الموضوع: المجزرة الاسرائيلية

المشاركة الأصلية كتبت بواسطة tutankhamoun

ده العرب ضايعين ....... ده أمريكا و اليهود و الصهاينة نجحوا نجاح باهر في تفرقتنا و كرهنا لبعض

أقتبس من كلام أستاذ توت و أقول

احنا بنعيب على الحكام العرب الفُرقة و الخلاف اللى هما فيه و ما نحن الا صورة مُصغرة لهم

و من الآخر كدة احنا اتفقنا على ألا نتفق

لك الله يا غزة

المشاركة الأصلية كتبت بواسطة muslimah_dentist

أقتبس من كلام أستاذ توت و أقول

احنا بنعيب على الحكام العرب الفُرقة و الخلاف اللى هما فيه و ما نحن الا صورة مُصغرة لهم

و من الآخر كدة احنا اتفقنا على ألا نتفق

لك الله يا غزة

اخى دائما وابدا هناك صراع بين الحق والباطل ولكن غالبية الشعوب مع الحق وغالبية الحكام مع الباطل فكن متفائل وعندما يريدالله سينتصر الحق رغم انف الباطل

أخى محمد صدقت دائماً هناك صراع بين الحق و الباطل و الله سبحانه و تعالى قادر على النصر فى أى لحظة

و لكن أخى هناك مُقومات للنصر لأن النصر لأ يأتى دون تعب و جهد لتحقيقه

قال تعالى"ان تنصروا الله ينصركم و يُثبت أقدامكم"

فالنصر من عند الله يُوازيه نصر من عندنا بتحقيق الوحدة و المؤازرة التى أقل ما يمكن أن تكون معنوية و لكننى عندما دخلت على صفحة المنتدى وجدت حتى الفرقة ما بين الآراء و القاء الاتهامات على جانب دون الآخر و لكن فى خضم هذه المعارك الكلامية نسى الجميع أن الأطفال الذين تُسكب دمائهم على أرض غزة ليسوا مع جانب دون الآخر ، نسى الجميع أن نقول(فلنتحد و لندع الفرقة جانباً)

ليس تشاؤماً منى و لكن هو استقراء لواقع الأمة.

لك الله يا غزة.

المشاركة الأصلية كتبت بواسطة r0xer

الملخص حتى الأن :

1- مصر حذرت حماس من أن استفزازها لإسرائيل عواقبه وخيمة و حماس تجاهلت تلك التحذيرات.

2- حماس تسببت في المجزرة بسبب صواريخ "اللعب" التي أرسلتها لإسرائيل و التي اصابت فلسطينييين أيضا!

3- حماس تحاول عمل بلبلة على الحدود المصرية

4- استشهاد ظابط شرطة مصري على ايدي حماس الارهابية

5- لازالت حماس ترفض علاج الشعب الفلسطيني في المستشفيات المصرية و تركوهم هناك ليموتو

6- حماس تقتل ابناء فتح الذين كانو في سجونهم بعد محاولة الهروب جراء القصف الصهيوني

7- حسن نصر الله يثبت للمرة المليون ولائه لإيران فقط و أنه عميل حقير و سيظل كذلك، فإن كنت رجلاً...لماذا تم تدمير لبنان في 2006 و لم نرى خطتك الحربية القوية التي تريد تنفيذها لعمل انقلاب مصري من تحت لتحت؟ ولماذا لا نراك تمطر الجنوب الصهيوني بالصواريخ يا عميل لايران!

8-و كالعادة الجميع يزايدون على مصر لأن كل مفاتيح اللعبة في يدها...وهذا مايثبت ان مصر لازالت تتمتع بالقوة التي تؤهلها لتقود المنطقة . و من ينكر ذلك فليعاود قراءة الحقائق!

9- غزة تدفع ثمن غالي جداً...ولكنها ستتعلم من الدرس، وهو أن لا تكون الحكومة إخوانجية من جديد...فأي حزب ديني هو كابوس مزمن !

10- من يريد ان يحارب و لا يعجبه الوضع الفلسطيني، فيمكن أن ندبر له طريقة دخول لغزة وليحارب هناك و يموت شهيدا.....ولكن.....


أنزلوا من على دماغنا وبلاش مزايدات...واللي مش عاجباه مصر وشايفها خاينة وعميلة ممكن بكل بساطة يسيبها ويروح بلد من اللي مش خونة ولا عملا وهما هناك بيهجصو كتير ويتكلموا كتير وهيبقى تمام لما ينضم مع القطيع وهيعملو احلى دويتو مع بعض.


هيومان....انت كنت بتعترض ولا -بتعضد- كلامي لإني وكيلك الله مفهمتش قصدك :) ؟

ايها r0xer المصريون الغاضبون لاخوانهم فى غزة لن يتركو بلادهم لك ولمن هم على نهجك ولتعلم انهم الاغلبية هنا وسوف ياتى يوم لتتحسن فيه الامور

انا من رايى المتواضع إن المشكلة عندنا كلنا
للأسف إحنا العرب كلنا مفيش عندنا خطط لمواجهة الأزمات سواء خارجية او داخلية
او ما بتحصل مصيبة كل اللى بنقدر نعمله إن إحنا نتهم بعض

مصر للأسف مفيش عندها اى خطة لمواجهة ازمة مثل هذه و لذلك اول ماحصلت.. بيحصل حالة عدم إتزان و تطلع تصريحات ضعيفة و غير مرضية لاى طرف
يعنى مفيش خطة واضحة بشأن المعابر سواء بفتحها او غلقها او غيره

حماس نفس القصة - بغض النظر عن الصواريخ اللى إتضربت على إسرائيل - برضه مفيش عندها خطة لمواجهة العدوان الإسرائيلى رغم إن دى مش اول مرة
بمعنى إنهم بيبتدوا يفكروا بعد ما المصيبة تكون وقعت بالفعل

و كذلك حال جميع الدول العربية الكل نايم و بيصحوا على الكارثة و محدش بيكون مستعد حتى و لو بكلمة ترضى رأى العام

على العكس تجد إسرائيل بإستمرار عندها خطط بديلة و عندهم أهداف ماشيين عليها
ساعة ما بيبقى فيه مشكلة بيكون هناك سيناريو و خطة جاهزة لتنفيذها مش لسه بيفكروا هيعملو إيه

عشان كده هم بيلعبوا بيناو بيسبونا نرمى الإتهامات على بعض

ممكن نحاول نشوف الموضوع من منظور مختلف انا هتكلم فى عده نقط من غير ترتيب

1- انا لو اسرائيلى هبقى فخور جدا بالحكومه ديه اللى بتحمى شعبها من هجمات عبيطه بتعمل فرقعه اكتر من الفعل و كمان حكومه بتحافظ على كلمتها لما تهدد و تقول هتضرب بتضرب بجد

2- اسرائيل لما بتفكر بتفكر ان 1000 عربى ماتوا عشان تقدر تعيش هيه فى امان اكتر ده مش بيوجع ضميرها عشان المهم المواطن الاسرائيلى (تذكر حادث السلام مات فيه كتر من الف واحد)

3- انا لما ابقى عارف ان فيه واحد زور كبير و كل شويه يرمى عليا طوبه يبقى لو سكتله هلاقى كذا زور بيرموا عليا طوب فالحل علقه محترمه تخرس الناس ديه

4- حسن نصرالله لو بيتعامل مع ايران فده لمصلحه قضيه و لو ايران ليها دور ده خق ليها اصيل
العدو واحد هو اسرائيل فشلنا ان احنا نتعامل مع ايران مش معناه ان ايران سيئه
هيه ليها وجهه نظر و تستحق الاحترام
و لو حسن نصرالله بيتبنى وجهه النظر ديه ده مش معناه ابدا انه عميل و خاين و كلام النشا ده بس معناه ان احنا فاشلين فى مواجهه فكر بفكر مضاد و فالحين بس ان احنا نهاجم الناس و نشتم و نحول الاختلاف لاختلاف فى العقيده بدل ماهو اختلاف فكرى

5- ليهم حق كل الناس اللى بتهاجم مصر عشان احنا عاملين كبار على الفاضى
الكبير بتاع العرب هيه السعوديه و ده بسبب ان مصر تخلت عن دورها من زمان مصر مالهاش اى وزن و الناس الى بتهاجم مصر لسه مش واخده بالها من الموضوع ده

6- السعوديه لكبر دوله فى العالم ليها استثمارات فى امريكا تقدر ب 30%

7 -مصر ليست قوه اقتصاديه ولا سياسيه ولا اى حاجه و ليست قوه عسكريه كمان دلوقتى الجيش بيعمل افراح

8 - الحرب مش كلمه و الانتماء مش غوغائيه و تيت ام اليهود و هنكسرهم و احنا قاعدين و نفتح ميلودى نتفرج على الحلم العربى و نعيط شويه

اللى بيحب البلد ديه وعايز ليها الخير يهتم بالعلم يعلم ولاده انهم يبقوا ناس محترمه منتجين للمجتمع
عل و عسى ييجى اليوم اللى يبقى لينا كلمه فيه
انا ماذكرتش الدين عشان ده بديهى

لحد اليوم ده ماييجى نحط ديلنا بين رجلينا و نسكت احسن