الموضوع: لو سمحتم انا محتاج مساعدتكم ضروري وبسرعه

السلام عليكم ورحمة الله وبركاته

انا دي اول مشاركه ليا بس انا مشترك هنا من زمان
بس اتمنى فعلا اكون صديق ليكم وخاصة اني فعلا شوفت روح خفيفه فعلا بين الأعضاء

المهم انا هتعبكم معايا شويه في اول مشاركاتي

أنا من المنصوره ومعايا عربيه حقيره شويه 132 2000 سي سي موديل 80

المهم انا كنت عملت بيها حادثه وهيا دلوقتي بتتشد وهيا خلاص خلصت بس فاضل تقفيل الأبواب والكهرباء والفرش

المهم انا محتاج مساعدتكم ومقترحاتكم في تعديلها من ناحية الفرش والفوانيس

أنا عاوز اعملها فرشد جامد هيا لعربيه لونها اخضر فا ايه افضل لون يكون جوه واعمله فين في القاهره ولا في بورسعيد ولا في المنصوره
ولو حد يعرف تكلفته قد ايه مع تعديل الكراسي لأماميه لكراسي طياره ياريت تساعدوني في الموضوع ده مين كويس واسعاره حدودها ايه عشان اول مره اعمل الحوار ده ومش عاوز يضحك عليا

تاني حاجه عاوز اعدل الفوانيس اللي ورا واعلمها ليدات هل ينفع ول تنفع تنفع تتعمل على لفانيس القديمه ولا لازم اجيب فوانيس جديده وبتتعمل فين في المنصوره وفين في بورسعيد وفين في مصر ولو حد عنده معلومه عن اسعارهم
اكون شاكر ليه جدا

كمان حاجه تالته واخيره واسف على التطويل كنت عاوز اشتريلها شوية حاجات ليه زي اكصدامات ومكن كهرباء للزجاج الخلفي وجهاز انذار وسنتر دول اجيبه من بورسعيد ولا من القاهره انه ارخص وافضل مع العلم انهم عندنا في المنصوره الضعف عن القاهره


أتمنى مساعدتكم واقتراحتكم واللي يقدر يساعندي ممكن يحط رقم تليفونه وانا هتصل بيه

وشكرا ليكم جدا جدا جدا واسف على التطويل