يعني دي مانيوال..؟؟
هو في A5 manual
انا اول مره اعرف المعلومة دي..
عرض للطباعة
يعني دي مانيوال..؟؟
هو في A5 manual
انا اول مره اعرف المعلومة دي..
ايوا يا باشا زي بتاعتنا
دي تمنها بيبقى ب152 الف جنيه
و اسمها امبياتي
فيها كل الكماليات بس بدل تبترونيك مانيوال
لهواة السرعة
مممم
الف شكر يا كبير علي الافادة..
و الفئات اللي بعد كده ايه نظامها..؟؟
بيتهيألي كده بليحاولوا ينافسوا اسعار الفيكترا المانيوال شوية..
انا سمعت انها وصلت 145-149
كل فئات الاوكتافيا A5
السيدان و الستيشن بكل فئاتها علىها خصم 3 الاف جنيه
بس خلي بالك ال2008 الستوك
يعني انتا عندك النيو فابيا نزلت من 11 ال 17 الف جنيه
في موديلات 2009 الجديدة
فاهم قصدي
ايوة فاهم..
الفابيا اللي رخصت الشكل الجديد.. الموديل الجديد,,
لكن الاوكتافيا بيرخصوا الموديل القجيم بس عشان الشكل الجديد اللي سمعت انه نازل اول الشهر ف المعرض ان شاء الله..
بالظبط
على العموم لو ناوي استنى لغاية ما نشوف الشكل الجديد و اسعاره
و اصلا دلوقتي الوكلا حينزلوا غصب عن عنيهم لان مبقاش فيه حد بيشتري منهم
ربنا يخلي الخليجي اللي شغالين زي الفل..
و خلي بالك ان الفترة الجاية الخليجي هيمشي اكتر كمان لسبب مهم..
ان التجار ف الخليج عندهم ستوكات جامدة قوي.. و الركود وصل هناك.. و عايزين يخلصوا من اللي عندهم باي سعر معقول و خلاص.. بدل ما تقعد في حجره و ميعرفش يبيع..
و لو اخدت بالك ان الرواس ميتسوبيشي.. عمل كده و نزل دفعه عربيات من الامارات.. و سعرها ارخص شوية.. من العادية اللي هو بيبيعها..
حضرتك الوكلاء بيترجوا الوزير علشان يطلع قانون يمنع استيراد سيارات من غير بلد المنشا علشان حكاية الخليجي
ان محدش فيهم عارف يبيع عربية واحدة
لان الخليجي بيغطي عليه دلوقتي
ده البيكانتو نزلت في السعودية 10 الاف ريال سعودي علشان يخلصوا من الستوك
يعني حوالي 15 الف جنيه
خلي بقى الوكلا بتوعنا يتربوا كويس
بس يا رب محدش يوافق علي القانون ده..
ولو اني حاسس انه هيتوافق عليه.. عشان تقل الناس اصحاب التوكيلات دي..
بس خليني اقولك حاجة,. ادينا بتنفرج..
و هنشوف لو اتوافق عليه.. هيبقي بسبب ان اصحاب التوكيلات و مصالحهم اقوي و نفوذهم اكبر.. ولو القانون ماتوافقش عليه.. يبقي اللي بيستوردوا الخليجي نفوذهم اكبر.. و ضغطهم اكبر..
و ادينا بتنفرج..
ف الحالتين.. في ناس مستفيدة.. بس احنا هنستفيد ف الحالة التانية و هي عدم تطبيق القانون ده او عدم الموافقة عليه اصلا..
[QUOTE=crazylambada;583584]كل فئات الاوكتافيا A5
السيدان و الستيشن بكل فئاتها علىها خصم 3 الاف جنيه
بس خلي بالك ال2008 الستوك
خصم 3 الاف جنيه بس..؟ ده هو كان عامل خصم فى رمضان اللى فات 5 الاف جنيه قبل الازمة دى يعنى الA5 مانيوال كانت ب147000 ...انا مش فاهم التوكيل ده بيعمل كده ليه