الموضوع: مشروع إبني بيتك (هل معانا زملاء مشتركين فيه مثلي لنتبادل الخبرات)

قولنا انت طيب الارض دى بتستلمها فين وايه الشروط عشان نبدأ معاك من الاول :)

أه ياريت نعرف الخطوات من بدايتها
وياترى المشروع ده معمول فى كل المحافظات ولا لأ
وخصوصاً محافظات الصعيد

مشروع إبني بيتك هو أفضل مشروع إسكان للشباب القادر على البناء
المشروع إتعرض مرة واحدة واللي لحق يقدم خلاص
وطبعاً كان مشترط شهادة من التأمينات بمعنى تكون شغال ومتأمن عليك

أنا أخويا إستلم من يومين مرحلة أولى وإستلم على الورق ولسة مشافش الأرض بعينة وبعد أسبوع هيروح يعاين الأرض

لكن أسوأ ما في الأرض إنها صغيرة جداً على شكل شريط مستطيل مساحته لا تتجاوز 150 متر والعرض حوالي 8 متروصافي الدور لايسمح أن يزيد عن 63 متر وغالباً لا بد من ترك مسافة في الجنبين (لما أشوف الرسم هأكد هذا الكلام)

المهم هناك دعم حوالي 15 ألف جنيه في حال البناء حسب الجداول المعدة والرسم المعد من قبل

أنا لسة مش عارف الأحوال والنظام
وأي جديد هبلغكم

لكن أتمنى لو فيه حد عنده أي معلومات أن لا يبخل على إخوانه

طيب فين المكان ؟
و التكلفة الكلية قد ايه؟

و هل اللي بتاخده تمليك ولا حق انتفاع؟ و هل بيديك حق البيع ولا لأ؟

نورنا يا باشمهندس أحمد :)

اسمح لي بعد إذنك يا باشمهندس احمد ارد معاك

المشاركة الأصلية كتبت بواسطة NaderNabil

طيب فين المكان ؟

المكان في كل المدن الجديدة "زي اكتوبر والعاشر والسادات ..."

المشاركة الأصلية كتبت بواسطة NaderNabil

و التكلفة الكلية قد ايه؟

تكلفة الأرض 150 متر * 70 جنيه المتر = 10500 جنيه تم دفع 1050 جنيه مقدم والباقي تقسيط على 7 سنوات بعد الانتهاء من البناء "يمكن 10 سنوات بصراحة مش فاكر"
أما تكلفة المباني فدي ممكن أي حد شغال في مجال الإنشاءات يساعدنا فيها "علما بأن البناء على 50% من المساحة والارتفاع أرضي + دورين فقط" بس أعتقد ان بعض الزملاء كانوا قدروها بحوالي 60000 جنيه

المشاركة الأصلية كتبت بواسطة NaderNabil

و هل اللي بتاخده تمليك ولا حق انتفاع؟ و هل بيديك حق البيع ولا لأ؟

هي تمليك بس لا يجوز التصرف فيها إلا بعد استكمال البناء وسداد كامل الثمن

لمزيد من التوضيح أقول: المشروع ده كان أحد محاور مشروع مبارك القومي لإسكان الشباب ومحدودى الدخل وكان له شروط أهمها عدم تملك وحدة سكنية سواء تمليك أو إيجار قديم وأن لا يزيد الدخل عن 1000 جنيه للأعزب أو 1500 جنيه للمتزوج "وده كان السبب اللي خلاني ما اقدمش في المشروع أني احترمت الشروط مع تأكدي إن اللي دخله بالشكل ده مش هايقدر على مصاريف البناء وهايبيع الأرض بمجرد ما يستلمها بدون ما يستفيد منها"

كلام سليم

ولازم الناس تاخد بالها لأن فيه نصابين كثير موجودين حول جهاز أي مدينة جديدة للنصب على المشتركين في مشروع إبني بيتك


الناس بعد الإستلام على نوعين
نوع بيستلم ويبيع على طول
ونوع بيبني

وأنا وأخويا ناويين نبني بإذن الله

وشكراً للزملاء الذين قدموا معلومات
وفي إنتظار المزيد من المعلومات وخاصة لمن إستلموا وبدأو بالبناء