الموضوع: تقرير عن اكسبلوجن 1600 سى سى بعد 5000 كم

المشاركة الأصلية كتبت بواسطة emadfarouk

السلام عليكم اريد رايكم في الموديل الجديد الاتوماتيك حديث النزول

سيدي حاليا طبعا لايمكن حد يقدر يقول رايه في الجديده لانها لسه نازله يوم الجمعه الماضيه عموما الموديل اللي نزل 1300 سي سي وسعره 70000 جنيه ولايوجد ائ تغيير اطلاقا في اي شئ اخر الا العلامه اللي قدام واللي وراء اتغيرت لحرف دي D بدلا من العلامه القديمه ولا يوجد 1600 اتوماتيك.
علي فكره انا نزلت وشوفتها وعرضت عليهم استبدال (سياسه الاستبدال موجوده اصلا عند الوكيل ) اللي معايا اكسبلوجن2 مانيول 1600 سي سي عامله اقل من 6500 كيلو متر اشتريتها في ديسمبر 2009 ومرخصها 3 سنين واضفت لها بارك سنسور وانذار ووحدات رفع زجاج وفرش للصالون طلبوا مني 20000 جنيه فرق سعر يعني الوكيل قدر سعر العربيه بالاضافات التي تمت وبعد استعمال 6500 كم فقط والعربيه لسه بحاله الفابريكه بالكامل قدرها ب 50000 جنيه يعني العربيه تخسر 30% من تمنها فورا
يعني الوكيل قرر بنفسه ان العربيه لا تساوي اكتر من ذلك وانه اما بيبيعها بسعر مبالغ فيه واكبر من القيمه الحقيقيه او انه عاوز يضحك علي عميله في الاستبدال وفي الحالتين يبقي الوكيل ......... مش قادر اقول انتم تفهموا

المشاركة الأصلية كتبت بواسطة boda

السلام عليكم ورحمة الله وبركاته
أنا عندي إكسبلوجن ٢٠٠٨ وبأخللي تنك البنزين مليان علي طول ومع ذلك طرمبة البنزين باظت برده
مع إنني عامل ٢١٠٠٠كم بس. يظهر ده عيب في العربية.:i_angr1[1]:

فعلا يا باشا انا كانت معايا العربية موديل 2007 و كنت شاريها فى اواخر 2006 اللى هو الشكل القديم منها هى شبه التريوس 99 بالضبط المهم قعدت معايا 4.5 سنوات و انا لحسن الحظ كانت اول دفعة يعنى اول 7 عربيات ينزلوا مصر كلها كانت عربيتى منهم فكانوا مهتميين جدا بالتقفيل و غيره تحس ان العربية درجة اولى و دة لازم فى اول دفعة يكونوا مهتمين بيها جامد علشان الناس تشكر فيها و تنتشر و للأسف موضوع طلمبة البنزين دة حصل معايا مرتين و فى الأخر عملتلها طلمبة خارجية و من ساعتها مقطعتش روح لأى كهربائى و قوله على موضوع الطلمبة دة و قوله عاوز اركب طلمبة خارجية و هتركب فى الكابوت و هيلغى الطلمبة القديمة اللى هى تحت الكنبة الخلفية بس روح لواحد فاهم علشان ميبوظلكش العربية و تقبل تحياتى و خلى بالك من العربية علشان العربية دى عززة عليا اوى و شهدت احسن ايام حياتى :b4_611::b4_611: