المشاركة الأصلية كتبت بواسطة akram2025
بصوا يا جماعة... أنا عندي شركة استيراد و تصدير. وطبعا بطاقة استيرادية
وكلنا بنعاني من سرقة الوكلاء و تجار السيارات و جشعهم في مصر!! و الحوار الدائر الأن هو تفعيل المقاطعة لتخيض سعر السيارات... صح؟
طب بما إننا أكبر منتدى سيارات في مصر ليه منجمعش بعض و نحل المشكلة بطريقة أخرى..
مثال: أننا نشوف مين عاوز يشتري عربية و نعمل أوردر بإسم شركتي من الخليج مثلا أو أوروبا و بالسعار الجديدة المخفضة.. و يما إنها زيرو يبقى مفيش مشكله في دخولها مصر و هندفع تمن الجمارك بس!! و يبقى وفرنا كل مكسب الوكلاء!!
و أنا عن نفسي مش عاوز أي مكسب في العربيات دي و تكون خدمة لمنتدانا الغالي.
المطلوب هو أي حد عنده خبرة أو معرفة بإجراءت استيراد السيارات يقولنا عليها و له جزيل الشكر و بعد كده نجمع نفسينا ونشوف مين اللي عاوز عربية جديدة و نشوف سعرها هيبقى كام بعد الجمارك و نبدأ إجراءات الاستيراد.