انا استلمت عربيتي الفيرنا من اسبوع ودلوقتي عامل حوالي 1400 كيلو
الصراحه العربيه مش وحشه بس التقفيل المصري مش عاجبني
حد ممكن يقولي اول صيانه بتيقي امتي؟؟
وكمان تنكها بيعمل حوالي 450 كيلو فهل دا كويس؟
وهي تنكها 40 ولا 45؟؟
عرض للطباعة
انا استلمت عربيتي الفيرنا من اسبوع ودلوقتي عامل حوالي 1400 كيلو
الصراحه العربيه مش وحشه بس التقفيل المصري مش عاجبني
حد ممكن يقولي اول صيانه بتيقي امتي؟؟
وكمان تنكها بيعمل حوالي 450 كيلو فهل دا كويس؟
وهي تنكها 40 ولا 45؟؟
1000 مبروك العربية ياباشا
ربنا يباركلك فيها ويعطيك خيرها ويكفيك شرها
بخصوص اول صيانة بيتهيألى انها بعد ال1000ك
وتنكها45لتر
ومعاك ان التقفيل المصرى مضروب بالنار
الف الف مبروك
وربنا يديك خيرها ويكفيك شرها ودايما تعينك علي الخير
بس هو ايه اللي مضايقك في تقفيلها؟؟ يعني ايه ملاحظاتك والعيوب اللي لقيتها؟؟
وهل يا تري الدركسيون بيتحرك ولا ثابت؟
الف مبروك عليك
ربنا يديك خيرها ويكفيك شرها
اول صيانه من 1000 الى 1500كم
فترة التليين استهلاك البنزين فيها بيكون عالى فمتقلقش لان بعد الصيانه الاولى كل ده بيتظبط
عندى متوسط الاستهلاك 20 لتر = 280 كم الى 290 كم
وداخل المدينة 20 لتر = 260 الى 270
بالنسبه للتقفيل المصري
اولا تحس ان العربيه واحد مقفلها علي ايدو مش متقفله في مصنع كويس
بنط الللحام مثلا في الابواب ظاهره اوي بغباء
الحاجات الصغيره مثلا زي الشماعات الاغطيه بتاعتها وقعت وكذلك بيبقي فيه كفر احمر علي كابلات البطاريه دي كمان وقعت
والكاسيت فيها كاسيت رود ستار مفيش يومين وكان ضارب باور ووديتو يتصلح
حاجات كتير كده مع الوقت بتاخد بالك منها
اي نعم هي حاجات صغيره بس تنرفز
بالنسبه للدلكسيون كويس ومش بيتحرك
وانا شايف ان الباور بتاعها كويس مس وحش
بس اسوا مافيها الشكمان الغبي بتاعها
شكله فظيع وهو اللي بيحك في المطبات ووضعيته كمان غبيه تحش انو شكمان عربيه من الستينات
السلام عليكم
أولا: ألف مبروك على العربيه وربنا يديك خيرها ويكفيك شرها
ثانيا: أنا سبقتك وجيبت الفيرنا 2009 كامله مانيوال - وعامله دلوقتي 3000 كيلو
ملاحظاتي عليها: بتعمل 240 كيلو ب 20 لتر بنزين 92 داخل القاهرة - الدريكسيون بيتحرك (العربيه فول أوبشن) - االفوانيس الأماميه والأكصدام الأمامي محترم جدا لأني خبطت في عربيه بسرعه ونزلت ملاقيتش فيه أي حاجه الحمد لله - العربيه ينقصها المرايات الكهربائية وفوانيس الشبوره أللي أنا مفتقدهم جدا
لتقفيل المصري عيوبه عندي في: اللحامات فعلا ظاهره جدا - التقفيل الداخلي للفرش سيء للغايه كل يوم حاجه تفك منه - الفرامل عندي ضعيفه وهاحاول أظبطها إن شاء الله في صيانه ال5000 - الجنوط والكاوتش طبعا مصري وأدائهم سئ الكاوتش بيصرخ مع كل فرمله بسيطه
التعديلات اللي ناوي أعملها: طقم جنوط 14 مع كاوتش كويس - إضافة فوانيس الشبوره - تركيب كسوة داخليه
الف شكر علي الرد وربنا يباركلك فيها
الشكمان ده انتاج مصنع ابو اليزيد وتمنه رخيص جدا ممكن تغيره لو حبيت بكوري بس انا منصحكش هو كده كده رخيص اخبطه براحتك وبعد كده ابقي غيره في الضمان
الحاجة التانية انا بيتهيالي ان الدركسيون عندك المفروض يتحرك هي مش عربيتك فول ابشن؟
شكرا لردك وغالبا هاستنى لحد ما الكاوتش يهلك خالص وبعدين أرغيره وأركب جنوطاقتباس:
شكرا علي توضيحاتك بخصوص عيوب التقفيل وياريت لو في حاجة ظهرت تقولنا
بانسبة للكاوتش يا امي تستني اما يهلك خالص او تغيره دلوقتي علشان بتاع الكوتش ممكن يشتري منك اللي راكب بسعر كويس مدام جديد ثانيا لو حتحط فرش جديد نصيحة بلاش جلد
بس عندي سؤال: ليه بلاش الفرش الجلد ؟!
اولا الف مبروك يا باشا على العربية وربنا يكفيك شرها ويديك خيرها ويحفظهالك
ثانيا انا خلاص حجزت العربيه وإن شاء الله هستلمها خلال اسبوع ياريت اعرف ايه اول حاجه اخلى بالى منها انا حجزتها فول ابشن مانيول والدركسيون بيتحرك مش ثابت .
1000 مبروك العربية
الجلد الصناعي بيسخن الكراسي جدا جدا في الحر وبعد فترة بيشقق ومش بيعيش مهما كان نوعه
الجلد الطبيعي غالي جدا جدا وغلبا بيكون محلي وعايز صنيعي شاطر وبرده بيبقي فيه مشكلة مع المية والرطوبة ولونه بيتغير مع العرق وتنظيفه صعب ولو غامق لونه حيطلع في هدومك الفاتحة
والمستورد الكويس حيدخلك في حسبة ضخمة حوالي 5000 جنيه
وعمره الافتراضي برده 3 سنوات
علشان كده انا افضل انك تجيب قماش كويس يكون سميك علشان ميتقطعش وخشن علشان متتزحلقش من عليه في الملفات وقوي ومقاوم للاتساخ والاتربة ولو تفصيل حيديك نتيجة افضل كتيييييييييييير من الجاهز خصوصا لو الصنيعي كويس وممكن تنقي خامة مقاربة للي موجود في العربيات الالماني
اما الجاهز فمعظمه منظر بس ويمكن يكون اسوا من اللي راكب في العربية
أولا الف مبروك على العربية وتاخد خيرها في الخير ويكفيك شرها وشر عيون الحاقدين والحاسدين ,,, قولوا أمين
العربية جميلة جدا وعايزك توف الموضوع ده يارب تعجبك ولو حبيت تستفسر عن اي حاجه انا في خدمتك انت واعضاء نايل موتورز كلهم
انا اسف نسيت اللينك
http://www.nilemotors.net/Nile/showthread.php?t=52410
الف مليون مبروك:satelite:
1000 مبروك
هي ديه مشكلة التقفيل المصري
الف مبروك و عايزين رأيك فيها بعد 3000 كم
بعد حوالي 3000 كم للفيرنا
تسارع العربيه اصبح اقل بكتير ا
صوت العربيه اصبح اعلي من الاول
استهلاك البنزين زي ماهو 200 كم لكل 20لتر مع ان المفروض ان المعدل بتحسن شويه
الشنطه مبقتش تفتح وتقفل بسهوله زي الاول
وطبعا اداء سيء للكاوتش
لما بلامس اجزاء معدنيه بتكهرب بس كهربه خفيفه سالت عليها قالي من استخدام الموبايل كتير في العربيه
هي دي تقريبا المشاكل
في كمان حاجه عايز اسال فيها؟؟
بعد مبطل العربيه بسمع صوت فيها كده زي تاك تاك مش عارف الصوت دا من ايه
نفس المشاكل تقريبا عندي
أنا عامل حوالي 3700 كم
صوت الموتور أعلى من الأول
أستهلاك البنزين زاد عن الأول كنت بعمل في الأول 240 كم لكل 20 لتر بنزين 92 ودلوقتي بتعمل 220 بس (داخل القاهره) :Copy of majd(4):
وطبعا الكاوتش أدائه سيء للغايه
أعتقد أن تسارع العربيه وصوت الموتور بيفرق كتير مع البنزين اللي فيها لأني مره حطيت بنزين من محطه أول مره أتعامل معاها ولاقيت صوت الموتور أعلى والسحب قل عن الأول وكان فيه كركره مع التاني ولما خلصته ورجعت للمحطه أللي أنا متعود أحط منها رجعت تاني لمستوى أدائها على طول مع العلم أن المرتين كان بنزين 92
الف مبروك لحضرتك ...
و يا زين ما اخترت :)
العربية تنكها 45 لتر
استهلاك البنزين مقدرش افيدك فيه بصراحة لكن اللى اعرفه ان العربية لما تكون بتلين بيكون استهلاكها للبنزين اعلى ... يعنى ممكن تقدر بعد ال5000 كدا ..
اول صيانة المفروض عند ال1000 كم :)
طبعا موضوع التقفيل المصري هو العيب االلى فى العربية فى رأيي .. لكن غير كدا العربية حلوة و ناعمة و ابعادها مريحة جدا للتعامل .. خاصة لما تكون لسة سواق جديد ( زي حالاتى كدا )
و ربنا يبارك لنا كلنا إن شاء الله
انا شايف ان الفيرنا نجحت في مصر رغم الملاحظات الللي فيها لكنها في هذه الفئه السعريه هي من احسن الاختيارات الموجوده