ماذا أشتري مستعمل في حدود ال 35 ألف؟ مش عارف أقارن

السلام عليكم

الحقيقة انا ناوي أشتري سيارة مستعملة في حدود المبلغ المتوافر وهو 35 ألف.. والعربية اللي عاوزها تكون حاجة صغيرة مش كبيرة موديل في أواخر أو منتصف التسعينات.. هاتش باك مفيش مشكلة.. وتكييف ( مش مهم باور ولا سنترلوك ولا ازاز كهربا ) وسيسي بين 1000 و 1300 عشان البنزين

اللي شوفته في الشوارع بمواصفات الحجم ده وشكله عجبني:

1- أوبل كورسا
2-سيات ابيزا
3-فولكس بولو
4-سكودا فليشيا ( الي شنطتها صغيرة عشان فيه اتنين شبع بعض واحدة شنطتها كبيرة وطويلة شوية )

وبالبحث وجدت ان سعرهم يكاد يكون في مستوي ال 35 ألف بس ال فولكس يمكن أغلى شوية ..

ياريت لو حد عنده رأي تاني.. يضيفه..

واللي معندوش خيار تاني... ياترى شايف ايه من الأربعة دول ؟ مين أحسن بفرض الحالة الجيدة للجميع؟
مين هيوفر معايا أكتر.. وصيانته أسهل؟ مين أقوى ويستحمل مشواري (100 كم في اليوم )

مع الأخذ في الاعتبار اني مش جايبها حاجة مؤقتة.. دي حاجة ناوي أجيبها لحد ما ربنا ييسر اني أجيب زيرو.. يعني عاوزها متزهقش مني :d

وجزاكم الله خيرا

المواصفات اللى حضرتك طالبها تجيبلك برضه سوزوكى سويفت اعتماديه جدا وموفره جدا لاستهلاك البنزين او هيونداى اكسيل برضه عربيه كويسه وادائها معقول بس لو حالتهم نضيفه وقطع غيارهم كتير جدا ومش غاليه والميكانيكيه بيفهموا فيهم وحافظينهم
مش عارف ليه مش بايد العربيات الالمانى فى السعر ده خصوصا الشبابى زى الابيزا والكورسا والبولو معظمها بيبقى مع شباب ومتبهدل والالمانى لو فتح بقه مش هتخلص وقطع غياره غاليه لوجود تكنولوجى عالى مش اى حد بيفهم فيه مع انهم فعلا احسم من السويفت والاكسيل بكتير الا لو لقيت واحده حالتها كويسه تمسك فيها
واكيد الزملاء اللى معاهم العربيات دى هيفيدوك فيها





..mokhtar..

ممكن لانوس دلوقتى على فكرة السوق نايم جدا

ممكن لانسر او كورولا

اقتباس:

---

المشاركة الأصلية كتبت بواسطة mokhtar

المواصفات اللى حضرتك طالبها تجيبلك برضه سوزوكى سويفت اعتماديه جدا وموفره جدا لاستهلاك البنزين او هيونداى اكسيل برضه عربيه كويسه وادائها معقول بس لو حالتهم نضيفه وقطع غيارهم كتير جدا ومش غاليه والميكانيكيه بيفهموا فيهم وحافظينهم
مش عارف ليه مش بايد العربيات الالمانى فى السعر ده خصوصا الشبابى زى الابيزا والكورسا والبولو معظمها بيبقى مع شباب ومتبهدل والالمانى لو فتح بقه مش هتخلص وقطع غياره غاليه لوجود تكنولوجى عالى مش اى حد بيفهم فيه مع انهم فعلا احسم من السويفت والاكسيل بكتير الا لو لقيت واحده حالتها كويسه تمسك فيها
واكيد الزملاء اللى معاهم العربيات دى هيفيدوك فيها


..mokhtar..

---

جزاك الله خير والله مش عارف أقولك ايه..
أنا على فكرة مليش في العربيات.. ولا أعرف ايه ألماني وايه كوري وايه ياباني..
واختياري لعربية صغيرة عشان بس أبعادها تبقى مملوكة بالنسبة ليا لأني بسوق جديد.. بس كلامك خلاني أفكر بشكل ايجابي.. اني مش هفضل على طول عاوز عربية من غير شنطة.. أجيبها من دلوقتي وأتعود عليها.. واستفيد بالشنطة

أنا دورت بعد كلامك على السوزوكي و الاكسيل.. ولقيت فئات تانية في نفس السعر.. ايه رأيك في التويوتا ستارليت مثلا لو هتقارنها في الاكسيل والسويفت؟

اقتباس:

---

المشاركة الأصلية كتبت بواسطة Rsarabia

ممكن لانوس دلوقتى على فكرة السوق نايم جدا

---

مش لاقي في حدود السعر ده حاليا غير ماتيز..
أقل لانوس شوفتها ب 38 ألف.. اللانوس عربية حلوة طبعا.. وأنا أمنيتي أساسا أشتريها جديدة.. ولو لقيت منها حاجة مستعملة مش هتردد لأنها العربية الوحيدة اللي عارف امكانياتها عشان ركبتها كتير وليا زمايل كتير عايشين بيها بقالهم سنين بيخبطو فوق ال 100 كيلو في اليوم وهي زي الفل

تفتكر اللانوس قريب توصل ل 35 ألف؟

اقتباس:

---

المشاركة الأصلية كتبت بواسطة ouba2

ممكن لانسر او كورولا

---

ملقيتش في حدود السعر ده كورولا

ارشحلك الابيزا
عربية محترمة جدا وصالونها واسع

... ابيزا الافضل ...
ولو انا فى مكانك هفكر فى سيفيك موديل تمنينات ..

انت ممكن تدور تانى و السوق نايم فعلا
انا واحد اعرفه كان معروض عليه عربيه كريستاله 99 فول اوبشن اوتوماتيك 1600 ب 40 الف جنيه و حالتها ممتازه

اقتباس:

---

المشاركة الأصلية كتبت بواسطة ziohausam

جزاك الله خير والله مش عارف أقولك ايه..
أنا على فكرة مليش في العربيات.. ولا أعرف ايه ألماني وايه كوري وايه ياباني..
واختياري لعربية صغيرة عشان بس أبعادها تبقى مملوكة بالنسبة ليا لأني بسوق جديد.. بس كلامك خلاني أفكر بشكل ايجابي.. اني مش هفضل على طول عاوز عربية من غير شنطة.. أجيبها من دلوقتي وأتعود عليها.. واستفيد بالشنطة

أنا دورت بعد كلامك على السوزوكي و الاكسيل.. ولقيت فئات تانية في نفس السعر.. ايه رأيك في التويوتا ستارليت مثلا لو هتقارنها في الاكسيل والسويفت؟

---

العفو يا باشا احنا كلنا هنا اخوات ونساعد بالنصيحه على قد مانقدر ... دلوقتى بالنسبه لحجم العربيه زى مانت قلت مش هتفضل تركب هاتشباك على طول وعربيه زى السويفت ولا الاكسنت حجمها مش كبير اوى يعنى
بالنسبه للستارليت دى عربيه محترمه جدا كفايه انها تويوتا بس قوللى شوفتها كام مره؟ ولا بتشوفها كل اد ايه ؟ دى مشكلتها انها مش منتشره واكيد ده هيعمل مشكله فى قطع الغيار اعاده البيع ... بالنسبه للانوس والاكسنت ماعتقدش ان 35000 ممكن دلوقتى يجيبوا منهم حاجه نضيفه ممكن لو فى اواخر التلاتينات وتبقى كمان حالتها مش كويسه.. مش عارف ليه بحس ان الكورسا بالرغم من انها عربيه جامده الا انى بحس ان مكلكعه كده وكلها سينسور وبلاوى
بس انا هاريحك واقولك تعمل ايه ... ماتربطش نفسك بعربيه محدده يعنى ايه؟ يعنى مثلا نزلت سوق العاشر وبتتفرج وفى دماغك سويفت افرض لقيت واحده اكسيل ولا بولو ونضيفه اوى وسعرها مناسب ليك و ارتاحتلها اول ماشفتها يبقى تتوكل على الله .....الفءه السعريه دى لازم تتعامل معاها كده يعنى حط ادامك كذا عربيه وانزل اتفرج مثلا السويفت والاكسيل والبولو والابيزا خصوصا الابيزا 94 محمد ابيزا معاه واحده وكاتب عليها كلام جميل اوى ممكن تقرأه وربنا يسهلك فى الموضوع ده ... واى خدمه






..mokhtar..

انا بدور على حاجة بردة ، بس اقل 5000
انا رايى انك لسه جديد فى الشراء والماركات
الاوبل كورسا : اعتمادية ، شكل حلو ، قطع غيارها اغلى من الفيات بس بتعيش اطول
1000 cc هوة اللى فيه مشاكل السنسور والسنسور غالى
دى نزلت من 98
1200 نزلت قبل كدة
الاكسل : على السرعات العالية تلاقيع=ها عايمة من ورا
السويفت : صعب تلاقيها كويسة دلوقت
الفيليشيا : مشكلتها الحرارة فيها عالية ، بس فيه ناس ممكن تتغلب على كدة
البرايد : ما سمعتش عن مشاكل فيها واسعار قطع الغيار كويسة ، منها سيدان مصرى او ايرانى ، معرفش منه كورى ولا لا
الستارليت : قطع غيار داخلية متوفرة ، الخارجية : نادرة
الاونو : كويسة ، بس عيبها العفشة لها مشاكل ، بس اى حد بيفهم فيات وقطع غيارها رخيصة
انا ما ركبتش ولا عربية من دول
كل دة معلومات من المنتدى
لو بتفكر فى ماركة معينة
خش على المنتدى الفرعى بتاعها
اسال الاعضاء هنالك ، تصفح المشاركات القديمة اللى تلاقى عنوانها مفيد


على فكرة بالسعر دة انت ممكن تكمل شوية او تقسطهم وتجيب سوزوكى ماروتى او التو على الزيرو
خش على الموضوعات دى فى المنتدى
منتديات البيع والشراء

وبالذات المواضيع دى
http://www.nilemotors.net/Nile/showthread.php?t=20244

http://www.nilemotors.net/Nile/showthread.php?t=7608
http://www.nilemotors.net/Nile/showthread.php?t=47169

http://www.nilemotors.net/Nile/showthread.php?t=22454

طيب اسمحولي ادلو بدلوي

مع احترامي الشديد للابيزا وكل الاصوات المنادية بها ولكن اختلف معهم من حيث نقطه جوهرية
وتمثل في سعر قطع الغيار العالي وندرتها

وبالنسبه للاسكودا انا عمري ما سمعت عن مشكله الحرارة ده في الفورمان اللي اعرفه انه لو الترموستات الاصلي راكب وده رخيص عمرها معملت مشكلة في الحرارة

ايه رأي الاعضاء في البونتو!!

ابو اياد

و ايه رأيكم في الVW Golf مو 1999 و طالع...بس هيدخل في 40 ألف...

ياباشا الرجل يهمه سعر قطع الغيار في المقام الاول واستهلاك الوقود

وطبعا لا نغفل الشكل الجمالي والاعتماديه خصوصا علوها عن الارض بمقدار كاف

أنا عندى الحل لسيادتك لأنى كنت محتار نفس حيرتك لما كان معايا 35 ألف ومحتار أجيب ايه بس ربنا رزقنى بعربية تحفة وخطيرة أسمها ( عيون صفية) هى متسوبيشى لانسر 1991 وتعمل نفس المبلغ اللى معاك وفعلا أحب أحى العضوmokhtar اللى قالك ممكن سويفت أو أكسيل أ, كورولا لأن المبلغ ده من يجيب كورولا 88 أو لانسر 90 , 91 أو سوبفت أو أكسيل أو سيفك ثمنينات, بس أفضلهم هى لانسر 91 مش لأنها معايا بس للأمانة عربية قوية جدا وقطع غيارها مثل الفيات ومتوفرة وصالونها واسع ومريح وموفرة بنزين جدا وكفاية إنها يابانى.

:k49:السلم عليكم طبعا انتا دلوقتي في حيرة كبيرة ولكن بما انك جديد لسة ف العربيات ....اولا ابعد عن الفيات تماما نظرا لكثرة اعطلها وايضا السيات وايضا الالماني نظرا لارتفاع اسعار قطع غيارة اذن معدش باقي غير الياباني و الكوري لو هتجيب ياباني(لانسر موديل91 او نيسان موديل 94) لو كوري (هيونداي اكسنت اوكيا سيفيا او لانوس)العربيات القديمة ايلي ممكن تسعفك ف السفر الياباني و الكوري فقط علي فكرة الاسكودا فيلشيا بردو حلوة بس صوت موتورها عالي شوية وربنا يوفقك

اقتباس:

---

المشاركة الأصلية كتبت بواسطة sarawe511

:k49:السلم عليكم طبعا انتا دلوقتي في حيرة كبيرة ولكن بما انك جديد لسة ف العربيات ....اولا ابعد عن الفيات تماما نظرا لكثرة اعطلها وايضا السيات وايضا الالماني نظرا لارتفاع اسعار قطع غيارة اذن معدش باقي غير الياباني و الكوري لو هتجيب ياباني(لانسر موديل91 او نيسان موديل 94) لو كوري (هيونداي اكسنت اوكيا سيفيا او لانوس)العربيات القديمة ايلي ممكن تسعفك ف السفر الياباني و الكوري فقط علي فكرة الاسكودا فيلشيا بردو حلوة بس صوت موتورها عالي شوية وربنا يوفقك

---

حضرتك ليه رشحت الاسكودا و قلت له يتجنب بقية الماركات الأوروبية؟ و السيات ابيزا اعتمادية و قطع غيارها مش غالية...
و بعدين الكوري الموديلات القديمة منه بالذات أنا شايف انها سيئة.

يا شباب الانسر تحفة بس للاسف واطية
والراجل عايز عربية عاليه بالنسبة للبطة او عيون صفيه
حد عنده حل للمشكله ده يعني مثلاً
1 تغير الجنط بأكبر وارتفاع اعلي للكاوتش
2 اجراء عملية تعلية مثلاً تكون متجربة عند حد محترف


بالنسبه للي رشح الابيزا ممكن امثلة علي قطع الغيار!!

ابو أياد المصري

اقتباس:

---

المشاركة الأصلية كتبت بواسطة mokhtar

العفو يا باشا احنا كلنا هنا اخوات ونساعد بالنصيحه على قد مانقدر ... دلوقتى بالنسبه لحجم العربيه زى مانت قلت مش هتفضل تركب هاتشباك على طول وعربيه زى السويفت ولا الاكسنت حجمها مش كبير اوى يعنى
بالنسبه للستارليت دى عربيه محترمه جدا كفايه انها تويوتا بس قوللى شوفتها كام مره؟ ولا بتشوفها كل اد ايه ؟ دى مشكلتها انها مش منتشره واكيد ده هيعمل مشكله فى قطع الغيار اعاده البيع ... بالنسبه للانوس والاكسنت ماعتقدش ان 35000 ممكن دلوقتى يجيبوا منهم حاجه نضيفه ممكن لو فى اواخر التلاتينات وتبقى كمان حالتها مش كويسه.. مش عارف ليه بحس ان الكورسا بالرغم من انها عربيه جامده الا انى بحس ان مكلكعه كده وكلها سينسور وبلاوى
بس انا هاريحك واقولك تعمل ايه ... ماتربطش نفسك بعربيه محدده يعنى ايه؟ يعنى مثلا نزلت سوق العاشر وبتتفرج وفى دماغك سويفت افرض لقيت واحده اكسيل ولا بولو ونضيفه اوى وسعرها مناسب ليك و ارتاحتلها اول ماشفتها يبقى تتوكل على الله .....الفءه السعريه دى لازم تتعامل معاها كده يعنى حط ادامك كذا عربيه وانزل اتفرج مثلا السويفت والاكسيل والبولو والابيزا خصوصا الابيزا 94 محمد ابيزا معاه واحده وكاتب عليها كلام جميل اوى ممكن تقرأه وربنا يسهلك فى الموضوع ده ... واى خدمه

..mokhtar..

---

الحقيقة يا أستاذي أنا لو هجيب عربية مش عارف هجيبها من السوق ولا من اعلان ولا منين.. بس أكيد أكيد هاخد معايا ميكانيكي. ومش عاوز لا ألف كتير.. ولا أجيب عربية أبقى لسة هصلح فيها حاجة.. أنا عاوز حاجة خلصانة عشان تخلصني أساسا من البهدلة. عشان كده تحديد نوع العربية مسبقا هيبقى كويس.. أو حتى نوعين تلاتة.. أبقى متحدد شوية عشان مشتتش دماغي.

لحد دلوقتي بعد استشارات هنا وهناك على النت ومع أصدقاء.. الكلام على الآتي:

1- عربيات حديثة:
أ- سيات ابيزا
مميزات : عربية محترمة جدا.. جامدة.. تعيش.. صالون واسع.. فيها اللي أتمناه
عيوب : قطع غيار غالية أو رخيصة .. لسة معلومة معرفهاش , شبابي يعني صعب ألاقي منها حاجة مش متبهدلة بالسعر ده

ب- هيونداي اكسيل
مميزات : عربية مثالية وبشنطة وقطع غيار متوفرة ورخيصة وفيها كل الكماليات اللي انا محتاجها, وموضوع التعويم في السرعة العالية ده سألت عليه أكتر من سواق تاكس وأجمعو انه مش موجود
عيوب : مش عارف

ج- فيات بونتو: اقتراخ لسة معرفلوش مميزات أو عيوب

2- عربيات قديمة:
أ- لادا 2107
مميزات: عربية صخرة. رخيصة قطع غيارها متوافرة ورخيصة. تشيل مشواري.. وأقدر أحط عليها تكييف لو مفيهاش.. هتوفر عليا 10 ألاف جنيه أو أكتر وجيب واحدة نضيفة كمان
عيوب : صعبة في السواقة.. مش مريحة.. عايمة شوية .. بتعطل

ب- فيات ريتمو
مميزات: بيقولو أحسن من ال 28.. رخيصة وهتوفر معايا.. ولو جبت واحدة معدومة أجددها كلها وأخليها زيرو بأفل التكاليف
عيوب : بتفتح علب وشكلها مش عاطفي

ج- شاهين
مميزات : عربية محترمة وتستحمل مشواري .. وبتعيش وسهلة الصيانة وقطع غيارها رخيصة
عيوب: مش عارف.. ربما التكييف والباور

د- مازدا 323: اقتراح جديد.. معرفلوش مميزات أو عيوب

طبعا كل اقتراحات العربيات القديمة.. هتوفر معايا فلوس كتير.. لكن في نفس الوقت أكيد ليهم عيوب متعلقة بقدم الموديل وخسارة الفلوس فيهم وحاجات عاوزة دراسة مادية ومستقبلية أكتر من دراسة متعلقة بامكانيات العربية.. وبكرر.. اني عاوز عربية عشان أخلص وأعيش بيها.. مش عشان أبيعها تاني على المدى القريب

هل فيه حد يقدر يفيدنى في الفيات بونتو.. والمازدا 323 ؟

أنا لسة قدامي شهر على الشراء.. عاوز أشوف كل المقترحات اللي ممكن أحصل عليها وأقارن.. لحد موصل لعربيتين تلاتة.. أبقى نازل أدور عليهم..

بجد بجد أشكرمك جزيلا.. منتدى تفاعلي جميل

اقتباس:

---

المشاركة الأصلية كتبت بواسطة asaadte

انا بدور على حاجة بردة ، بس اقل 5000
انا رايى انك لسه جديد فى الشراء والماركات
الاوبل كورسا : اعتمادية ، شكل حلو ، قطع غيارها اغلى من الفيات بس بتعيش اطول
1000 cc هوة اللى فيه مشاكل السنسور والسنسور غالى
دى نزلت من 98
1200 نزلت قبل كدة
الاكسل : على السرعات العالية تلاقيع=ها عايمة من ورا
السويفت : صعب تلاقيها كويسة دلوقت
الفيليشيا : مشكلتها الحرارة فيها عالية ، بس فيه ناس ممكن تتغلب على كدة
البرايد : ما سمعتش عن مشاكل فيها واسعار قطع الغيار كويسة ، منها سيدان مصرى او ايرانى ، معرفش منه كورى ولا لا
الستارليت : قطع غيار داخلية متوفرة ، الخارجية : نادرة
الاونو : كويسة ، بس عيبها العفشة لها مشاكل ، بس اى حد بيفهم فيات وقطع غيارها رخيصة
انا ما ركبتش ولا عربية من دول
كل دة معلومات من المنتدى
لو بتفكر فى ماركة معينة
خش على المنتدى الفرعى بتاعها
اسال الاعضاء هنالك ، تصفح المشاركات القديمة اللى تلاقى عنوانها مفيد


على فكرة بالسعر دة انت ممكن تكمل شوية او تقسطهم وتجيب سوزوكى ماروتى او التو على الزيرو
خش على الموضوعات دى فى المنتدى
منتديات البيع والشراء

وبالذات المواضيع دى
http://www.nilemotors.net/Nile/showthread.php?t=20244

http://www.nilemotors.net/Nile/showthread.php?t=7608
http://www.nilemotors.net/Nile/showthread.php?t=47169

http://www.nilemotors.net/Nile/showthread.php?t=22454

---

نعلومات قيمة للغاية وأفادتني كتير.. تأكدت من كلامك بخصوص السويفت والفيليشيا فعلا.. وفي الغالب استبعدتهم من اختياري
بس موضوع الاكسل لقيت وجهات نظر مخالفة

انت رأيك ايه في القائمة الأخيرة اللي في ردي السابق دي ؟

اقتباس:

---

المشاركة الأصلية كتبت بواسطة icon

أنا عندى الحل لسيادتك لأنى كنت محتار نفس حيرتك لما كان معايا 35 ألف ومحتار أجيب ايه بس ربنا رزقنى بعربية تحفة وخطيرة أسمها ( عيون صفية) هى متسوبيشى لانسر 1991 وتعمل نفس المبلغ اللى معاك وفعلا أحب أحى العضوmokhtar اللى قالك ممكن سويفت أو أكسيل أ, كورولا لأن المبلغ ده من يجيب كورولا 88 أو لانسر 90 , 91 أو سوبفت أو أكسيل أو سيفك ثمنينات, بس أفضلهم هى لانسر 91 مش لأنها معايا بس للأمانة عربية قوية جدا وقطع غيارها مثل الفيات ومتوفرة وصالونها واسع ومريح وموفرة بنزين جدا وكفاية إنها يابانى.

---

مشكلة اللانسر معايا زي ما قال محمد انها واطية شوية.. ومش عارف ليه حاسس انها كبيرة سنة على احتياجي.. أنا عاوز عربية محندقة عن كده

ترشح ايه تاني ؟

اقتباس:

---

المشاركة الأصلية كتبت بواسطة mohamed_rhem

طيب اسمحولي ادلو بدلوي

مع احترامي الشديد للابيزا وكل الاصوات المنادية بها ولكن اختلف معهم من حيث نقطه جوهرية
وتمثل في سعر قطع الغيار العالي وندرتها

وبالنسبه للاسكودا انا عمري ما سمعت عن مشكله الحرارة ده في الفورمان اللي اعرفه انه لو الترموستات الاصلي راكب وده رخيص عمرها معملت مشكلة في الحرارة

ايه رأي الاعضاء في البونتو!!

ابو اياد

---

ايه الفورمان دي يا محمد ؟

وياريت الله يكرمك تسألي أكتر على البونتو.. أنا بدور أهوه بس لو عرفت حاجة قوللي

الفورمان ده العربية الكبيرة من الفيفوريت
وده الموديل اللي قبل الفلشيا علي طول
يغيب الاسكودا ان صوتها عالي شويه ومش ناعمة بس لو حتقارنها بالشاهين مش الادا فهي افضل من الاتنين

ارجو ان اكون افدت

بخصوص البونتو

جاري البحث عموما هي عربيه شغاله ولسه بتنتج وقطع غيار معقولة جداً