الموضوع: اقتراح هام بخصوص مكسب الوكلاء... برجاء من الجميع الدخول

المشاركة الأصلية كتبت بواسطة sh23

*******
أخي الفاضل/ akram2025
تحياتي ... أما بعد
أرحو أن تتسع لي رحابة صدرك أكثر من ذلك
وإعدك أن هذة آخر مشاركة لي في هذا الموضوع
وختاماً أهديك الرابطين التاليين
http://www.nilemotors.net/Nile/showt...438#post560438
http://www.nilemotors.net/Nile/showt...t=51344&page=2
وختاماً لك خالص تحياتي وشكراً

أنا مش فاهم إنت عندك مشكله معايا ليه!! أنا لما سألت عن الإجراءات كان عشان فعلا أغير العربية و بعدين غيرت رأيي و لما شوفت مشكله المنتدى مع التجار قولت ممكن أفيد المنتدى بوجود شركتى و أعلنت إني مش عاوز أي مكسب ولا حتى إني أتولى موضوع الفلوس ده بس أنتوا تشوفوا الإجراءات... يعني الموضوع خالص لله و خدمة للمنتدى.. أفتكر كده ممكن تقفل الموضوع ده و بما إن مالكش أي مصلحة في الموضوع أو أي مشاركة نافعة يبقى من الأفضل إنك ماتستمرش في فرض خلافات وإيضاحاتك في الموضوع ده!!! ولو عند أي رد لي يبقى صندوق الرسائل الخاصة أفضل مكان لإستفساراتك و إيضاحاتك!

المشاركة الأصلية كتبت بواسطة mo7a_mo7a

العفو العفو الشكر لك انت صاحب الموضوع


اولا احب اوضح زي ما قلت في مداخلتي السابقة اني بعد ما انتهيت من كل الاجراءات لغيت العملية في اخر لحظة لاسباب حذكرها في نهاية المداخلة دي .....
النقل بيكون عن طريق شركات شحن خاصة وهم كتير والموضوع سهل جدا زي البوستة كده (البريد) الشركة بتيجي تستلم العربية من تحت البيت وبتقوم بملئ استمارات الشحن والتامين علي السيارة وتسجيل اسم المستلم في مصر (صاحب السيارة) وبتاخد ايصال الشحن والاوراق الخاصة بالسيارة علشان تعتمدها من القنصلية لو حبيت..
الشركة مش بتقولك حتنقلها ازاي!! هم احرار المهم انت بتحدد مكان التسليم وفي حالتي انا كان ميناء الاسكندرية البحري والتكلفة بتتحسب علي اساس الحجم اللي حتشغله السيارة في الكونتينر وهو في الغاب بياخد سيارتين (في حالة الكونتينر الكبير 6 متر) + المسافة طبعاً + التامين علي السيارة وكان المجموع بالضرائب حوالي 1100 يورو للسيارة الاوبل فكترا
الشحن بياخد وقت حسب بعد المكان اللي انت فيه عن الموانئ الدولية وحسب جدول الملاحة وكثافة الحركة الملاحية ....الخ ولكن في الغالب من المانيا بياخد وقت بين 5 و 11 يوم


معرفش الحكاية دي ومقدرش افتي بس معتقدش انه موقوف لان كتير من زملائي نزلو تربتيك بسياراتهم من ميناء فينسيا للاسكندرية محمولة علي العبارات السريعة
بس معتقدش انها حتفرق بين الشحن والنقل الخاص لكن اللي اعرفه ان معظم شركات الشحن المصرية بتشحن العربيات من النرويج تقريبا معرفش ليه!!!!!!!!!


في المانيا لحد دلوقتي الاسعار ماسكة نفسها وده مش غريب عليهم ومن ناحيتي حذكر في مداخلتي القادمة اقل الاسعار لاهم الماركات



المشكلة الوحيدة اللي قابلتني وخلتني اتراجع في اخر وقت اني لقيت ان السعر في النهاية حيكون قريب من سعر السوق المصري وكتير من المهندسين اصدقائي ومندوب مبيعات الشركة الام حذرني من ان بعض الاجزاء في السيارة غير مصممة للعمل في الجو الحار!!!!!!!
زي الاويلسيل والكوتشات والجوانات حتي طقم شنابر الموتور وقرب المياه وطلمبة البنزين والكاوتش ومستر وتيل الفرامل والويرات والزجاج والردياتير والسيور والدهانات .
والحجات دي كلها مصممة لتحمل البرودة العالية في المانيا والعمل بكفائة في درجات حرارة (تحت الصفر) وحذرني انها لم تختبر في الحرارة العالية ولكن بتستبدل باجزاء اخري متلائمة مع الحرارة العالية طبقا للمواصفات الخليجية
لذلك قررت اني اتجه للخليج اضمن

حاجة مفجعة عرفتها من الوكيل هنا:
كنت طلبت منه شهادة صادرة من الشركة الام تلزم وكيلهم في مصر بضمان السيارة (ست سنوات او 300 الف كيلو ايهما اقرب) وبعد الاستلام الشركة الام بعتت خطاب كان مفاجاة
الاستاذ الفاضل منصور محمد منصور مبيجبش العربيات الابل فكترا من المانيا
بتوصله من مصنع تاني تقريبا في جنوب افرقيا
ثانيا العربيات بتجيله مش كاملة
بدون مرايات جانبية ومراية الصالون وبدون سنتر او انزار وحجات تانية كتير وهو بيحط ده في مصر
وبالتالي سيارة ابل فكترا مصر غير مطابقة للمواصفات الالمانية ومركز الخدمة غير مؤهل لصيانة الاجزاء الاضافية اللي في السيارة اللي كنت حستوردها ومعندوش قطع غيار ليها وبكده هم ميقدروش يلزموه بضمان السيارة!!!!!

تحيا مصر

وده سبب تاني خلاني اقتنعت بالخليجي اكتر

كلامك واقعي جدا و مؤثر جدا في موضوع اختيار البلد المصدر للسيارة.
إذا الخطوة الصحيحة هي استيراد السيارات من الخليج و ده برضه متهيألي هيخفض تمن الشحن.
أرجوا من الأخوة المقيمين في الخليج إرسال أحسن الأسعار لديهم و أحسن العروض.
وشكرا جزيلا على إهتمامك و متابعتك للموضوع يا أخ موحا