرنا جديدة و هتكون اامن من ال 128 و مش هتعطل الدنيا
الفرنا برة جديدة بتعمل 5 الاف دولار
يعني 25 الف جنية شاملة 5 % جمارك و مكسب التجار اللي مش بيزيد عن 10 %

و لا الشيفورلية سبارك يا جماعة شايفها و في موقع ب 3000 دولار جديدة
يعني 15 الف جنية
امال ب 50 الف لية
يعني بندفع فلوس جمارك و مكسب تجار اكتر من تمن العربية نفسة

**akram2025** · 26-12-2008 11:44 PM

فعلا حاجة تقرف و تخلي الواحد هايجنن... الحكومة بتكسب في العربيات أكتر من المصنع نفسه اللي صنعها!!!
علشان ايه مش فاهم!!!
بس الموضوع مش جمارك و بس!! دي حاجة صغيرة جدا من المصايب اللي الواحد بيشوفها و بتحصل فينا..
هل قرار المقاطعة تفتكروا هيأثر على الحكومة إنها تنزل الجمارك!! مافتكرش..
ده على فرض إن المقاطعة هتنجح!!
أفضل حاجة كلنا نقوم نصلي الفجر و ندعي ربنا ياخد الحكومة دي..
معلش قلبت سياسة شوية بس الواحد هيطق من اللي بيشوفه...

**جمال** · 27-12-2008 12:52 AM

المشاركة الأصلية كتبت بواسطة akram2025

أفضل حاجة كلنا نقوم نصلي الفجر و ندعي ربنا ياخد الحكومة دي..
..

حاطط التوقيع بقالى مده و مافيش فايده
واضح ان الحكومة متحجبة

**itsonlyme** · 27-12-2008 02:09 AM

طيب والعربيات المجمعة محليا؟ المكونات المصرية اكتر من 40% والجمارك على المكونات المستوردة مش زي الجمارك على العربية المستوردة.

ده حتى في ناس في المنتدى بتقول أنه مفيش جمارك على المكونات المستوردة. في كمان أخ في المنتدى بيدعي أن تكلفة العربية الفرنا المجمعة في مصر على سبيل المثال 35 ألف. لو الكلام ده صحيح يبقى جشع المُجمِعين والتجار هو السبب.

**محمد فريد** · 27-12-2008 03:02 AM

العربية اللانوس2 بتتباع فى السعودية ب 4000 الاف ريال مستعملة ومبيرضاش حد يركبها بيفضلوا الامريكى
انا خالى بايع عربيته شيفروليه كابرس موديل ثمانينات ب 700 ريال قبل ماييجى مش احنا لسه بنركب 124 و ال1100 وال133

**memo_p910** · 27-12-2008 10:52 AM

شكرا لكل الي ردوا على الموضوع لكن عايزين نناقش الموضوع بشكل اوسع لابد من حل جماعي لاجبار الحكومه على خفض المصيبه الكبيره الي اسمها الجمارك والله انا معايا فلوس اشتري عربيتين مش عربيه واحده ورافض الشراء لاني لا ارضى اني اتسرق بالشكل ده انا هاجيبلكم صوره من جريدة الوسيط السعوديه علشان تشوفوا الاسعار بره عامله ازاي يوم الجمعه الي فات البيجو 406 موديل 2001 ب 3900 ريال يعني مش مكمله 4000 ريال حتى

**memo_p910** · 27-12-2008 10:56 AM

فعلا حاجة تقرف و تخلي الواحد هايجنن... الحكومة بتكسب في العربيات أكتر من المصنع نفسه اللي صنعها

فعلا حكومتنا الرشيده بتكسب في العربيه بالسرقه اكتر من الناس العلماء الي تعبوا في اختراع العربيه وسهروا الليالي في تصنيعها

-

الموضوع: دعوها تصدي الجمارك سرقه كبرى

LinkBack

أدوات الموضوع

عرض

-

-

-

-

المواضيع المتشابهه

وجهة نظر بسيطة "جاء وقت السيارات الصينى فأبتعدوا عن الطريق و دعوها تمر"

مكافاة كبرى

مفاجاة كبرى للوجانية

يا أهل مصر ويا أهل غزة:"دعوها فإنّها منتنة"

الكلمات الدلالية لهذا الموضوع

المفضلات

المفضلات

ضوابط المشاركة