امال فين الناس اللي كانت شمتانة في الاهلي
اظن اللسان اتلجم صح
وصباح الفل
عرض للطباعة
امال فين الناس اللي كانت شمتانة في الاهلي
اظن اللسان اتلجم صح
وصباح الفل
بصراحة عندك حق
اى واحد زملكاوى ميقدرش يتكلم
الله يسامحهم جايبينلنا العار
انا خلاص مش هقدر ارفع عينى تانى فى اى اهلاوى
منكم لله يا لعيبة الزمالك عاوزين ضرب النار ماعدا عبد الواحد وعبد المنصف
:shyy::majd(4)::I_angr1[1]::T_thum1[1]:
وصباح النور يا سيدى:satelite:
لا حول و لا قوة إلا بالله
في الوقت الذي يتم ذبح إخواننا في غزة بوحشية أحنا هنا لسة بنتكلم عن الأهلي و الزمالك ؟؟؟؟؟
أرحمنا برحمتك يا رب
من لم يهتم بأمر المسلمين فليس منهم
المشكلة ان جمال حمزة اتكلم بعد الماتش في برنامج الحياه و قال كلام غريب جداً
المذيع بيسأل ازاي لاعيبة بملاين يتغلبوا من فريق درجة تالتة ؟
جمال حمزة ايه المشكلة يعني حضرتك اتغلبنا و خلاص الماتش خلص
المذيع تقدر تقولي ايه سبب الهزيمة
جمال حمزة بني عبيد كان افضل من الزمالك و الافضل هو الي فاز
قمة الاستفزاز في الحوار
على فكرة الحوار ده في كذا موقع كروي منزله بالصوت و ده لينك واحد منهم
http://www.filgoal.com/Arabic/News.asp?NewsID=50630
والله عندك حق يا اخ سمير، وبرضه فيه عدد من المصريين اكتر من اللى اندبحت فى غزة راحوا نتيجة الاهمال المرورى خلا عطلة عيد الأضحى، ده غير واحد مصرى اندبح على يد ابن نائب القنصل السعودى اللى كان بيقود سيارته برعونة فى منطقة 6 اكتوبر ومع كدة ابن القنصل سافر الى بلده بمنتهى البساطة
بس اللى انت عملته انت قتلت الموضوع اللى واحد تانى فاتحه علشان يسمع أراء الناس فيه ، لأن ببساطة اللى هيتكلم بعد منك فى موضوع الاهلى والزمالك هيبقى هو الزنديق المارق اللى مش مهتم بمسالة غزة،مع انى مش شايف اطلاقا ان لما ناس تتكلم فى الاهلى والزمالك تبقى مش مهتمة بغزة، يا راجل ده الجنود فى الحروب وفى وسط المعمة كانوا فى فترات راحتهم بيلعبوا العاب ترواحت من العاب السيوف العصور القديمة الى الدمينو والكوتشينة فى العصور الحديثة مع انهم ممكن يموتوا بعد ساعة واحدة لكن الحاجة للترويح غريزة بشرية
يعنى زى ما فيه ناس تهمها قضية غزة وفيه ناس تانية تهمها قضايا الناس اللى بتموت هدر فى مصر وفيه ناس تالتة تهمها قضية الاهلى والزمالك، وعلى ذلك يمكن لمن يحب الكلام عن اى قضية انه يتكلم فيها بحرية دون ان يضغط ادبيا على الآخرين الذين يتكلمون فى قضايا تهمهم ولا تهمه لكى يتوقفوا عن الكلام،
بالمناسبة انا لا ليا فى الكورة ولا اعرف ايه اصلا اللى حصل وحصل مع الاهلى وللا مع الزمالك، بس ده مش معناه انى احرج الناس اللى بتحب الكورة علشان متتكلمش
على الرغم انى مبحبش أسامه بن لادن بس كم اتمنى انه يضرب اسرائيل
بس كلامى دا صعب يحصل
ياجماعة ياريت لما نعمل موضوع يبقى ليه هدف مش جر شكل والسلام !!!
والله يا أستاذ سبعاوي أنا أتكسف من نفسي لما الناس دي تبقى بتموت هناك وأنا عمال أتخانق مع واحد على الأهلي والزمالك :120146b
الضربة دي مش للفلسطينيين لوحدهم ، دي لينا كلنا ، وأبسط حاجة ممكن نعملها إننا نبقى قد المسئولية ولو شوية صغيرين ، ونبعد عن المهاترات والتفاهات دي
قلى ازاى بس يا اخ عبدهاقتباس:
وأبسط حاجة ممكن نعملها إننا نبقى قد المسئولية ولو شوية صغيرين
اذا كان مصر متورطه فى ضرب غزه
مصرعندما اكدت لحماس بالامس القريب ان اسرائيل لن تضرب و قد ضربة ,اسرائيل ابغت معظم الدول العربيه بالضرب و وزير خارجية اسرائيل كان بمصر امس
وانت جاى تقول نبقى قد المسؤوليه !!!!
الضربه دى مش اسرائيل بس الى ضربتها بل معظم الدول العربيه مشتركه فى العدوان على غزه
أنا مش عارف يا باشا انت فهمتني غلط ولا إيه ؟؟
أنا قصدي بـ "نبقى قد المسئولية" إن كل واحد فينا يعمل الي يقدر عليه لمساعدة إخوانا في فلسطين ، لأني واثق ومتأكد إن كل الحكومات العربية وأولها حكومة مصر هم المسئولين عن هذه الضربة قبل اسرائيل
وأرجوكم يا جماعة كفاية بقى تفرقة بين المصري والفلسطيني ، أي مسلم في أي حتة في العالم زيه زي أي مصري بالظبط ، أنا مش مصري .. أنا مسلم قبل كل شيء ، والي وصلنا ليه ده بسبب سياسة الاستعمار "فرق تسد" والي نجحوا فيها لحد كبير جدا ً :120146b
بكرة يلعبوا فى دورى المدارس ان شاء الله اصلهم كل شوية يقؤلك الزمالك دا مدرسة هاهاهاهاااااااها
نفس المنطق ده ممكن نمشى معاه ونوصل لسؤال هو ليه حضرتك مش ماسك بندقيه و ليه حضرتك بتتغدى و بتشرب ميه
لو فى ايدك حاجه تعملها غير الكلام اعملها
بس بلاش الكلام اللى لا بودى ولا بجيب
احنا خيبتنا كبيره و مش هتتحل لما نقطم فى الناس اللى بتتكلم فى الكوره
و على فكره الزماك باظ
و ابقوا قابلونى لو عرفنا ناخد الدورى او حتى كاس البطيخ لمده كام سنه كمان
انا كنت بتفرح فى الاهلى لما بيخسر من الشرطه و باتشوكا من محافظه المكسيك الشقيقه
على امل ان الزمالك راجع
بس دلوقتى لو الاهلى وقع هو كمان يبقى مين اللى هبصفى فى كاس العالم
احنا محتاجين لاعيبه الاهلى
ربنا يستر
بس ده لا يمنع ان الناس اللي بتتكلم عن الزمالك و الاهلي و بيتناقشوا ولا حتي يتخانقوا..
ممكن جدا و يكونوا مشاركين في انشطة ممكن توصل اي دعم للاخوان الفلسطينيين..
هذه نقرة و تلك نقرة..
و احب اقولك ان الفلسطينيين نفسهم يعني فيهم اهلاوية و زمالكاوية.. :) :)
و ربنا يكون في عونهم و يخفف عنهم ان شاء الله..
انا بس عايز اشوف الاخ اللى كان عامل موضوع التاكسى الجاى من اليابان والخاله باتشوكا فى الحمام فاكرينه؟؟ يا ترى الخاله باتشوكا راحت فين بنى عبيد ولا ايه؟؟؟
انا ععمرى مكنت بشمت فى حد بص اللى حصل ايام اليابان قلة ادب انا عايز اشوف رد الاخ صاحب التاكسى ده مش كل واحد يتكلم عن فرقته احسن ؟؟؟ الزمالكويه على راسى من فوق بس اللى يتريق و يشمت لأ
للمره المليون و واحد
اى حد من حقه يكره اى نادى هو شايف انه يستاهل كده او لأ
الاهلى و الزمالك و اى بترول و الاسماعيلى و المقاولون و كل الانديه ديه ملك للحكومه المصريه يعنى مال عام ملك لينا كلنا
حق اى واحد يتكلم زى ماهو عايز هو حر هو اللى دافع الفلوس زيه زى اى حد تانى بيشجع
فياريت ماحدش يقولى الزمالكويه مايتكلموش او يتكلموا و كده
انا اتفق ان فيه حوار بيكون مستفز و غير اخلاقى من الطرفين
بس ماحدش يقول اتكلم و ماتتكلمش
و شكرا
يا ريت يقفلوا الكوره عشان نستريح
طيب كلنا خلاص بقى همنا غزة واللي بيحصل فيها
طب والغاز اللي احنا بنصدره لأسرائيل واللي مش عارفين اصلا فلوسه بتروح فين ولمين
ولا ممكن يكون بلوشي ولا محبة
وانا يا السفارة في قلب العمارة
والله دول شويه لعيبه عوزين الحرق بالجاز حسبى الله ونعم الوكيل
ايه اللى جاب القلعة جمب البحر .!!!
ايه اللى جاب الرياضة لفلسطين ..!! مش فاهم .؟!
اولا يعنى لو هنشوف ايه الاهم ونخليه لفلسطين يبقي حرام نتكلم فى عربيات بملايين و مئات الألوف ونيجى عند نقاش فى الرياضة ونفتكر فلسطين ..!!
..
وعموما الزمالك لو خد دورة رمضانية فى مدرسة ابتدائي يبقي كويس ..
وحاجه مهمة هقولها خلوا بالكم منها ..
الفرق بين الاهلى والزمالك ..ان الاهلى كان ومازال بيجيب لاعيبة اهلاوية بتحب الاهلى ومستعدة تعمل اى حاجة علشانه ولكن الزمالك بيجيب اى لاعب يجيب لهم جولين فى الدورى وخلاص ..
شوفوا لاعيبة الاهلى القدام ولاعيبة الزمالك القدام ...وقارنوا بينهم
شوفوا الخطيب وشوبير ومصطفى عبده وووووووو وصلوا لايه وشوفوا لاعيبة الزمالك القدام وصلوا لايه ...
كلهم فاشلين ولو كان فى واحد ناجح زملكاوى كان قدر يدرب فرقته حتى ولا يدير ناديه.. بدل ما كل شوية يجيبوا واحد من اللاعيبه القديمة ويطلع فاشل ..
1- حسن شحاته
2- طه بصرى
3- حلمى طولان
4- ابراهيم يوسف
5- اسماعيل يوسف
6-فاروق جعفر (مع اختلافى عليه)
و غيرهم كتير
كل دول مدربين ناجحين فى الدورى و دربوا منتخبات مصريه فى اعمار مختلفه
لاعيبه الاهلى بيتجهوا للأداره و الاعلام
الخطيب وشوبير ومصطفى عبده
- الخطيب انا بشوفه اكبر افاق هو و حسن حمدى --- ده اللى انا شايفه
- شوبير الاهلاويه بيكرهوه قبل الزمالكويه و ده مثال سئ
- مصطفى عبده - تجسيد للفشل و الدفع به لاسباب غير معلومه او مفهومه
المشكله فى الزمالك مش مشكله مدرب ولا مشكله لاعيبه
المشكله فى الاداره نفسها و ده مالوش دعو بان ابناء النادى كويسين او وحشين ليه دعوه بانتخبات يحكمها قانون البطيخ ولا وجود لدكتاتور مستبد يدفع بأموال موششته الى النادى و لا يحاسب عند اهدار المال العام
لو حضرتك مش عارف ان اغلب لاعيبه الزمالك هما اللى بيدربوا فى الدورى و فى القسم التانى ادينى بقولك
طب بم انك زملكاوى بقي :shine[1]:
انا شايف ان مرتضي منصور الوحيد اللى يقدر يدير نادى الزمالك ويقدر يظبط اللاعيبه الموظفين دول ويقدر يرجع النادى الى المركز المعتاد له فى الدورى واللى هو( التانى ) ...:shine[1]:
دلوقتى جمهور الزمالك مش طايق لا احمد رفعت ولا احمد رمزى طب هيتغيروا بمين ؟؟!!
للاسف الزمالك استهلك جميع مدربى العالم ومساعديهم وجهازهم الفنى كمان ..
مرتضي منصور عمل المستحيل علشان الزمالك فمعتقدش انه لو مسك الادارة تانى هيخربها ده بالعكس لو مسكها العيون كلها هتبقي عليه وكله هيبقي مستنى له على غلطة فبالتالى هيكون احسن واحد يمسك نادى الزمالك ...واوعى تقولى مرتضي (لا) هاقولك على راى المثل هيسخطوك يا قرد ..
مادام كده كده خربانة يبقي الرجل ده يرجع تانى ..
وانا مش هعلق على انك مش بتحب الخطيب ...
وشوبير انجح شخصية اعلامية فى 2008 من وجهة نظرى ...
أهوه الاخ اللي كان كاتب الموضوع جالك وحققلك أمنيتك.يا سلام بس كده ده إنت تأمر يا باشا.أولا يا أستاذ أحب تروح تشوف ردي في موضوع الخاله أو العمه باتشوكا دي اللي إنت نفسك مش عارف تنساها حتلاقي إن أنا ماكنتش شمتان كنت مصدوم في نادي الارن زي كتير من الاهلويه(مع العلم اني زملكاوي وحفضل زملكاوي).اه مش عشان شوية مرتزقه بيلعبوا باسم الزمالك يبقي خلاص مش حشجع الزمالك.وبعدين لما نتكلم علي الاهلي إنه خسر في اليابان.لنا حق أولا عشان لعيبة الاهلي الحاليين مش كسر زي المرتزقه بتوع الزمالك و المفروض كانوا يقدروا يخلوا شكل البلد اللي بيلعبوا تحت اسمها أحسن شويه(طبعا في الكوره).ثانيا شوف إعلام الاهلي و معظمممممم جماهيره هما اللي حسسونا إن الاهلي رايح يلعب الماتش النهائي مع مانشستر و هايجيب الكاس وجاي.وبعدين يا باشا أنا أصلان مكنتش ناوي أتكلم هنا في أي حاجه عن الاهلي أو الزمالك حتي لو الزمالك كسب الاهلي لسمح الله.ده انتوا يا راجل كونتوا حتكلوني بسنانكم لما اتكلمت و أنا اللي طلبت من الاداره قفل الموضوع .إيه يا عم هوه الواحد حرام اصلان يقول رأيه؟؟؟؟ ولا لازم أكون أهلاوي عشان أتكلم عن فرقه بتلعب باسم مصر.ده أنا لما كتبت موضوع ست باتشوكا دي هسستوني إن أنا عزام عزام.طب ما انتوا أهوه شمتانين في الزمالك اللي لو مش موجود مكنش الاهلي حايكونله طعم ولا لون ولا ريحه.و في النهايه أنا سعيد إن هققتلك أمنيتك و رديت عليك.و سلاموا عليكم:satelite:
والله يا درش هيه خربانه خربانه و مرتضى منصور خربها جامد
كمال درويش كان شخصيه محترمه جدا عكس مرتضى منصور
انا عندى استعداد الزمالك يخسر ميييت ماتش بس يكون عنده اداره محترمه عشان هيه كده كده لازم هتوصل فى الاخر
بس مرتضى صعب و احنا مش ناقصين فضايح
المدربين بتوع النادى المشكله الكبيره التدخل الادارى الرهيب
طه بصرى او حلمى طولان ماينفعش يشتغلو و مييت واحد بيتدخل
و لو حد منهم رجع ممكن نتكلم فى المركز التانى
بس الوضح الحالى هو وضع مأساوى يعنى عبد الواحد المفروض انه الجون القادم للمنتخب
هيحتك ازاى و كل اللى هيلعبه الزمالك 15 ماتش عمى فى دورى مش هيشوفه؟؟؟ المشكله كبيره يا درش
و شوبير اشهر و اكبر و اجعص اعلامى ماختلفناش
و هو كمان شيخ المنافقين و كدابين الزفه و اكبر متسلق عرفه تاريخ الرياضه
لو عايو تدى امثله على الاهلى اتكلم على عبده صالح الوحش الله يرحمه ممكن تتكلم على صالح سليم الله يرحمه رغم انى شايف اته كان دكتاتور و ارستقراطى جدا لنادى الطبقع العامه لمشجعيه هى الطبقه الكادحه
طب ايه ..!! نعمل خط ساخن 0900 ونستقبل اراء الناس ؟! :shine[1]:
طب انت سمعت الحل بتاع شوبير اللى قاله امبارح ؟؟
قال ان الاهلى كان واخد المركز السادس او السابع تقريبا فى الدورى وكان بيخسر كتير راح المشير ..
( مش فاكر اسمه ) واخد الاهلى معسكر قوات مسلحة وعلم اللاعيبه الادب ورجعوا خدوا كاس مصر فشوبير قال الحل ان اللاعيبة تروح معسكر قوات مسلحة ويصحوا بدرى ويحلقوا زيرووو ومفيش فلوس ليهم غير المرتبات وتكون قليلة كمان والجو يتظبط ...
هى فكرة حلوة .. بس عايزة اضافة .
مدير فنى جديد ( وليكن حسن شحاته ) لانى معتقدش ان فى حد هيتقدم بالزمالك غيره .. حسن شحاته المدير الفنى الوحيد الوطنى الزملكاوى اللى يقدر يظبط نادى الزمالك ولو وصلت لانه يضرب لاعيب بالقلم هيضربه مش هتفرق ومحدش هيكلمه ...+ ادارة جديدة ..
وعلى فكرة اانا بحترم اسماعيل يوسف ده جداااااا وبحبه جدا ولو ليه فى الادارة يبقي المشكلة اوشكت على الانتهاء ..
ولا انت شايف ايه ..؟
والله يا جماعة .. أنا اهلاوي جداً .. واتفرجت على الماتش .. وذهلت لما دخل الجون .. وقعدت مذهول مش مصدق الل بيحصل ده ..
انا رأي أن قصة الزمالك دي تنتهي بانتخابات مجلس إدارة بشكل سريع .. ويكون مجلس قوي مش أي كلام .. وده اللي حيختاره الأعضاء بنفسهم .. وكمان مدير فني يمشي اللعيبة على العجين ميلخبطهوش .. لأن في الزمالك فعلاً لاعيبة تقال .. بس فيه دلع ومساخة وقلة أدب منهم وعدم تحمل مسئولية .
وبالنسبة لموضوع غزة فلهم الله .. وكمان مننساش أن في أطراف في اللعبة كتيرة مش باينة .. ومنعرفش ايه اللي بيحصل في كواليس السياسة .
يا جماعه انا مش عارف جمهور الزمالك لسه بيشجع النادي ده علي ايه ديه لاعيبه ولا عندها ايه ريحه المسؤليه ومستهترين اوي تلاقيهم بعد الماتيش بيتكلموا بكل تناكه كانهم غلبين 10\0
ماخلاص مبيقيتش فارقه معاهم خساره ولا مكسب بجد يا زملكاويه انتم صعبنين عليا اوي بتحرقوا دمكم علي الفاضي وانتم معاكوا لاعبيه مش فارق معاهم اي حاجه
زى ما أنا وأنت وغيرنا أهلاوية وهنفضل نشجع الأهلى لو لاقدر الله :018: دخل فى دوامة زى الزمالك كده
أنا أتفرجت على الشوط الأول ولما خلص والزمالك مكنش عامل قلق لفريق بنى عبيد جالى أحساس أن الزمالك هيتغلب....:majd(4):
أنا أصلاً كنت بتفرج بس مركز مع حاجة على اللابتوب وقعدت نص الشوط فاكر الزمالك هو اللى لابس أبيض :k48: