زيت مصر 1 ولا شل الأصفر....؟

السلام عليكم .... و كل سنة و انتم طيبين
أنا بحط للعربية شل الأصفر من فترة و بغيره من 5000 ل 6000 كم و لما بينزل بيكون لونه بني مش اسود و كمان بتيقى لزوجته تمام .. و بصراحة أنا فضلي شوية و أغير الزيت و كنت هاروح أشتري شل الأصفر امبارح و اتفاجأت ان سعره بقى 100 جنية ...
و لما سألت قالولي أحسن بديل هوا زيت مصر 1 اللى يعد 10000 كم و بضمان و ده بيعملوا 75 جنيه و بيكون زي زيت شل الأصفر مع اختلاف المسميات و الاتنين نفس بعض سواء التركيبه أو الكفاءة و لما سألت على فرق السعر الكبير ده كان الرد هو اسم الشركة هو اللى بيغلي الزيت كمان عشان مصر للبترول قطاع حكومي فبيكون رخيص ....
أنا عن نفسي برتاح لشل قوي بس كمان حد من جوه شركة مصر للبترول أكدلي كل الكلام ده
مش عارف ايه رأي الأعضاء فالموضوع ده و حد جاربوا قبل كده و ايه رأيه فيه ؟؟؟؟

انا كمان بستعمل شل الاصفر بس وانا بغيرة من اسبوعين لاقيت السعر بقى 98 جنية ؟؟؟ بصراحة ناس بتستهبل يعنى البترول عمال يرخص ودة اللى عمال يزيد يا ريت فعلا يكون فى بديل ارخص ويكون بنفس الكفاءة

فعلا ياريت الأفاده لأنى غيرت زيت قريب بس حطيت شيل الأصفر و فعلا سعر مبالغ فيه اوى

ياريت الخبرا يقولونا اقرب بديل وميكونش بيضر الموتور

و شكرا ع الموضوع

فى زيت فى امارات مصر سايب بالكيلو...سعر الكيلو ب 21 ج ...بيحطوا الزيت بمسدس حسب ماتاخد العربية يعنى ممكن تاخد3 ك يبقى 63+3 مصنعية =66ج فقط لاغير و بيقعد 5 الاف كم وناس فى منتهى الجمال و خدمة عالية جدا و نضافة ملهاش حل ...وفى مسدس تانى بيحط نوع تانى 10الاف كم بس مش عارف سعره كام...انصحك بإمارات مصر بدل ماتجيب الجركن 4 ك و تسيبه فى شنطه العربية و تفضل تركن كل شوية جركن عشان البواقى...ناس كتير جربته و فعلا لقيت عليه زحمه جدا

السلام عليكم
انا معايا فيكترا 1995 و كنت بحط موبيل اكس اتش بى
كنت مرة عند واحد شغال فى موبيل قاللى نصيحة لوجة الله جرب زيت مصر للبترول اس ال 1
و شوف الفرق
فى الأول ما اقتنعتيش بس جبته على ضمانته لأنه خبير شوية فى الزيوت
الفرق فى اية بقى
1. زيت سوبر 10000 مش 5000
2. زيت سوبر تقيل بيريح المكنة بتاعت العربية قوى
3. البخر بتاعة مش زى موبيل الفضيحة اللى بيبخر هوا اول ما تقرص علية
و عن تجربة 2000 كم حتى الأن
زى الفل

أنا عن نفسي أفضل موبيل ١ ال ٣٠٠٠ كيلو

انا باتعامل مع كالتكس هافولين اللي المفروض بيتغير كل 5000 كم..
و مغيره اخر مرة علي 10000 كم.. و نازل اسود و لزوجته معقولة.. مكانش سايل خالص يعني... ولا تقيل..و للعلم..
الزيت لما ينزل اسود.. معناه انه بيأدي دوره صح و كويس في تنضيف الموتور..
و لما ينزل لزوجته قليلة.. معناه برضه انه شغال كويس.. لكن لو نزل تقيل معناه انه بدأ خواصه تتغير.. و كفاءته في تليين الموتور مش كويسة..
(الكلام بناء علي مناقشات مع قريب ليا و هو معانا هنا في المنتدي و شغال في شركة كالتكس للزيوت اصلا..)
ونصيحة بلاش التعاون ولا مصر للبترول..
متضمنش الشركات دي بتحط اضافات علي الزيت فعلا ولا لأ.. و ايه كفاءة و رقابة التصنيع عندهم..
خليك ف المعروف و المضمون انضف..و فرق السعر ده اكيد ليه معني.. مش من فراغ..

ألف شكر على ردودكم ... و كل سنة و انتم طيبين
بالنسبة لزيت مصر 1 أنا سألت الناس اللى أعرفهم حطينوا عندهم في عربيتهم و كلهم أجمعوا ان مصر 1 زيت ممتاز و بينزل بعد 5000 بشوية و الكلام ده مع واحد معاه bmw الفئة الخامسة 98 و واحد تاني معاه هوندا سيفيك 96 و الاتنين من هواة الحرق و الشد ... و إن شاء الله أنا رياح أجربوا بكرة و ربنا يسهل

السلام عليكم
عربيتي اكسيل مو 95 1500
عملت نص عمره شنبر وغيرت بساتم
حالة الموتور من 80-90 %
بستعمل الان اسو الرصاصي
بس صوت الموتور خشن
هل احط شل الاصفر ولا موبيل
ولا احط زيت كل 1000 كم حفاظا ع الموتور
انا مشاويري قليله وقصيره
وشكرا جزيلا