ان شاء الله المره الجيه انا اجي بالبيجو البيضه
و ادعولي ابيع ال 128 يارب و ان شاء الله مستنيكم كلكم في المقابله القادمه
عرض للطباعة
ان شاء الله المره الجيه انا اجي بالبيجو البيضه
و ادعولي ابيع ال 128 يارب و ان شاء الله مستنيكم كلكم في المقابله القادمه
السلام عليكم
بجد الحمد الله أنا مبسوط جداً عشان عندي إخوات ال- الاسترا بتاعتي إسلام عامر ومعها أخت عربيتي بس الاصغر، ٢٠٠٨ ولونها Metro ، وطبعاً نجوم الاوبل أحمد و سومو . ، دي كانت واحيدة بس الحمد الله بقى لها إخوات دلوقتي + اخوتها من فرنسا وتركيا ولا إيه ؟؟
المقابله كنت جامدة جداً جداً جداً وبجد الناس كانو كلهم كالعادة وهمين وبالرغم من الجو التلج بس كنت مبسوط جداً . ونفسي نتقابل كتير تاني.
١٠٠٠ مبروك يا أبو عبد الله، حتجيب أنهي لون في الميجان، فعلاً كنت منور في المقابله وفي الميجان وإنت بتجربه عشان لما تشتريها.
يااااااه كان برد قوى كدطبعا زى مانتو عارفين كيكه الشيكولاته مع كوب من الكاكاو الساخن فى يوم برد زى ده كانوا عاملين شغل جامد
اول ما اخدت رشفه نسيت المقابله اللى فاتتنى
بس لما كريم كتب على عربيه مومو قلت لييييه كان لازم اجرب انا كمان :(
و طبعا كل ما افتكر شاركى و جميييع الوحوش والتنانين والعصابات بقول لييييه بس يا ماما
و طبعا كان نفسى اشوف نور عشان اخد منه تمن الباندويدث اللى بيدفعهولى بسبب معلقه البجو البيضا
مقابلة جميلة و ناس حلوة......
و الحمد لله إن مجموعة رينو ظهرت بالمظهر الرائع ده و الناس جربوا العربيات...
و لعل أبرز تلك التجارب هى تجربة العضو "البلاتينى" الفاضل "أبو عبد الله" لعربيتى....
الحمد لله الراجل انبسط منها ....و الحقيقة أنا كنت متابع اختباره ليها و مع إنه جربها لمسافة بسيطة لكن كان باين عليه إنه راجل ذكى و بيفهم.....يعنى أول ما ركب جرب الفرق الجوهرى ما بين العربيات اليابانى و العربيات الأوروبى و هى السحبة فى الطلعة و أنا كنت مستغرب هو ليه مش عايز يدوس لسرعات عالية ؟؟؟....فقولتله و احنا فى الراجع "دوس... الطريق فى الراجع فاضى"...و الراجل ما كدبش خبر و فعلا وصلنا ل 130 كده و بعدين قال " ما شاء الله عربية محترمة ".....و لما طلب تجربة مقارنة ( شد) للسيريون مع إحدى الميجاناوات ال stock( عربية أيمن طبعا لها طبيعة خاصة )....تطوع محمد مصطفى بالمسألة و أنا قمت بالتصوير ....الحمد لله الميجان ما قصرتش رقبتنا...و السيريون أثبتت مكانتها مع عملاقة السيارات الصغيرة لكن هما السيارتين مش محل مقارنة أصلا نظرا للاختلاف الكبير ما بينهم...لكن أهم حاجة بقايا الثلوج ذابت بين "أبو عبد الله" و شركة الرينو ( مش هقول أعضاء قسم رينو لإن كلنا هنا أخوات و كل أسباب سوء التفاهم الحمد لله زالت تماما )....و احنا هنستناك يا " أبو عبد الله " فى مقابلات رينو دايما و ما دام نويت تشترى الميجان III يبقى لازم تيجى علشان تبقى متابع لآخر التطورات....
أما عن التجربة الأخرى فكانت الأسترا و عربيتى...انا و مصطفى فاروق جربنا عربيات بعض......بجد يا مصطفى إنت خسرت الميجان.....و الأسترا ما كنتش تلزمك....مصطفى يا جماعة سواقته هادية جدا و راجل سميع لأغانى الثمانينات و لا له فى الجرى و لا بتاع.....و الأسترا عربية ذات طابع رياضى أقوى بكتير من الميجان التى تحمل صبغة الرزانة و الراحة.....و بشهادة "مصطفى" نفسه اللى حس من أول ما حط رجله فيها إنها ناعمة و طرية ....
طبعا الأسترا زى الفل و كل حاجة لكن هى أذواق...فى واحد بيحب آيس كريم فانيليا و فى واحد بيحبه بالشيكولاته...و الاثنين حلوين
لكن من ركوبتى للأسترا قولت "لو الزمن رجع بيا للوراء برضه كنت هاجيب الميجان"....التفاصيل الصغيرة هى اللى بتشكل الشخصية الجاذبة للزبون صاحب الميول دى أو الشخصية اللى "بتطفش" الزبون الغير مهتم بتلك الأمور
فى النهاية أحب أشكر "كريم منير" جدا على تعبه معانا و أستغل الفرصة أيضا لشكر القائمين على الإدارة و الدعم الفنى لمجهوداتهم فى الموازنة بين تحقيق الأهداف و راحة الأعضاء....
شكرا لكم جميع الأعضاء ونلقاكم فى مقابلة أخرى على خير
***بالنسبة لتصوير الفيديو فى شدة السيريون مع الميجان فهو غير مفيد كثيرا نظرا لأنى كنت سايق و بصور فى نفس الوقت و الطريق لم يكن مفتوحا و وصلنا لسرعات عالية ...لكن فى حالة رغبة السادة الأعضاء ممكن أرفعه****
هانى محمد
يا اخواني انا سعيد بلقائكم كلكم والله
والميجان عربية كويسه
بس ان انا اشتري الميجان او رينو او فرنساوي
ده اخر حاجه ممكن تفكروا فيها
الموديلات الاولويه عندي كتير ودي اخرها
عالعموم احب ابشركم انا السيريون طلعت من الميجان من الثبات لحد 120 وبعد 120 فضلت ماشيه وراها لحد 140 بس بعد كده الطريق قفل
بس بصراحه انا تعجبت من اداء الميجان لأن كنت اتوقع من الكلام عليها انه اعلى من كده بكثير
ولما جربتها ولقيت الاداء كده قولت لازم اجرب الشد مع عربيتي
لأن سبق وشديت مع كورولا 2006 , 1600 سي سي اتوماتيك طلع مني بعد 60 كم بس
فشدينا ومرتين علشان الناس متشككشي في حاجه السيريون طلعت مرتين من الثبات لفوق 100 كم كمان
مع اني كنت اتوقع ان بعد 100 تعدي ولكن السيريون كملت لحد 120 وبعديها مشت خلف الميجان
وتحيه للميجان وتحيه كبيره للسيريون يا جدعان :k49:
ياريت لو يا هاني مصور فيديو ياريت ترفع الملف بتاع الفيديو علشان اشوفه لأني فعلا محتاجه ضروري وكنت بفكر اكررها علشان اصور لأني لا اعلم انك مصور فيديو
مقابلة جميلة وناس أجمل
كان ليا الشرف بالتقاء شخصيات طيبة ومحترمة
coralsea و نور و أيمن زعيم الريناوية والي جرب عربية سومو الاوبل الفكترا :Ta_clap[1]: وكريم منير وسبعاوي باشا والشخصية المحترمة جدا جدا جدا أبو عبد الله والي كان ليا شرف التعرف عليه وطبعا التقينا بالاسماء السابق ذكرها في المشاركات والتعليقات السابقة لناس شرفنتا بالالتقاء بها وكمان أخيرا التقيت بكريم منير والي واضح انه كان واخد برد وتكتك من كتر البرد وبردو مبخلش بانه ييجي ويجمعنا ربنا يجعله في ميزان حسناته ويارب دايماً من تحسن إلى أحسن ... نايل موتورز :k49:
ده لينك لموضوع عن التجارب اللى تمت امبارح....و يتضمن لينك للفيديو بناء على طلب "أبو عبد الله"...
آسف نسيت أعمل paste للينك
http://www.nilemotors.net/Nile/showt...689#post565689
_______
تم تعديل الرابط
(إ.م.2)
والله يا جماعة انتم اللي ناس اجمل
واجمل مافي المقابلة رؤية ناس مابشوفهمش كتير فعلا بحبهم في الله وبيوحشوني
ورؤية ناس كتير لاول مرة وجها لوجه وانا كنا بنتكلم كتير من ورا الكيبوردات
ربنا يديم المحبة في الله
سعيد برؤيتكم جميعا وبهذا التجمع الفكر لاناس محترمة كتير
مبروك يا ابو عبد الله تجربتك للرينو واعجابك بها وان كان ليا كلمة في الموضوع ده قولتها و مازلت بقولها
ان اللي بيركب اوروبي وبيركب ياباني عاملين زي اتنين اصحاب جدا وانتيم
بس واحد(اللي بيركب اوروبي) بيحب يلبس فورمال او كلاسيك ومقضيها بير كاردان وكونكريت واحذية كلاسيك
هو طبيعتة كدة وبيحب يلبس كدة وبيخاف على لبسه وهدومة وومظهرة وده بينعكس على حركتة بياخد بالة قبل ما يقعد وقبل ما يمشي في تراب ويراعي يربط الكرافت كويس وكدة
وصاحبة التاني(بتاع الياباني ) مقضيها جينز وكاجوال وجيفتشي وسبيرنج فيلد على امبرور على مومو على تمبر لاند
بيحب هدوم ما تتكرمش بسهولة ومريحة وبرضه مش محتاجة عناية قوي
هما الاتنين اصحاب بس هما الاتنين ميولهم واهوائهم مختلفة وطريقة حياتهم مختلفة
ربنا يديم المعروف وفى الاخر دي دابة ربنا مييسرهالنا نقضي بيها مصالحنا مش عشان نتخانق عليها
اهم حاجة الصحبة الحلوة