ياريت كل واحد راح للتوكيل او مركز خدمه تقيمه من حيث المعامله الكفائه الاسعار الوقت واي شيء اخر
ياريت كل واحد راح للتوكيل او مركز خدمه تقيمه من حيث المعامله الكفائه الاسعار الوقت واي شيء اخر
أنا تعاملت مع توكيل سوبارو (أبوغالى) اللى فى جسر السويس و انطباعى عنهم كويس جداً... يمكن بس الوقت كان أحياناً بيطول شوية، يعنى ممكن فى أوقات الزحمه اقعد ساعتين مثلاً علشان الصيانة الدوريه، بس قاعد فى مكان مكييف و دش شغال (و الريموت جنب التليفزيون يعنى شغل اللى انت عايزه مش على مزاجهم) و كمان PlayStation للى عايز.
بالنسبه للأسعار، أنا شايف انها الى حد ما مقبوله، الصيانه الدوريه فيها تغير زيت (Mobil1) و فلتر و كشف على العربية بالكامل من فوق و من تحت و غسيل جوا و بره بحولى 360 جنيه و ممنوع منعاً باتاً البقشيش. غيرت التيل بحوالى 450 و ده أنا عارف انو أغلى من عربيات تانيه كتير بس مش أغلى بكتير.
-----------------------------------------------------------
تعاملت برده مع توكيل بيجو اللى ورا نادى السكه(اعتقد انه مركز صيانه معتمد) و بصراحه العيال اللى هناك كانت جامده جداً بس صاحب المركز راجل سىء و معاملته وحشه جداً و أسعاره عاليه بشكل مبالغ فيه