المشاركة الأصلية كتبت بواسطة M.Mokhtar
كنت مره راكب ميكروباص وقاعد قدام وكان طااااير وعمال يسقط فى نقلات وشد وغرز وحركات
وعمل زيك كده فضل لازق فى اللى قدامه عشان ياخد غرزة شمال بعد ما يعدى اللى على شماله
ويادوب عدى ولسه بيرمى شمال اللى قدامه فرمل
فحك فى الاكصدام بتاعه حاجة خفيفه جدا
طبعا قولتله ايه اللى بتعمله ده؟ انت بتعرف تسوق؟ هدى شويه
قالى خايف من ايه؟
قولتله مش خايف السرعه اللى انت بتمشى عليها دى انا بمشى عليها لما اكون ماشى براحتى
بس انت خبط فى اللى قدامك
تعرف يعنى ايه يعنى انت مش سواق انت ..... كمل انت بقى
لاقيته زعل اوى واحرج من نفسه وقالى يا باشا انا لو عايز اشد اكتر من كده هشد بس عشان انتوا خايفين
قولتلوا طيب لما تعوز تشد وتيجى تفرمل وتسقط نقله ابقى خلى كعبك بس اللى يفرمل ويسيب رجلك على البنزين عشان لما تسقط النقله الموتور يبقى على نفس الRPM ويديك عزم احسن على المقله الجديده
الرجال بلم كده وحس انى بتكلم جد وفاهم فى الحوار
فلم نفسه فعلا ومشى زى الناس
قصدى من القصه انك ممكن تخليه يمشى صح لو احرجته مش لازم تشدوا مع بعض فى الكلام وكده
حسسه بغلطه وانه مش فاهم العواقب ايه
وربنا يهدى الجميع